Kɔlɔsikalu 3:10 - Ala Ya Salatikan Kula Kitabu

¹⁰ Ài do vɛ dajoo kula ta, min ma yi falinna kudein ka kɛ a kula le, fɔsa ài yi wo lɔn bɛlɛbɛlɛ kɛ min na a ladanna a jɛlɛkanu sawula lɔ.

Kɔlɔsikalu 3:10 ပူးပေါင်းရင်းမြစ်များ

Yohana 17:3

Niimaya banbali kɔlɔ le ko, ai yi ile Ala bɛlɛbɛlɛ kelenpesa lɔn, ani ǹe Masa Tɔɔmasenin Isa min kelayanin i bolo.

Lɔmukalu 12:2

Ài k'ài suma dunuɲakolu ma, mafɔ ài yi diɲa Ala y'ài miliya mafalin ka hangili kula di ài ma. Wo vɛ kɛla, ài kɛtɔ Ala sawo lɔnna, min keinyanin, ani min diyanin a yɛ, ani min dafanin.

Lɔmukalu 13:12

Su vɛ jaanfa, kɛnɛ bɔtɔle. Wo le y'a ma, ài m'i divilɔkolu dabila ka telelɔkolu ta k'ai kɛ maa kɛlɛkɛfennu le.

Lɔmukalu 13:14

Ài yi mɔ Tii Masa Tɔɔmasenin Isa dajoo ta ài jɛlɛ yɛ. Ài do k'ài sɔnja ài falikolo le butu ka bɛn a niikanukolu ma.

Lɔmukalu 6:4

Maa makoliko sabu la, mɔ su vɛ doon a fɛ ka kafon a kɔkan aa saya lɔ, fɔsa Masa Tɔɔmasenin lawulinin teme ka bɔ saya lɔ mɔ Fa Ala ya foniseleya lɔ, ǹu fana yi taama niimaya kula lɔ ten ne.

Lɔmukalu 8:29

Kamasɔlɔn mɔɔ minu lɔnnin tɛɛ Ala bolo ka ta a damina ma, a k'a latɛɛ fana ko wolu yi kɛ a Denkɛ sawula le le, fɔsa wo yi kɛ den kunfɔlɔ le badenma siyama wotɛ.

2 Kolɛntikalu 3:18

Faani bilinnin tɛ ǹu minu ɲa la, m'i mɔ Tii nɔɔlɔ jiyala iwo jiya yi yena duwalen nɔ teme. Wo ma, mɔ Tii min kɛnin Nii Sɛnɛyanin ne, wo yi mɔ mafalinna ka mɔ kɛ iwo ale gbu, ka nɔɔlɔ dɔ la a dɔ kɔkan waate bɛ.

2 Kolɛntikalu 4:16

Wo le y'a ma, mɔ jei tɛɛnin tɛ. Hali ni mɔ falikolo fanga ma ka kɛ jiila, mɔ nii yi kɛla a kula le tele o tele.

2 Kolɛntikalu 4:6

Kamasɔlɔn Ala min n'a fɔla, ko: «Kɛnɛya yi mɛnɛn divi lɔ,» ale kelen ne vɛ kɛnɛya lamɛnɛn mɔ josokun nɔ, fɔsa m'i Ala ya nɔɔlɔ lɔn min yi mɛnɛnna Masa Tɔɔmasenin Isa ɲakɔlɔla lɔ.

2 Kolɛntikalu 5:17

Ni mɔɔ min ka kɛ Masa Tɔɔmasenin ya kafonɲɔɔya lɔ, wo tii vɛ kɛ dannifen kula le. Ko kɔlɔlu vɛ tunun, ado ko kulalu le yi je butu.

Galatiyakalu 3:27

Àilu minu vɛ makoli sɔlɔn ka don Masa Tɔɔmasenin ya kafonɲɔɔya lɔ, ài vɛ ài masili Masa Tɔɔmasenin kɛɲa la iwo faani.

Galatiyakalu 6:15

Kɛnɛkɛko ni kɛnɛkɛbaliya do tɛ jatela ko le. Min yi jatela ko le, wo le ka kɛ dannifen kula le Ala bolo.

Ɛfɛsikalu 2:10

Kamasɔlɔn Ala baalenɔ le mɔ le, a na minu ladanna Masa Tɔɔmasenin Isa sabu la koɲumakɛko lɔ, fɔsa Ala gbu na koɲuma minu lɔbɛnna mɔ yɛ kɔlɔkɔlɔ le, m'i kɛ wolu kɛba le.

Ɛfɛsikalu 2:15

a ka Jahudiyalu ya seliya ni aa jamali ni kolatɛɛninnu bɛ laben, fɔsa aa kafonɲɔɔya lɔ, siboloma fila yi kɛ mɔɔ kula kelen ne, ka josolajii don ai tɛma.

Kɔlɔsikalu 3:12

Komi Ala n'ài tala k'ài kɛ a diyananmɔɔ sɛnɛyaninnu le, wo lɔ, ài yi dajoo kula ta ka kɛ maɲumande le, ani mɔɔ ɲuma, ani mɔɔ fanmajiinin, ani mɔɔ mafanin, ani mɔɔ sawalinin.

Kɔlɔsikalu 3:14

Kɛɛ min timinnin wo bɛ la, wo le kanundeya le, min kɛtɔ àiya ko bɛ silila i ɲɔɔ ma ka dafa.

Filemɔn 1:6

Ǹ'i Ala dalila fɔsa maa dɛɛn limaniya kelen na, wo yi na koɲaye bɛlɛbɛlɛ le ka bɛn koɲuma suu bɛ ma, minu yi sɔlɔnna Masa Tɔɔmasenin ya kafonɲɔɔya lɔ.

Hebululu 6:6

ado wo bɛ n'a kɛ, ai k'ai kɔsei ai kɛko kɔlɔlu ma ka limaniya siya bila. Mɔɔ suu wolu la tɛ se seikɔla limaniya siya kɔkan kɔtunun, kamasɔlɔn ai yi Ala Denkɛ le gbaanna kɔlɔman ma kɔtunun, k'a lamaloya bala lɔ.

1 Yohana 2:3

Ni mɔ ka Ala ya jamalilu labato, m'a lɔnna wo le fɛ ko mɔ ka a lɔn.

1 Yohana 2:5

Kɛɛ mɔɔ min y'a kumakan labatola, Ala ya kanundeya da vɛ fa wo tii josokun nɔ bɛlɛbɛlɛ kɛ. Mɔ do y'a lɔnna min ne ma ko m'i Ala ya kafonɲɔɔya lɔ:

Ko Lankɛnɛmayanin 21:5

Ale min siinin tɛɛ masayasiifen nɔ, a vɛɛ: «A ye, ǹ'i fen bɛ kɛla a kula le yi ne.» A do vɛɛ kɔtunun: «Minu sɛvɛ, kamasɔlɔn kuma minu yi lanaya kuma ni tuɲa le le.»