Kɔlɔsikalu 2:4 - Ala Ya Salatikan Kula Kitabu

⁴ Ǹ'i min fɔla ài yɛ yi ne fɔsa mɔɔ mɔɔ kana ài majuwaya kuma madiyaninnu le.

Kɔlɔsikalu 2:4 ပူးပေါင်းရင်းမြစ်များ

Matiyu 24:24

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ba ni kawanankolu kɛla fɔsa Ala ya mɔɔ taninnu la yi fili, ni wo ka se kɛla.

Matiyu 24:4

Isa k'ai javi, a vɛɛ: «Ài y'ài jando ài jɛlɛ lɔ fɔsa mɔɔ suu suu kana ài lafili.

Malɛkɛ 13:22

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ni kawanankolu kɛla, fɔsa Ala ya mɔɔ taninnu la yi fili, ni wo ka se kɛla.

Kɛkolu 20:30

Tuɲa le, a dɔlu kɛtɔ ai wulila àilu gbu tɛma ka tuɲa jɛlɛma, fɔsa ai yi Isa kɔbiladennu masama ka wolu bila ai kɔ.

1 Kolɛntikalu 2:4

Ǹ tɛɛ kumala ài fɛ ani ka kawanili kɛ waate min nɔ, ǹ tɛɛ tɛ ǹ da lɔdiyala iwo hangilima. Mafɔ, Nii Sɛnɛyanin ka aa foniseleya le jiya,

2 Kolɛntikalu 11:3

Wo bɛ n'a kɛ, sa na jateeya min suu kɛla Mama Hawa la k'a manɛɛ, ǹ'i siyanna àilu gbu hangili kana ɲaami boloɲa gbɛlɛ ma k'ài kɔdon àiya kanundeya bɛlɛbɛlɛ la Masa Tɔɔmasenin yɛ.

Galatiyakalu 2:4

Wo ko tɛɛ vɛ wuli kamasɔlɔn faɲafɔ badenma dɔlu tɛɛ vɛ kafon mɔ kɔkan doon nɔ mɔ ɲina ma. Ai tɛɛ a fɛ ka maa lafɛlɛ lakɔlɔsi min sɔlɔnnin Masa Tɔɔmasenin ya kafonɲɔɔya lɔ, fɔsa ai yi mɔ bila jɔnya lɔ kɔtunun.

Ɛfɛsikalu 4:14

Wo ma, mɔ tɛnala kɛla dennilu le butu, kɔɔ kilinkilin yi minu lamaamaala, ani fɔɲɛ yi minu lafilinfilinna ka bɛn mɔɔ jateeyaninnu ya lafilikolu ma ani aiya faɲafɔ kalan kaijakaijalu.

Ɛfɛsikalu 4:17

Ǹ'i min fɔla yi ne mɔ Tii tɔɔ lɔ k'a magbeleya, ǹ ko, ài kà kɛ taamana butu iwo Alalɔnbalilu y'a kɛla teme ai miliya fuun ne.

Ɛfɛsikalu 5:6

Ài kà diɲa mɔɔ mɔɔ y'ài lafili kuma kolonnu le, kamasɔlɔn ko suu wolu le y'a kɛla, Ala ya mɔnɛya yi nala a kumakan labatobalilu kanma.

Kɔlɔsikalu 2:18

Ài kà diɲa mɔɔ suu suu y'ài jobaliya, minu yi faɲafɔ fanmajii kɛla ani ka mɛlɛkalu bato. Mɔɔ wolu yi ko siyama le ɲafɔla, ai vɛɛ ko Ala le na wolu lajɛlɛla ai ɲa ma, k'ai fannɔbuɲa fuun ka bɛn aiya adamadenya miliya ma dein.

Kɔlɔsikalu 2:8

Ài y'ài jando ài jɛlɛ lɔ alako mɔɔ suu suu kana ài kun mina a jɛlɛkanu ya hangilimaya le, k'ài lafili faɲafɔkolu le, minu jusiinin adamadennu ya laanalu kɔkan, ani dunuɲa fangatii yenbalilu, minu tɛ Masa Tɔɔmasenin ta le feu.

2 Timote 2:16

I i jɛlɛ matanga kuma fuunnu ma, minu ni Ala ya siya bɛnnin tɛ i ɲɔɔ ma, kamasɔlɔn wolu le yi mɔɔlu mataala Ala la.

2 Timote 3:13

Kɛɛ mɔɔ yonnu ni wunafalilu koni, a dɔ kɛtɔ tola lala aiya koyon ne kɔkan kudein, ai vɛ dɔlu lafilila iwo ailu gbu lafilinin teme.

1 Yohana 2:18

Ǹ dennu, dunuɲa laban waate ma vɛ sulunya. Ài n'a mɛnna ko Masa Tɔɔmasenin kɛlɛkɛɲɔɔ natɔ, ado tandainɔ yi ne, Masa Tɔɔmasenin kɛlɛkɛɲɔɔ siyama vɛ ban nala. Wo le n'a kɛla, mɔ k'a lɔn dunuɲa laban waate ma vɛ sulunya.

1 Yohana 2:26

Ǹ'i min sɛvɛla ài ma ka bɛn mɔɔ wolu ya ko le ma, minu y'a fɛ k'ài lafili.

1 Yohana 4:1

Ǹ diyananmɔɔlu, ài kà la mɔɔ bɛ la minu y'a fɔla ko Ala Nii y'ai fɛ, kɛɛ ài y'ai lakɔlɔsi bene k'a lɔn ni Ala Nii le y'ai fɛ, kamasɔlɔn faɲafɔ kelalu vɛ siyaya dunuɲa.

2 Yohana 1:7

Mɔɔlafilibalu vɛ siyaya dunuɲa yi ne, minu tɛ diɲala k'ai lɔ a la ko Masa Tɔɔmasenin Isa nanin dunuɲa mɔɔnivin falikolo lɔ. Mɔɔ suu wolu yi mɔɔlafiliba le le, ani Masa Tɔɔmasenin kɛlɛkɛɲɔɔ.

Ko Lankɛnɛmayanin 12:9

Wo boloɲa ma, ai ka jijala ni aa mɛlɛkalu gbɛn k'ai laben duukolo kɔkan. Ale le taanin kɛla sa kɔlɔkɔlɔ ba le, ai y'a fɔla min ma ko Jebulusa niwotɛ Soitana, dunuɲa muumɛ lafiliba koni.

Ko Lankɛnɛmayanin 13:8

Dunuɲamɔɔlu bɛ kɛtɔ soofali batola, mɔɔ minu tɔɔ sɛvɛnin tɛ niimaya kitabu kɔnɔ ka ta dunuɲa dan waate ma, min yi Saa Bolan ta le, ai ka min faa.

Ko Lankɛnɛmayanin 20:3

Mɛlɛka k'a lafili diɲa gboon lɔjaannin nɔ k'a datuun a ma, alako Soitana kana to dunuɲa sibolomalu lafilila butu, haan fɔɔ sanji waa kelen wo vɛ dafala. Ni waate wo ka timin, fɔ a la yi fɛlɛ waateni kɔlɔ.

Ko Lankɛnɛmayanin 20:8

A do kɛtɔ taala sibolomalu lafilila minu yi dunuɲa tungun naani la. Wolu le Yajujunkalu ni Majujunkalu le. Soitana kɛtɔ ai ladɛnna kɛlɛkɛko lɔ. Ai walatɔle iwo kɔɔji kawunna kiɲɛ.