Kɔlɔsikalu 2:20 - Ala Ya Salatikan Kula Kitabu

²⁰ Ni àilu ni Masa Tɔɔmasenin vɛ sa kelen ne, ani ài la vɛ fɛlɛ ka bɔ dunuɲa fangatii yenbalilu ya seetiiya kɔlɔ, wo lɔ, mindɛ lɔ ài y'a kɛla iwo dunuɲa ta le ài le, k'ài fanmajii tɔn minu yɛ hali bi, ko:

Kɔlɔsikalu 2:20 ပူးပေါင်းရင်းမြစ်များ

Yohana 15:19

Ni do ài tɛɛ kɛ dunuɲa ta le, a tɛɛ ài kanule iwo a ta. Kɛɛ ài tɛ dunuɲa ta le, kamasɔlɔn ǹ n'ài tala k'ài bɔ a bolo. Wo le n'a kɛla, àiya ko gbeyanin dunuɲa yɛ.

2 Kolɛntikalu 10:3

Hali ni mɔ ka kɛ mɔ nii la dunuɲa min nɔ, mɔ tɛ maa kɛlɛ kɛla iwo dunuɲamɔɔlu y'a kɛla teme.

Galatiyakalu 4:3

Wo boloɲa kelen ma, ǹu fana ya denniya waate lɔ, mɔ tɛɛ jɔnya le lɔ dunuɲa fangatii yenbalilu bolo.

Galatiyakalu 6:14

Ǹe koni, ǹ tɛnala ǹ jɛlɛ matɔɔla ko ko si lɔ, mafɔ mɔ Tii Masa Tɔɔmasenin Isa gbaanko kɔlɔman ma dein. Ka bɛn wo ma, dunuɲa kɛnin ǹ ɲana fen sanin ne le, ado ǹe fana yi fen sanin ne le dunuɲa ɲana.

Ɛfɛsikalu 2:15

a ka Jahudiyalu ya seliya ni aa jamali ni kolatɛɛninnu bɛ laben, fɔsa aa kafonɲɔɔya lɔ, siboloma fila yi kɛ mɔɔ kula kelen ne, ka josolajii don ai tɛma.

Kɔlɔsikalu 2:14

Kamasɔlɔn jalaki sɛvɛ min ladannin tɛɛ mɔ kanma ka bɛn maa seliya tiɲako ma, Ala ka wo bɛ laben k'a bɔ je, ka sɛvɛ wo gbaan Masa Tɔɔmasenin gbaankɔlɔman ma.

Kɔlɔsikalu 2:16

Wo lɔ, ài kà diɲa mɔɔ suu suu y'ài kiti ka bɛn dɔnnifen ni minnifen ya ko ma, niwotɛ selilon dɔ, niwotɛ kalo kula selilon, niwotɛ Nɔningɛlon ya ko.

Kɔlɔsikalu 2:21

«Ài kà min mina! Ài kà min dɔ dɔn! Ài k'ài bolo tuu min na!»?

Kɔlɔsikalu 2:8

Ài y'ài jando ài jɛlɛ lɔ alako mɔɔ suu suu kana ài kun mina a jɛlɛkanu ya hangilimaya le, k'ài lafili faɲafɔkolu le, minu jusiinin adamadennu ya laanalu kɔkan, ani dunuɲa fangatii yenbalilu, minu tɛ Masa Tɔɔmasenin ta le feu.

Kɔlɔsikalu 3:3

kamasɔlɔn ài vɛ sa, ado àiya niimaya ladalonin Masa Tɔɔmasenin ne fɛ Ala ya foniseleya lɔ.

Hebululu 13:9

Ài kà diɲa ài la yi fili ka bɛn kalan kaijakaija kulalu ma. A bɛnyine Ala ya nɛɛma y'ài josokun bama, jamali ko tɛ ka bɛn dɔnnifennu ma, minu tɛ ai latelenbalu wunafala tuun.

Janguba 4:4

Àilu lanandeyabalilu! Ài m'a lɔn ko dunuɲa kanu yi nala Ala lagbeyaɲɛ le le? Wo lɔ, ni mɔɔ mɔɔ si y'a fɛ k'a jɛlɛ kɛ dunuɲa kanuba le, wo tii kɛtɔ a jɛlɛ kɛla Ala juu le le.

1 Yohana 5:19

Mɔ k'a lɔn ne ko Ala ta le mɔ le, ado dunuɲa bɛ yi Soitana fanga le kɔlɔ.