Kɔlɔsikalu 2:2 - Ala Ya Salatikan Kula Kitabu

² Ǹ'i wo sɛɛ le la fɔsa ai sɛmɛ yi don, ani ai yi bɛn a lɔ kanundeya boloma, ka lɔnni dafanin sɔlɔn hangilimaya boloma fɔsa ai yi Ala ya gbonoko lɔn, min taanin kɛla Masa Tɔɔmasenin gbu le,

Kɔlɔsikalu 2:2 ပူးပေါင်းရင်းမြစ်များ

Matiyu 11:25

Wo waate kelen nɔ, Isa k'a fɔ, a vɛɛ: «Ǹ Fa, sangbolo ni duukolo Tii, ǹ'i balika bɔla i yɛ, kamasɔlɔn i na ko minu doonna hangilima ni lɔnnilalu ma, i vɛ wolu jiya kalanbalilu la.

Matiyu 11:27

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Matiyu 13:11

Isa k'ai javi, a vɛɛ: «Haijɛnɛ masaya gbonolu lɔnni vɛ di àilu ma, kɛɛ a ma di a dɔlu ma.

Luka 1:1

Ǹ diyananmɔɔ Teyofile, ko minu timinnin mɔ wotɛ jan, i k'a lɔn mɔɔ siyama v'i lɔja ka wo taliku sɛvɛ,

Yohana 10:30

Ǹe ni ǹ Fa yi kelen ne le.»

Yohana 10:38

Kɛɛ ni a ka talan ǹ'i wolu le kɛla, ài yi la wolu la, hali ni ài ma la ǹe la, fɔsa ài y'a lɔn k'a gbɛ a ma ko ǹ kafonnin ǹ Fa kan, ale fana kafonnin ǹ kan.»

Yohana 16:15

Min bɛ yi ǹ Fa ta le, wo bɛ yi ǹ ta le le. Wo le n'a kɛla, n'a fɔla, ǹ ko, Nii Sɛnɛyanin vɛ min sɔlɔnna ǹ fɛ, a kɛtɔ wo le lasena ài ma.»

Yohana 17:3

Niimaya banbali kɔlɔ le ko, ai yi ile Ala bɛlɛbɛlɛ kelenpesa lɔn, ani ǹe Masa Tɔɔmasenin Isa min kelayanin i bolo.

Yohana 5:17

Kɛɛ Isa k'ai javi, a vɛɛ: «Ǹ Fa yi baalela hali bi, ani ǹe gbu yi baalela.»

Yohana 5:23

fɔsa bɛ yi Denkɛ buɲa iwo ai y'a Fa buɲala teme. Ni mɔɔ min ma Denkɛ buɲa, wo tii tɛ a Fa fana buɲala min na wo kelayala.»

Yohana 6:69

Mɔ do vɛ limaniya yi ne, ani k'a lɔn ko ile le Ala ya Mɔɔ Sɛnɛyanin ne.»

Kɛkolu 4:32

Limaniyajama bɛ bɛnnin tɛɛ a lɔ ai josokun ni ai miliya lɔ. Wo lɔ, mɔɔ mɔɔ tɛɛ tɛ a bolofennu jatela ale kelen ta le, mafɔ k'ai dɛn ai bolofennu la.

Lɔmukalu 15:13

Ala min yi jeisii dila, wo y'ài josoladiya k'ài josolajii bɛlɛbɛlɛ kɛ àiya limaniya fɛ, fɔsa a dɔ yi to lala àiya jeisii kɔkan ka bɛn Nii Sɛnɛyanin ya seetiiya ma.

Lɔmukalu 16:25

Tanuli yi Ala yɛ, a see yi min yɛ k'ài lasawati limaniya lɔ iwo ǹ na kawanili kɛla teme ǹa Samakan Kein nɔ ka bɛn Masa Tɔɔmasenin Isa ma. Ala ya gbonoko le wo le, a na min doonna waate timinninu kɔlɔ,

Lɔmukalu 2:4

Niwotɛ, i jɔyine Ala ya ɲumaya ba ma, ani aa sɔniyali ni aa sawali? Jalasa i m'a lɔn ko Ala ya ɲumaya le ka kan ka kɛ sabu le i i jɛlɛ lasei a ma?

1 Kolɛntikalu 14:31

Kamasɔlɔn ài bɛ yi sene kelayakuma lasena kelen kelen ne, fɔsa bɛ yi kalan sɔlɔn ani ka bɛ sɛmɛdon.

1 Kolɛntikalu 2:12

Ǹu koni, mɔ na hangili min sɔlɔnna, wo tɛ dunuɲa ta le. Mɔ do vɛ Ala Nii Sɛnɛyanin sɔlɔn, fɔsa m'i se Ala ya sɔlilu lɔnna teme.

Galatiyakalu 3:28

Wotɛbɔli tɛ Jahudiya ni siboloma gbɛlɛ mɔɔlu wotɛ, niwotɛ jɔn ni hɔlɔlu, niwotɛ kɛ́ ni mosolu, kamasɔlɔn ài bɛ yi kelen ne le Masa Tɔɔmasenin Isa ya kafonɲɔɔya lɔ.

Ɛfɛsikalu 1:7

Mɔ do kunmakanin a jeli bɔnko le fɛ, ani maa hakɛlu lɔ vɛ koto ka bɛn aa nɛɛma dafanin ne ma,

Ɛfɛsikalu 3:16

Ǹ'i Ala dalila a ài sɛmɛdon a Nii Sɛnɛyanin sabu la, ka bɛn aa magbiliyali nɔɔlɔnilu ma,

Ɛfɛsikalu 3:3

A na aa gbonoko lankɛnɛmayala ǹ yɛ, iwo ǹ n'a sɛvɛla ài ma teme kuma lɔsulunya boloma.

Ɛfɛsikalu 6:22

Wo le y'a ma, ǹ'a lataala ài ma, fɔsa ài yi kɛ maa kolu kalama, ani ài josola yi jii.

Filipikalu 2:1

Damanda ài sɛmɛdonnin Masa Tɔɔmasenin ya kafonɲɔɔya lɔ, ani ài josolajiinin ka bɛn aa kanundeya ma, ani ài ka kɛ kafonɲɔɔya lɔ Nii Sɛnɛyanin fɛ, ani diyaɲɛ ni henandeya ka kɛ ài wotɛ,

Filipikalu 3:8

Tuɲa le, ǹ'i ko bɛ jatela bɔnɔ le le, kamasɔlɔn ka ǹ Tii Masa Tɔɔmasenin Isa lɔn, wo kulugbeleyanin vɛ ko bɛ le. Ale ya ko lɔ, m̀'ɛ bɔnɔ ko bɛ la ka wo bɛ jate iwo ɲama, fɔsa ǹ'i Masa Tɔɔmasenin sɔlɔn,

Kɔlɔsikalu 1:26

Wo do kɛnin Ala ya gbonoko le le, a tɛɛ vɛ min doon mɔɔ timinninu ma waate jaan kɔlɔ, kɛɛ tandainɔ a vɛ wo lankɛnɛmaya aa mumininnu yɛ.

Kɔlɔsikalu 1:27

Ala n'a jatesiila ko k'ai lalɔnni gbonoko wo la, min do makawanin ka gbiliya dunuɲa siboloma bɛ ɲakɔlɔ. Gbonoko wo le min ne: Masa Tɔɔmasenin y'ài josokun nɔ, ale min àiya nɔɔlɔ sɔlɔnko jeisii le.

Kɔlɔsikalu 1:9

Wo le n'a kɛla, ka ta mɔ na àiya ko mɛnna lon min na, mɔ ma mɔ nɔningɛ Ala dalila ka bɛn ài ma, fɔsa ài yi Ala sawo dafanin lɔn ka bɛn hangilimaya ni koɲaye suu bɛ ma, Nii Sɛnɛyanin yi minu dila.

Kɔlɔsikalu 2:19

Ai tɛ diɲala k'ai fasanin to Masa Tɔɔmasenin ma min yi falikolo kun ne, falikolo bɛ yi balola ka bɛn min ma, ani a fan bɛ dɛnnin min na ka kɛ kelen ne a tuunɲa ni a fasalu fɛ, k'ai to buɲala iwo a diyanin Ala yɛ teme.

Kɔlɔsikalu 3:14

Kɛɛ min timinnin wo bɛ la, wo le kanundeya le, min kɛtɔ àiya ko bɛ silila i ɲɔɔ ma ka dafa.

Kɔlɔsikalu 4:3

Ài yi Ala dali ǹu fana yɛ, fɔsa Ala yi da laka mɔ yɛ a kumakan lasenko lɔ ka bɛn Masa Tɔɔmasenin ya gbonoko ma. Ǹe do yi kaso le la yi ne ka bɛn wo ma.

Kɔlɔsikalu 4:8

Ǹ na a kelayala ài ma wo le lɔ, fɔsa ài yi kɛ maa kolu kalama, ani k'ài sɛmɛdon.

1 Tɛsalonikakalu 1:5

Kamasɔlɔn mɔ na maa Samakan Kein lasena ài ma mingɛ, wo do ma dan dalɔkuma ma dein, mafɔ a nanin seetiiya le le, ani Nii Sɛnɛyanin ya madɛmɛli, ani lanaya dafanin. Ài do k'a lɔn ne mɔ tɛɛ mɔɔ suu min ne ài tɛma ka bɛn ài nafako ma.

1 Tɛsalonikakalu 3:2

Wo lɔ, mɔ ka mɔ badenma Timote lataa ài ma, ale min yi mɔ baalekɛɲɔɔ le Ala ya baale lɔ Masa Tɔɔmasenin ya Samakan Kein lasenko lɔ, fɔsa a tɛɛ ài sɛmɛdon ani k'àiya limaniya lasawati,

1 Tɛsalonikakalu 5:14

Mɔ badenmalu, m'a fɔla ài yɛ k'a magbeleya ko ài yi baalekɛbalilu lali, ka mɔɔ jeitɛɛninnu sɛmɛdon, ani ka fangandannu madɛmɛn. Ài yi mɔɔ minu bɛ mina sawali boloma.

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

Hebululu 10:22

wo le y'a ma, ài m'i mɔ masulunya Ala la josolɔgbɛya boloma, ani limaniya dafanin nɔ, mɔ josokun lasɛnɛyanin ne ka bɔ miliya yonnu ma, ani mɔ falikolo makonin ne ji sɛnɛyanin le.

Hebululu 6:11

M'a fɛ le ài kelenkelenna bɛ sɛmɛdonnin yi to wo boloɲa kelen ma, fɔsa ài bolo kɛnin yi to ài jeisii la haan fɔɔ a laban nɔ.

2 Piyɛli 1:10

Wo le y'a ma, m̀ badenmalu, Ala n'ài kilila k'ài ta ko min kanma, ài y'ài lɔgbeleya k'a dɔ la wo kɔkan. Ni ài do ka wo kɛ, ài sen tɛnala tuula tuun k'ài ben.

2 Piyɛli 1:3

Aa foniseleya vɛ wo bɛ di mɔ ma, mɔ mako yi minu la niimayakɛko ni Ala ya siya lataamanko lɔ, ka bɛn a lɔnko ma mɔ bolo, ale min na mɔ kilila a jɛlɛkanu ya magbiliyali ni aa ɲumaya fɛ.

2 Piyɛli 3:18

Kɛɛ ài yi to taala ɲafɛ mɔ Tii ni mɔ Lakisiba Masa Tɔɔmasenin Isa ya nɛɛma ni aa lɔnni lɔ. Magbiliyali a yɛ tandainɔ ani waate bɛ. Amiina.

1 Yohana 3:19

Mɔ kɛtɔ a lɔnna min ne ma ko mɔ bolo kɛnin tuɲa la, ani lanaya kɛtɔ mɔ josokun nɔ Ala ɲakɔlɔ.

1 Yohana 5:7

Ado seleya sawa le yi je: