Kɔlɔsikalu 2:19 - Ala Ya Salatikan Kula Kitabu

¹⁹ Ai tɛ diɲala k'ai fasanin to Masa Tɔɔmasenin ma min yi falikolo kun ne, falikolo bɛ yi balola ka bɛn min ma, ani a fan bɛ dɛnnin min na ka kɛ kelen ne a tuunɲa ni a fasalu fɛ, k'ai to buɲala iwo a diyanin Ala yɛ teme.

Kɔlɔsikalu 2:19 ပူးပေါင်းရင်းမြစ်များ

Luka 5:38

Gbɛ kula ka kan ka kɛ gbɛbɔlɔ kula le lɔ.

Yohana 17:21

fɔsa ai bɛ yi kɛ kelen ne, iwo ile ǹ Fa kafonnin ǹ kan teme, ani ǹe gbu kafonnin i kan teme. Diɲa ailu fana yi kafon mɔ kan ten, fɔsa dunuɲa yi limaniya k'a fɔ ko ile le na ǹ kelayala.

Kɛkolu 4:32

Limaniyajama bɛ bɛnnin tɛɛ a lɔ ai josokun ni ai miliya lɔ. Wo lɔ, mɔɔ mɔɔ tɛɛ tɛ a bolofennu jatela ale kelen ta le, mafɔ k'ai dɛn ai bolofennu la.

Lɔmukalu 11:17

Bani Isilankalu kɛyine iwo zeitunaju min sɛnɛnin gbele lɔ, Ala na wo bolo dɔlu tɛɛla a la. Àilu siboloma gbɛlɛ mɔɔlu minu kɛnin iwo tuu kɔlɔ zaituna bololu, Ala vɛ ài fasa bolo tɛɛninnu nɔ lɔ. Ado ji min yi bɔla a lilen na ka jɛlɛ, wo le àilu ni dɔ zaituna bololu balola i ɲɔɔ fɛ.

1 Kolɛntikalu 1:10

M̀ badenmalu, ǹ'ài madiyala mɔ Tii Masa Tɔɔmasenin Isa tɔɔ lɔ, ǹ ko, ài yi bɛn a lɔ, fɔsa falanɲɔɔya kana don ài tɛma, mafɔ ài yi kɛ kelen ne ài miliya ni àiya kolatɛɛnin bɛ lɔ.

1 Kolɛntikalu 11:3

Kɛɛ ǹ'a fɛ ài y'a lɔn ko kɛ́ bɛ kuntii le Masa Tɔɔmasenin ne, moso fana kuntii le a kɛ́ le, ado Masa Tɔɔmasenin kuntii le Ala le.

1 Kolɛntikalu 3:6

Ǹe le na jili kolo sɛnɛna, ado Apolosi n'a sɔla ji la, kɛɛ Ala le n'a lafɛlɛnna k'a ɲia.

Ɛfɛsikalu 1:22

Ala vɛ fen bɛ bila Isa sen kɔlɔ, k'a lasii limaniyajama kunna,

Ɛfɛsikalu 1:23

a falikolo koni, aa ko bɛ dafanin min nɔ, k'a talan ale gbu yi ko bɛ dafala boloɲa bɛ ma.

Ɛfɛsikalu 2:21

Ka bɛn ale le ma, bon wo kawakulunnu yi tuuntuunna i ɲɔɔ na, ka to buɲala, ka kɛ lɔhɔlɔmabonba le, min bilanin a ta fan mɔ Tii Ala yɛ.

Ɛfɛsikalu 4:3

Nii Sɛnɛyanin n'ài bɛnna a lɔ teme, ài y'ài lɔja fɔsa bɛn wo yi to ài tɛma ka bɛn josolajii ma min y'ài lakafonna.

Ɛfɛsikalu 5:29

Mɔɔ mɔɔ m'a jɛlɛkanu falikolo lagbeyaɲɛ ba bene, mafɔ a v'a balola k'a jando a lɔ iwo Masa Tɔɔmasenin y'a kɛla limaniyajama yɛ teme.

Filipikalu 1:27

Kɛɛ fɔ ài taamaɲa yi bɛn Masa Tɔɔmasenin ya Samakan Kein ma. Wo vɛ kɛla, ǹ ka na ài fɛlɔ o, m̀ ma na ài fɛlɔ o, ǹ kɛtɔ a mɛnna ko ài lɔnin kili miliya kelen nɔ, ka sɛɛ kɛ i ɲɔɔ fɛ ka bɛn Samakan Kein ma limaniya lɔ.

Kɔlɔsikalu 1:10

Wo vɛ kɛla, ài taamaɲa yi mɔ Tii lasawale, ka diya a yɛ boloɲa bɛ ma, ài vɛ koɲuma suu bɛ dɔ kɛla ka to taala ɲafɛ Ala lɔnko lɔ.

Kɔlɔsikalu 1:18

Ale le limaniyajama falikolo kun ne. Ale le a damina le, ani Denkɛ kunfɔlɔ min wulinin ka bɔ saya lɔ, fɔsa a yi lɔya kunfɔlɔ sɔlɔn fen bɛ kunna.

Kɔlɔsikalu 2:2

Ǹ'i wo sɛɛ le la fɔsa ai sɛmɛ yi don, ani ai yi bɛn a lɔ kanundeya boloma, ka lɔnni dafanin sɔlɔn hangilimaya boloma fɔsa ai yi Ala ya gbonoko lɔn, min taanin kɛla Masa Tɔɔmasenin gbu le,

1 Tɛsalonikakalu 3:12

Mɔ Tii y'a dɔ la àiya kanundeya kɔkan, k'àiya kanundeya wala i ɲɔɔ yɛ ani mɔɔ bɛ yɛ, iwo ǹu gbu y'ài kanula teme.

1 Tɛsalonikakalu 4:10

Tuɲa le, ài yi wo le kɛla ài badenmalu bɛ yɛ Masaduwani koovi fan bɛ lɔ. Kɛɛ m'a fɔla ài yɛ k'a magbeleya ko ài y'a dɔ la kanundeya wo kɔkan kudein.

2 Tɛsalonikakalu 1:3

Mɔ badenmalu, a bɛnyine m'i kɛ Ala balika bɔla waate bɛ àiya ko lɔ, kamasɔlɔn àiya limaniya yi wala kan bɛlɛbɛlɛ kɛ, a dɔ le yi lala àiya ɲɔɔkanu kɔkan kudein.

1 Piyɛli 3:8

Ka ǹa kuma laban: Ài yi kɛ miliya kelen nɔ, ài yi kɛ i ɲɔɔ fɛ ko bɛ lɔ, ài ɲɔɔ kanu iwo badenmalu, ài ɲɔɔ maɲumaye, ani ài y'ài fanmajii i ɲɔɔ yɛ.

2 Piyɛli 3:18

Kɛɛ ài yi to taala ɲafɛ mɔ Tii ni mɔ Lakisiba Masa Tɔɔmasenin Isa ya nɛɛma ni aa lɔnni lɔ. Magbiliyali a yɛ tandainɔ ani waate bɛ. Amiina.