Kɔlɔsikalu 2:18 - Ala Ya Salatikan Kula Kitabu

¹⁸ Ài kà diɲa mɔɔ suu suu y'ài jobaliya, minu yi faɲafɔ fanmajii kɛla ani ka mɛlɛkalu bato. Mɔɔ wolu yi ko siyama le ɲafɔla, ai vɛɛ ko Ala le na wolu lajɛlɛla ai ɲa ma, k'ai fannɔbuɲa fuun ka bɛn aiya adamadenya miliya ma dein.

Kɔlɔsikalu 2:18 ပူးပေါင်းရင်းမြစ်များ

Matiyu 24:24

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ba ni kawanankolu kɛla fɔsa Ala ya mɔɔ taninnu la yi fili, ni wo ka se kɛla.

Lɔmukalu 1:25

Ai ka Ala ya tuɲa mafalin faɲa la, ka dannifennu bato ani ka baale kɛ wolu yɛ Dannimasa gbu nɔ lɔ, tanuli yi min yɛ kudein. Amiina!

Lɔmukalu 16:18

Mɔɔ suu wolu tɛ baalela mɔ Tii Masa Tɔɔmasenin yɛ, mafɔ ai kɔnɔgbolo. Ai do yi kuma madiyanin ne fɔla ka mɔɔlu matɔɔ fuun fɔsa ai yi koɲayebalilu manɛɛ.

1 Kolɛntikalu 13:4

Kanundeya yi mɔɔ min josokun nɔ, wo tii le mɔɔ sawalinin ne, ani mɔɔ ɲuma. Keleya tɛ a josokun nɔ, niwotɛ waso. A tɛ mɔɔ kafanin ne.

1 Kolɛntikalu 3:3

kamasɔlɔn dunuɲamɔɔlu dajoo le y'ài la bene. Komi keleya ni bɛnbaliya y'ài tɛma, jalasa wo t'a jiyala ko dunuɲamɔɔlu dajoo le ài la, ani ài yi taamana iwo adamaden jɛlɛla?

1 Kolɛntikalu 4:18

Ài dɔlu vɛ kafa ka kɛ iwo ǹ tɛnala nala ài ma.

1 Kolɛntikalu 4:6

M̀ badenmalu, m̀'ɛ ko minu la ǹe ni Apolosi ma ka kɛ misali le ài madɛmɛnko lɔ, fɔsa ko min sɛvɛnin kitabu kɔnɔ, ài kana timin wo la, ani ài kana ài diyanan ta mɔ lɔ fannɔbuɲa boloma.

1 Kolɛntikalu 8:1

Ài na ɲiningali min kɛla ǹ na ka bɛn joosɔsoo dɔnko ma, ài m'i ɲa kaa wo lɔ vɛ. Mɔ k'a lɔn ne ko lɔnni yi mɔ bɛ fɛ ka bɛn ko min ma. Kɛɛ do, lɔnni wo suu yi mɔɔ fannɔbuɲala, k'a talan kanundeya le yi dɔlu lasawatila.

1 Kolɛntikalu 9:24

Ài k'a lɔn ne ko mɔɔ minu yi bɔli kɛla i ɲɔɔ fɛ, wolu bɛ le yi bɔlila, kɛɛ ai lɔ mɔɔ kelen ne yi jazali sɔlɔnna, kɛlɛ? Àilu fana yi bɔli ten fɔsa ài yi jazali sɔlɔn.

2 Kolɛntikalu 11:3

Wo bɛ n'a kɛ, sa na jateeya min suu kɛla Mama Hawa la k'a manɛɛ, ǹ'i siyanna àilu gbu hangili kana ɲaami boloɲa gbɛlɛ ma k'ài kɔdon àiya kanundeya bɛlɛbɛlɛ la Masa Tɔɔmasenin yɛ.

2 Kolɛntikalu 12:20

M̀'ɛ siyan k'a fɔ ko ni ǹ ka taa ài fɛlɔ, ǹ kɛtɔ ài talanna boloɲa dɔ ma min tɛnala bɛnna m̀ ma. Ado àilu fana kɛtɔ ǹ yena boloɲa dɔ ma min tɛnala bɛnna ài ma. M̀'ɛ siyan k'a fɔ ko ǹ kɛtɔ sɔsɔyali talanna ài tɛma, ani keleya ni josobɔ ni jɛlɛlafisaya ni tɔɔtiɲali ni mafɔli ni fannɔbaya ani sɔɔnsɔɔn.

Ɛfɛsikalu 4:17

Ǹ'i min fɔla yi ne mɔ Tii tɔɔ lɔ k'a magbeleya, ǹ ko, ài kà kɛ taamana butu iwo Alalɔnbalilu y'a kɛla teme ai miliya fuun ne.

Ɛfɛsikalu 5:6

Ài kà diɲa mɔɔ mɔɔ y'ài lafili kuma kolonnu le, kamasɔlɔn ko suu wolu le y'a kɛla, Ala ya mɔnɛya yi nala a kumakan labatobalilu kanma.

Filipikalu 3:14

Wo le y'a ma, ǹ'i ǹ lɔjala ka ǹ telen ka se bɔli dan ma, fɔsa Ala na ǹ kilila balayi min ya ko lɔ Masa Tɔɔmasenin Isa sabu la, ǹ'i wo sɔlɔn haijɛnɛ.

Kɔlɔsikalu 2:23

Tuɲa le, tɔn suu wolu bɔnin hangilimaya le la mɔɔlu ɲana ka bɛn ai jɛlɛkanu diina batokɛɲa ma, ani aiya faɲafɔ fanmajiiko, ani ai falikolo minaɲa gbɛlɛn, kɛɛ nafa pa tɛ wolu la falikolo niikanukolu dansiiko lɔ.

Kɔlɔsikalu 2:4

Ǹ'i min fɔla ài yɛ yi ne fɔsa mɔɔ mɔɔ kana ài majuwaya kuma madiyaninnu le.

Kɔlɔsikalu 2:8

Ài y'ài jando ài jɛlɛ lɔ alako mɔɔ suu suu kana ài kun mina a jɛlɛkanu ya hangilimaya le, k'ài lafili faɲafɔkolu le, minu jusiinin adamadennu ya laanalu kɔkan, ani dunuɲa fangatii yenbalilu, minu tɛ Masa Tɔɔmasenin ta le feu.

1 Timote 1:7

Ai do y'a fɛ k'ai jɛlɛ kɛ seliya kalanmɔɔlu le, k'a talan koɲaye foi tɛ ai bolo ka bɛn ai kumakan ma, kumatɛ ai yi ko minu magbeleyala.

1 Timote 4:1

Nii Sɛnɛyanin v'a lagbɛ ko dunuɲa laban waate, mɔɔ dɔlu kɛtɔ limaniya siya bilala, ka bila mɔɔlafilibalu kɔ minu yi aiya kalan sɔlɔnna jinalu la.

2 Piyɛli 2:14

Waate bɛ, ai ɲa yi bɔla mosolu la jalonya boloma. Ai tɛ wasala julumbu tako lɔ. Ai yi sɔɔ lasiila mɔɔlu ɲa minu sawatinin tɛ limaniya lɔ. Ai josokun lafanin natabaya le le. Daantɔ le ai le.

1 Yohana 2:26

Ǹ'i min sɛvɛla ài ma ka bɛn mɔɔ wolu ya ko le ma, minu y'a fɛ k'ài lafili.

Ko Lankɛnɛmayanin 12:9

Wo boloɲa ma, ai ka jijala ni aa mɛlɛkalu gbɛn k'ai laben duukolo kɔkan. Ale le taanin kɛla sa kɔlɔkɔlɔ ba le, ai y'a fɔla min ma ko Jebulusa niwotɛ Soitana, dunuɲa muumɛ lafiliba koni.

Ko Lankɛnɛmayanin 13:14

See min ka di a ma ka kawanankolu kɛ soofali kunfɔlɔ ɲakɔlɔ, a ka dunuɲamɔɔlu lafili wo le. A do vɛɛ ai yɛ ko ai yi soofali sawula ladan a batoko lɔ, min ma ka dimin siyamifan ne, kɛɛ a ka to a nii la.

Ko Lankɛnɛmayanin 13:8

Dunuɲamɔɔlu bɛ kɛtɔ soofali batola, mɔɔ minu tɔɔ sɛvɛnin tɛ niimaya kitabu kɔnɔ ka ta dunuɲa dan waate ma, min yi Saa Bolan ta le, ai ka min faa.

Ko Lankɛnɛmayanin 19:10

Wo fɔ mɛlɛka bolo, ǹ ka m̀ bilin a sen kɔlɔ a batoko lɔ. Kɛɛ a do vɛɛ ǹ yɛ: «I kà wo kɛ dɛ! Bɔiden ne ǹ ne fana le iwo ile, ani i badenma minu bolo kɛnin Isa ya seleyakan na. I yi Ala le bato dein!» Kamasɔlɔn Isa ya seleyakan ne yi kelalu lɔla kelaya lasenko la.

Ko Lankɛnɛmayanin 3:11

Ǹ natɔ jona. Wo ma, min y'i bolo, i i bolo to wo la fɔsa mɔɔ suu suu kana iya jala mina i la.