Kɔlɔsikalu 2:15 - Ala Ya Salatikan Kula Kitabu

¹⁵ Wo boloɲa ma, a ka fangatii ni kuntii yenbalilu ya seetiiya tiɲa, k'ai lamaloya bala lɔ iwo kɛlɛkɔlɔdennu, a vɛ seesɔlɔntaama kɛla ai ɲa ka bɛn a gbaankɔlɔman ma.

Kɔlɔsikalu 2:15 ပူးပေါင်းရင်းမြစ်များ

Matiyu 12:29

«Mɔɔ tɛ se donna kɛ́ fangama ya bon na k'a bolofennu suɲa, ni a ma wo tii mina kunfɔlɔ le k'a sili, kɛlɛ? Wo vɛ kɛla, a yi sene wo tii ya bon latɛla tɛtɛ.

Luka 10:18

Isa do vɛɛ ai yɛ: «Ǹ na Soitana bentɔla yena ka bɔ sangbolo lɔ iwo sanmɛnɛn.

Luka 11:22

Kɛɛ ni mɔɔ dɔgbɛlɛ ka na min fanga walanin a ta le, ni wo tii k'i ben a kan ka see sɔlɔn a ma, a kɛtɔ aa kɛlɛkɛfennu bɛ bɔla a bolo, ka ban ka a bolofennu lɔtala.»

Yohana 16:11

Ai do filinin ka bɛn kititɛɛko ma, kamasɔlɔn dunuɲa kuntii ya kiti vɛ ban tɛɛla.

Yohana 19:30

Isa ka gbɛ kumunnin wo dɔ min mingɛ, a vɛɛ: «Ko bɛ da vɛ fa.» Wo kɛ, a do k'a kun labilin k'a nii lasei.

1 Kolɛntikalu 15:24

Wo vɛ kɛla, dunuɲa laban kɛtɔ sena, Masa Tɔɔmasenin vɛ kuntii yenbalilu bɛ halakila, ani fangatiilu, ani seetiilu, ka ban ka masaya lase Fa Ala ma.

2 Kolɛntikalu 2:14

Kɛɛ ǹ'i balika bɔla Ala yɛ, min yi bilala mɔ ɲa kudein Masa Tɔɔmasenin ya seesɔlɔn taama lɔ. A do yi baalela mɔ fɛ ka Masa Tɔɔmasenin lɔnko lajɛzɛn fan bɛ lɔ, iwo wusulan suma yi jɛzɛnna fan bɛ lɔ teme.

2 Kolɛntikalu 4:4

Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.

Ɛfɛsikalu 3:10

fɔsa tandainɔ yi ne limaniyajama sabu la, sangbololɔ kuntiilu ni fangatii yenbalilu la yi lɔnni Ala ya hangilimaya suu bɛ la.

Ɛfɛsikalu 4:8

A sɛvɛnin tan ne kitabu kɔnɔ, ko: «A jɛlɛnin sanfɛ ka taa kɛlɛkɔlɔden siyama le, ka sɔlifennu di adamadennu ma.»

Ɛfɛsikalu 6:12

Kamasɔlɔn maa kɛlɛ tɛ adamadennu kanma, kɛɛ a yi kuntiilu ni seetiilu le kanma, ani fanga yi minu bolo dunuɲa divi min nɔ, ani fangatii yenbali minu siinin sangbolo dingilalu lɔ koyonkɛ kanma.

Kɔlɔsikalu 1:16

Kamasɔlɔn fen bɛ ladannin ale le sabu la sangbolo lɔ ani duukolo kɔkan: fen yentalu, fen yenbalilu, masalu, seetiilu, fangatiilu, ani kuntiilu. Fen bɛ ladannin ale le sabu la, ani ale le yɛ.

Kɔlɔsikalu 2:10

Àilu fana ya ko bɛ vɛ dafa aa kafonɲɔɔya lɔ, ale min yi kuntii ni fangatii bɛ ya kuntii le.

Hebululu 2:14

Komi den wolu yi mɔɔnivin ne le, wo lɔ, Isa gbu k'a fɛ bila aiya mɔɔnivinya la, fɔsa ka bɛn aa saya ma, a tɛɛ Soitana fanga tiɲa, saya fanga yi min bolo,

Ko Lankɛnɛmayanin 12:9

Wo boloɲa ma, ai ka jijala ni aa mɛlɛkalu gbɛn k'ai laben duukolo kɔkan. Ale le taanin kɛla sa kɔlɔkɔlɔ ba le, ai y'a fɔla min ma ko Jebulusa niwotɛ Soitana, dunuɲa muumɛ lafiliba koni.

Ko Lankɛnɛmayanin 20:10

Soitana min n'ai lafilila, wo la ka fili taa diɲa ba lɔ, timiliki kawa yi ɲɛninna tɛɛminja, ani soofali ni aa faɲafɔ kela yi tɛɛminja. Ai kɛtɔ tɔlɔyala je su ni tele waate bɛ ani habadan.