Kɔlɔsikalu 2:11 - Ala Ya Salatikan Kula Kitabu

¹¹ Ài vɛ jii kɛnɛ lɔ aa kafonɲɔɔya lɔ, kɛɛ ài makɛnɛkɛko tɛ mɔɔnivin bolonɔ le, mafɔ Masa Tɔɔmasenin nɔ, min n'ài lafɛlɛla k'ài bɔ ài falikolo ladiyanankolu ya fanga kɔlɔ.

Kɔlɔsikalu 2:11 ပူးပေါင်းရင်းမြစ်များ

Malɛkɛ 14:58

«Mɔ na a kan mɛnna ko lɔhɔlɔmabonba min lɔnin mɔɔlu bolo, ko a kɛtɔ wo tela k'a dɔgbɛlɛ lɔ tele sawa kɔlɔ, mɔɔ ma min lɔ.»

Luka 2:21

Den sɔlɔn ka tele sein bɔ mingɛ, ai k'a makɛnɛkɛ k'a tɔɔla ko Isa, mɛlɛka ka tɔɔ min fɔ Mɔyamu yɛ, k'a talan a tɛɛ ma kɔnɔ ta ba bene.

Kɛkolu 17:24

Ala min na dunuɲa ni a kɔnɔlɔfen bɛ ladanna, wo le yi sangbolo ni duukolo Tii le. Adamadennu yi batobon minu lɔla ai bolo la, Ala t'i siila wo suu suu kɔlɔ.

Kɛkolu 7:48

«Kɛɛ Masa Taala t'a makɛla bon na min lɔnin adamadennu bolo la, iwo kela k'a fɔ teme, ko:

Lɔmukalu 2:29

Kɛɛ mɔɔ kɔnɔlɔko le y'a kɛla Jahudiya le, ado kɛnɛkɛko bɛlɛbɛlɛ yi kɛla mɔɔ josokun ne lɔ Nii Sɛnɛyanin sabu la, seliya sɛvɛko tɛ. Mɔɔ suu wo tɛ matɔɔli sɔlɔnna adamadennu bolo, mafɔ Ala.

Lɔmukalu 6:6

Mɔ do k'a lɔn ko mɔ dajoo kɔlɔ gbaanyine kɔlɔman ma Isa fɛ, fɔsa julumbu min tɛɛ mɔ dajoo kɔlɔ lɔ, wo fanga yi ban ani mɔ kana to julumbu ya jɔnya lɔ butu.

Lɔmukalu 7:24

Ǹ'i mɔɔ maɲumanin ne le feu! Jene kɛtɔ ǹ lafɛlɛla ka m̀ bɔ falikolo min nɔ, min yi saya lanala m̀ ma?

2 Kolɛntikalu 5:1

Mɔ falikolo min yi mɔ kan dunuɲa, wo kɛyine iwo faani tooda. Mɔ k'a lɔn ne ko ni wo ka tiɲa lon min na, habadan bon yi mɔ bolo haijɛnɛ, mɔɔ bolo ma min lɔ, mafɔ Ala gbugbu.

2 Kolɛntikalu 5:17

Ni mɔɔ min ka kɛ Masa Tɔɔmasenin ya kafonɲɔɔya lɔ, wo tii vɛ kɛ dannifen kula le. Ko kɔlɔlu vɛ tunun, ado ko kulalu le yi je butu.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Galatiyakalu 5:24

Mɔɔ minu yi Masa Tɔɔmasenin Isa ta le, wolu vɛ ai falikolo gbaan kɔlɔman ma, wo ni a niikanukolu ani a natalu.

Ɛfɛsikalu 4:22

ko ài y'ài dajoo kɔlɔ dabila, ài tɛɛ min ya siya lataamana kɔlɔkɔlɔ le, min lɔ yi tiɲala ka bɛn a mɔɔmanɛɛ nata yonnu ma.

Filipikalu 3:3

Ǹu koni yi mɔɔ makɛnɛkɛnin bɛlɛbɛlɛ le le, ǹu minu yi Ala batola ka bɛn a Nii Sɛnɛyanin ma, ka mɔ ɲalɔkɛnɛya Masa Tɔɔmasenin Isa ya kafonɲɔɔya lɔ, ani ǹu minu bolomalanin tɛ mɔ jɛlɛkanu falikolo ya kolu ma.

Kɔlɔsikalu 3:5

Wo ma, àiya dunuɲa dajoo kɔlɔlu minu y'ài lɔsunna koyonkɛ kanma, ài yi wolu lɔsa: kanukɛko, kokɔsɔninnu, niikanuko, miliya yon, ani natabaya (min taanin kɛla joo batoko suu dɔ le).

Hebululu 9:11

Kɛɛ Masa Tɔɔmasenin vɛ ban nala ka kɛ salakalase kuntiiba le ka bɛn koɲumalu ma minu yi je butu. A na timinna Lɔhɔlɔma Gbaa kɔlɔtanin kɔlɔ min dafanin bɛlɛbɛlɛ kɛ, adamadennu ma min lɔ, ado a fɛ tɛ dunuɲa dannifennu la.

Hebululu 9:24

Kamasɔlɔn Masa Tɔɔmasenin ma don lɔhɔlɔma dingila kɔnɔ min lɔnin adamadennu bolo, min yi fen bɛlɛbɛlɛ sawula le dein. Kɛɛ a jɛlɛnin haijɛnɛ gbugbu le kɔnɔ, fɔsa a yi lɔ Ala ɲakɔlɔ mɔ yɛ.