Kɔlɔsikalu 1:9 - Ala Ya Salatikan Kula Kitabu

⁹ Wo le n'a kɛla, ka ta mɔ na àiya ko mɛnna lon min na, mɔ ma mɔ nɔningɛ Ala dalila ka bɛn ài ma, fɔsa ài yi Ala sawo dafanin lɔn ka bɛn hangilimaya ni koɲaye suu bɛ ma, Nii Sɛnɛyanin yi minu dila.

Kɔlɔsikalu 1:9 ပူးပေါင်းရင်းမြစ်များ

Yohana 7:17

Ni mɔɔ min y'a fɛ ka Ala sawo kɛ, wo tii kɛtɔ a lɔnna ni ǹa kalan bɔnin Ala le lɔ, niwotɛ ni ǹ'i kumala ǹ jɛlɛkanu ya seetiiya le lɔ.

Kɛkolu 12:5

Wo lɔ, ai tɛɛ Piyɛli lamalala kaso la, kɛɛ limaniyajama tɛɛ Ala dalila a yɛ kosɛvɛ.

Lɔmukalu 12:2

Ài k'ài suma dunuɲakolu ma, mafɔ ài yi diɲa Ala y'ài miliya mafalin ka hangili kula di ài ma. Wo vɛ kɛla, ài kɛtɔ Ala sawo lɔnna, min keinyanin, ani min diyanin a yɛ, ani min dafanin.

1 Kolɛntikalu 1:5

Ka bɛn ale le ma, ài vɛ sawati boloɲa suu bɛ ma, kumafɔɲa see ni lɔnni bɛ lɔ.

Ɛfɛsikalu 1:8

a na mɔ sɔla min sɔ bɛlɛbɛlɛ kɛ. Ala do vɛ lɔnni ni hangilimaya suu bɛ di mɔ ma,

Ɛfɛsikalu 5:10

Ài y'ài lɔja ka mɔ Tii ladiyanankolu lɔn.

Ɛfɛsikalu 5:17

Wo ma, ài kà kɛ hangilindan ne, mafɔ ài y'ài lɔja ka mɔ Tii sawo lɔn.

Ɛfɛsikalu 6:6

Ài kà baale kɛ ka bɛn ai ɲakɔlɔla ma fɔsa àiya ko yi diya ai yɛ teme, mafɔ ài yi Ala sawo le kɛ ài josokun bɛ le, iwo Masa Tɔɔmasenin ya jɔnnu.

Filipikalu 1:4

Ado m̀'ɛ kɛla Ala dalila ài yɛ kotan, ǹ'i wo kɛla sawa bolo le ma,

Kɔlɔsikalu 1:6

Samakan Kein min yi jɛzɛn kan ka jili dunuɲa fan bɛ lɔ, iwo a na kɛla ài tɛma teme, ka ta ài na wo mɛnna lon min na kunfɔlɔ le ka Ala ya nɛɛma ko ɲaye bɛlɛbɛlɛ kɛ.

Kɔlɔsikalu 3:16

Masa Tɔɔmasenin kumakan yi sawati ài tɛma boloɲa bɛ ma, ài v'i ɲɔɔ kalanna k'i ɲɔɔ lali hangilimaya bɛ la, ani ka Zabuli kitabu dɔngililu la, ani baiti ni dɔngililu Nii Sɛnɛyanin yi minu dila, ka balika bɔ Ala yɛ ài josokun bɛ le.

Kɔlɔsikalu 4:12

Ɛpafalasi, min y'ài dɔ le ani Masa Tɔɔmasenin Isa ya bɔiden, wo y'ài fola. A lɔgbeleyayine Aladaliko ma ài yɛ waate bɛ, fɔsa ài yi lɔjanin yi to, ka sawati, ani ka to hangililatɛɛ lɔ, ka dafa Ala sawo bɛ lɔ.

Kɔlɔsikalu 4:5

Ài yi taama hangilimaya boloma limaniyabalilu tɛma ka waate tɔnɔ bɔ kobɛn.

1 Tɛsalonikakalu 1:3

Mɔ Fa Ala ɲakɔlɔ, mɔ hangili toyine ài kɛkolu lɔ limaniya lɔ, ani àiya baalelu kanundeya lɔ, ani àiya sawali ka bɛn ai jeisiiko ma mɔ Tii Masa Tɔɔmasenin Isa la.

1 Tɛsalonikakalu 5:17

Ài kà Aladali boloka.

2 Tɛsalonikakalu 1:11

Wo le y'a ma, m'i Ala dalila ài yɛ waate bɛ, fɔsa a n'ài kilila ko min kanma, ài taamaɲa yi bɛn wo ma. Ala a kɛ, koɲuma min bɛ kɛ lɔɔ y'ài la, ài yi se wo bɛ kɛla ka bɛn aa seetiiya ma, ka àiya limaniya baale dafa.

Filemɔn 1:4

M̀ badenma Filemɔn, m̀'ɛ kɛla Ala dalila waate o waate, ǹ'i balika bɔla a yɛ ka bɛn i ma,

Filemɔn 1:6

Ǹ'i Ala dalila fɔsa maa dɛɛn limaniya kelen na, wo yi na koɲaye bɛlɛbɛlɛ le ka bɛn koɲuma suu bɛ ma, minu yi sɔlɔnna Masa Tɔɔmasenin ya kafonɲɔɔya lɔ.

Hebululu 10:36

Ài mako yi sawali la, fɔsa ài vɛ banna Ala sawonanko kɛla, ài yi balayi sɔlɔn min lahedi tanin.

Hebululu 13:21

Ala wo yi koɲuma suu bɛ see di ài ma a sawonanko kɛko lɔ, a v'a ladiyanankolu labaalela mɔ josokun nɔ Masa Tɔɔmasenin Isa sabu la, magbiliyali yi min yɛ waate bɛ ani habadan! Amiina.

Janguba 1:5

Ni ài dɔ dɛsɛnin ka kɛ hangilimaya la, wo tii yi Ala dali, a do yi hangilimaya dile wo tii ma. Ale le bolo fɔlinnin bɛ sɔko lɔ, makumali tɛ min nɔ.

Janguba 3:17

Kɛɛ hangilimaya min yi bɔla haijɛnɛ, wo yi nala sɛnɛyali le le kunfɔlɔ le, ka josolajii tuun wo la, ani sɔniyali ni nɔya. Henandeya y'a lɔ, a do kɛkolu ɲumayanin kosɛvɛ. A do tɛ lafisayali ni filangafoya kɛla.

1 Piyɛli 2:15

Kamasɔlɔn Ala a fɛ ài kɛko ɲumalu yi kɛ sabu le ka mɔɔ kolonnu ya kuma fuunnu lɔsa.

1 Piyɛli 4:2

Wo le y'a ma, a sɔnjanin tɛ adamaden niikanukolu le butu aa dunuɲalɔtɛɛ tɔ bɛ lɔ, mafɔ Ala sawonankolu.

1 Yohana 2:17

Dunuɲa tununtɔle, ani a kɔnɔlɔ niikanukolu, kɛɛ mɔɔ min yi Ala sawo kɛla, wo tii yi niimaya kɛle kudein.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.