Kɔlɔsikalu 1:7 - Ala Ya Salatikan Kula Kitabu

⁷ Ko wolu kalannin ài bolo mɔ diyanan bɔidenɲɔɔ Ɛpafalasi le bolo. Masa Tɔɔmasenin ya bɔiden lanande le a le, min yi baale kɛla àiya ko lɔ.

Kɔlɔsikalu 1:7 ပူးပေါင်းရင်းမြစ်များ

Matiyu 18:29

A bɔidenɲɔɔ v'i mabilinna a sen kɔlɔ k'a madiya, a vɛɛ: ‹I yi diɲa, i yi waate di m̀ ma. Ǹ kɛtɔ iya wɔli salala.›

Matiyu 24:45

«Jene yi bɔiden sɔvɛ le ani hangilima, aa kuntii kɛtɔ min lasiila bɔiden tɔlu kunna, fɔsa a yi balo di ai ma a waate bɛlɛ lɔ?

Matiyu 25:21

Aa kuntii vɛɛ: ‹Bɔiden sɔvɛ le i le ani lanande. I gbu n'a kɛla kobɛn! I na kɛla lanande le ko fitinin nɔ. Tandainɔ yi ne, ǹ kɛtɔ fen siyama kalifala i la. Na, i yi sawa kɛ ǹ fɛ.›

1 Kolɛntikalu 4:17

Ǹ na Timote lataala ài ma ka bɛn wo le ma, ale min taanin kɛla ǹ diyanan den ne ani lanande mɔ Tii ya siya kɔkan. Ale le kɛtɔ ài hangili bilala ǹ taamaɲa lɔ Masa Tɔɔmasenin ya siya kɔkan, iwo ǹ'i limaniyajamalu bɛ kalanna teme fan bɛ lɔ.

1 Kolɛntikalu 4:2

Ni do baale dɔ kalifanin ka kɛ mɔɔ dɔ la, min yi ɲininna wo tii fɛ, wo le lanandeya le.

1 Kolɛntikalu 7:25

Ǹe do ma jamali sɔlɔn mɔ Tii la ka bɛn singbili ni kavelennu ma minu ma fulu kɛ ba bene. Kɛɛ do, ǹ'i m̀ miliya le jiyala ài la, iwo mɔɔ min kɛnin lanande le ka bɛn mɔ Tii ya henandeya ma.

2 Kolɛntikalu 11:23

Jalasa ai y'a fɔla ai jɛlɛ ma ko Masa Tɔɔmasenin ya bɔiden? Ǹe vɛ wo le ka timin ai la feu! Ǹe do yi kumala iwo fatɔ. M̀'ɛ baale ka timin ai la. M̀'ɛ kasolabila kɛ ka timin ai la. Ai vɛ m̀ gbasi gbusan na ka timin ai la. Saya ma vɛ sulunya ǹ na siɲa siyama le.

Ɛfɛsikalu 5:21

Ài fanmajii i ɲɔɔ yɛ Masa Tɔɔmasenin ɲasiyanɲɛ boloma.

Filipikalu 2:25

M̀'ɛ m̀ mili ǹ ka kan ka Ɛpafolodite laseikɔ ài ma, ale min yi m̀ badenma le, ani m̀ baalekɛɲɔɔ, ani ǹ kɛlɛkɛdenɲɔɔ, ani àiya keladen fana ka bɛn m̀ mako laɲiako ma.

Kɔlɔsikalu 4:12

Ɛpafalasi, min y'ài dɔ le ani Masa Tɔɔmasenin Isa ya bɔiden, wo y'ài fola. A lɔgbeleyayine Aladaliko ma ài yɛ waate bɛ, fɔsa ài yi lɔjanin yi to, ka sawati, ani ka to hangililatɛɛ lɔ, ka dafa Ala sawo bɛ lɔ.

Kɔlɔsikalu 4:7

Tisiki, min yi mɔ diyanan badenma ani mɔ bɔidenɲɔɔ sɔvɛ le mɔ Tii ya baale lɔ, wo le kɛtɔ m̀ mangan bɛ fɔla ài yɛ.

Kɔlɔsikalu 4:9

Ǹ na Onɛsimu lataala a fɛ fana, min yi mɔ diyanan badenma le ani mɔɔ sɔvɛ, min taanin kɛla ài dɔ le. Ailu le kɛtɔ ko bɛ ɲafɔla ài yɛ minu timinnin jan.

1 Timote 4:6

Ni i ka ko minu lase mɔ badenmalu ma, i kɛtɔ kɛla Masa Tɔɔmasenin Isa ya bɔiden ɲuma le le, k'a jiya ko i balonin limaniya kuma ni kalan bɛlɛlu le la, i bilanin minu kɔ.

2 Timote 2:2

I na kuma minu mɛnna ǹ da sele siyama ɲakɔlɔ, i yi wolu kalifa mɔɔ sɔvɛlu la, minu yi se ka dɔlu fana kalan.

Filemɔn 1:23

Ǹ kasodenɲɔɔ Ɛpafalasi y'i fola, min yi ǹ fɛ jan Masa Tɔɔmasenin Isa ya ko lɔ.

Hebululu 2:17

Wo le n'a kɛla, fɔ a tɛɛ kɛ a badenmalu ɲɔɔzii le ko bɛ lɔ, fɔsa a yi kɛ salakalase kuntiiba lanande ni henande le Ala ya baale lɔ, ani ka kɛ mɔɔlu ya julumbulu lɔkotoko sabu le.

Hebululu 3:2

A ka kɛ lanande le a kelaba yɛ, iwo Nabi Musa tɛɛ teme aa baale bɛ lɔ Ala ya bon na.