Kɔlɔsikalu 1:4 - Ala Ya Salatikan Kula Kitabu

⁴ Kamasɔlɔn mɔ v'a mɛn ko ài limaniyanin Masa Tɔɔmasenin Isa ma teme ani àiya kanundeya, ài yi min jiyala mumininnu bɛ la.

Kɔlɔsikalu 1:4 ပူးပေါင်းရင်းမြစ်များ

2 Kolɛntikalu 7:7

A nako ma mɔ sɛmɛdon dein, kɛɛ ài na a sɛmɛdonna teme, a na wo dandɛɛli kɛla mɔ yɛ. A n'a fɔla ko ài sɔnjanin ǹa ko le, ani ài josoma vɛ kasi k'ài tɛsili ǹa ko lɔ. Wo bɛ vɛ a dɔ la ǹa sawa kɔkan kɔtunun.

Galatiyakalu 3:26

Kamasɔlɔn ài bɛ yi Ala den ne le ka bɛn limaniya ma Masa Tɔɔmasenin Isa ya kafonɲɔɔya lɔ.

Galatiyakalu 3:28

Wotɛbɔli tɛ Jahudiya ni siboloma gbɛlɛ mɔɔlu wotɛ, niwotɛ jɔn ni hɔlɔlu, niwotɛ kɛ́ ni mosolu, kamasɔlɔn ài bɛ yi kelen ne le Masa Tɔɔmasenin Isa ya kafonɲɔɔya lɔ.

Galatiyakalu 5:6

Damanda mɔɔ yi Masa Tɔɔmasenin Isa ya kafonɲɔɔya lɔ, i ka kɛnɛkɛ o, i ma kɛnɛkɛ o, wo foi tɛ jatela. Min yi jatela, wo le limaniya le, min yi mɔɔ lɔla koɲuma kɛla kanundeya boloma.

Ɛfɛsikalu 1:15

Wo le n'a kɛla, ka ta ǹ k'àiya limaniyako mɛn mɔ Tii Isa ma, ani ài yi kanundeya jiyala teme mumininnu bɛ la,

Ɛfɛsikalu 6:18

Ài yi Ala dali waate bɛ iwo Nii Sɛnɛyanin y'ài lɔla a la teme ka madiyalikan ni dailikan suu bɛ lase a ma. Wo ma, ài y'ài lɔgbeleya k'ài to ài ɲana ka kɛ Ala dalila mumininnu bɛ yɛ.

Kɔlɔsikalu 1:9

Wo le n'a kɛla, ka ta mɔ na àiya ko mɛnna lon min na, mɔ ma mɔ nɔningɛ Ala dalila ka bɛn ài ma, fɔsa ài yi Ala sawo dafanin lɔn ka bɛn hangilimaya ni koɲaye suu bɛ ma, Nii Sɛnɛyanin yi minu dila.

1 Tɛsalonikakalu 1:3

Mɔ Fa Ala ɲakɔlɔ, mɔ hangili toyine ài kɛkolu lɔ limaniya lɔ, ani àiya baalelu kanundeya lɔ, ani àiya sawali ka bɛn ai jeisiiko ma mɔ Tii Masa Tɔɔmasenin Isa la.

1 Tɛsalonikakalu 3:6

Kɛɛ tandainɔ, Timote vɛ na ka bɔ ài fɛlɔ, ani a vɛ samakan ɲuma fɔ mɔ yɛ ka bɛn àiya limaniya ni àiya kanundeya ma. A do vɛɛ ko ài hangili toyine mɔ lɔ kudein sawa boloma, ani mɔ yenlɔɔ y'ài la iwo ài yenlɔɔ yi ǹu gbu la teme.

2 Tɛsalonikakalu 1:3

Mɔ badenmalu, a bɛnyine m'i kɛ Ala balika bɔla waate bɛ àiya ko lɔ, kamasɔlɔn àiya limaniya yi wala kan bɛlɛbɛlɛ kɛ, a dɔ le yi lala àiya ɲɔɔkanu kɔkan kudein.

Filemɔn 1:5

kamasɔlɔn ǹ'iya kanundeya mangutu mɛnna mumininnu bɛ yɛ, ani iya limaniya mɔ Tii Isa ma.

Hebululu 6:10

Ala tɛ telenbali le k'a fɔ ko a yi jɔ àiya baale ni àiya kanundeya ma, ài na min jiyala ka bɛn a tɔɔ ma ka mumininnu makolu laɲia, iwo ài deinin a kɛla teme hali bi.

1 Yohana 3:14

Mɔ k'a lɔn ne mɔ vɛ bɔ saya lɔ ka don niimaya lɔ, kamasɔlɔn m'i mɔ badenmalu kanula. Ni mɔɔ min do tɛ a badenmalu kanula, wo tii tonin saya le lɔ.

1 Yohana 3:23

A na jamali min ne dila mɔ ma, ko m'i limaniya a Denkɛ Masa Tɔɔmasenin Isa tɔɔ ma, ani k'i ɲɔɔ kanu iwo a na mɔ jamalila teme.

1 Yohana 4:16

Wo lɔ, ǹu gbu vɛ kanundeya wo lɔn min yi Ala bolo mɔ yɛ, ka limaniya a ma. Ala yi kanundeya le le. Wo lɔ, ni mɔɔ mɔɔ ka to taamana kanundeya lɔ, wo tii yi Ala ya kafonɲɔɔya le lɔ, ado Ala fana yi wo tii ya kafonɲɔɔya lɔ.