Kɔlɔsikalu 1:28 - Ala Ya Salatikan Kula Kitabu

²⁸ Wo lɔ, m'i Masa Tɔɔmasenin ya ko lasena mɔɔ bɛ ma, k'ai lali, ani k'ai kalan hangilimaya bɛ la, fɔsa m'i mɔɔ kelenkelenna bɛ dafanin lalɔ Ala ɲakɔlɔ Masa Tɔɔmasenin ya kafonɲɔɔya lɔ.

Kɔlɔsikalu 1:28 ပူးပေါင်းရင်းမြစ်များ

Matiyu 28:20

ani k'ai kalan ko bɛ labatoko la, ǹ n'ài jamalila minu la. Ǹe do, ǹ'ài fɛ waate bɛ haan fɔɔ ka taa sii dunuɲa laban na.»

Matiyu 3:7

Yaya ka Falisi ni Sadusi siyama ye nala mingɛ a fɛlɔ ai makoko lɔ, a k'a fɔ ai yɛ, a vɛɛ: «Àilu fɔnfɔnnidennu! Jene n'ài lalila ko ài yi bɔli ka bɔ Ala ya mɔnɛya natɔ kɔlɔ?

Matiyu 5:48

Ài yi dafa ko bɛ lɔ iwo ài Fa min yi haijɛnɛ, wo dafanin teme.»

Malɛkɛ 6:34

Isa ka bɔ kulun kɔnɔ ka jama ba ye mingɛ, ai hena k'a mina, kamasɔlɔn ai kɛyine tɛɛ iwo saa minu bilanin ai jɛlɛ ma, saakunnasiiba tɛ minu la. Wo ma, Isa k'ai kalan damina ko siyama la.

Luka 21:15

Kamasɔlɔn ǹe gbu le kɛtɔ ài lalɔnnila hangilimaya kumalu la, haan fɔɔ ài kɛlɛɲɔɔ suu suu tɛnala sena ài la, niwotɛ k'ài kumakannu sɔsɔ.

Kɛkolu 10:36

Àilu gbu k'a lɔn ko Ala ka Samakan Kein lase Bani Isilankalu ma, k'a fɔ ko josolajii yi sɔlɔnna Masa Tɔɔmasenin Isa le fɛ, min yi mɔɔ bɛ Tii le.

Kɛkolu 11:20

Kɛɛ Jahudiya kɛ́ dɔlu ka bɔ Sipele ni Silɛni ka se Antiyɔsi. Ai do vɛ mɔ Tii Isa ya Samakan Kein lasena siboloma gbɛlɛ mɔɔlu fana ma.

Kɛkolu 13:38

Wo lɔ saa, m̀ badenmalu, ài y'a lɔn ko julumbu lɔkotoko la yi sena ài ma Isa le sabu la.

Kɛkolu 17:18

Mɔɔ kalannin dɔlu tɛɛ je, ai tɛɛ a fɔla minu ma ko Epikuli ani Sitoisi ya mɔɔlu, minu ka Pɔli sɔsɔ damina. A dɔlu vɛɛ: «Kumafuunfɔba min y'a fɛ ka mindɛ le fɔ?» A dɔgbɛlɛlu vɛɛ: «A kɛyine iwo a yi kumala ka bɛn tii dɔlu ma minu lɔnin tɛ mɔ bolo.» Ai ka wo fɔ kamasɔlɔn Pɔli tɛɛ Isa ya Samakan Kein ne lasena, ko a v'i wuli ka bɔ saya lɔ.

Kɛkolu 17:3

ka wolu kɔlɔ fɔ k'a lagbɛ ko Masa Tɔɔmasenin tɛɛ ka kan ka tɔlɔya, ka ban k'i wuli ka bɔ saya lɔ. A do vɛɛ: «Ǹ'i Isa min ya ko lasena ài ma yi ne, ale le Masa Tɔɔmasenin ne.»

Kɛkolu 20:31

Wo le y'a ma, ài yi to ài ɲana, k'ài hangili to a lɔ ko san sawa kɔlɔ, su ni tele, m̀ ma ǹ nɔningɛ ài kelenkelenna bɛ lalila, ǹ ɲaji vɛ ǹ ɲa kɔlɔ.

Kɛkolu 3:20

Wo vɛ kɛla, mɔ Tii kɛtɔ lafɛlɛ waate dila ài ma, ka Masa Tɔɔmasenin lana min latɛɛnin tɛɛ ài ma, min taanin kɛla Isa le.

Kɛkolu 5:42

Lon bɛ, ai tɛɛ mɔɔlu kalanna lɔhɔlɔmabonba luu kɔnɔ ani mɔɔlu ya bonnu la, ka to Samakan Kein lasena ko Isa le Masa Tɔɔmasenin ne.

Kɛkolu 8:35

Wo lɔ, ka ta kitabu dingila wo ma, Filipe vɛ Isa ya Samakan Kein lasena a ma.

Kɛkolu 8:5

Ado Filipe ka taa Samaliya so dɔ la ka Masa Tɔɔmasenin ya ko lase je.

Kɛkolu 9:20

A ka taa telemanin ka kawanili damina Jahudiyalu ya Aladalibonnu la, ka to a fɔla ai yɛ ko Isa yi Ala Denkɛ le le.

Lɔmukalu 16:25

Tanuli yi Ala yɛ, a see yi min yɛ k'ài lasawati limaniya lɔ iwo ǹ na kawanili kɛla teme ǹa Samakan Kein nɔ ka bɛn Masa Tɔɔmasenin Isa ma. Ala ya gbonoko le wo le, a na min doonna waate timinninu kɔlɔ,

1 Kolɛntikalu 1:23

Kɛɛ Masa Tɔɔmasenin gbaanko kɔlɔman ma, m'i wo le kawanili kɛla. Wo do kɛnin kunnɔtɛɛko le le Jahudiyalu ɲakɔlɔ, ani ka kɛ kofuun ne siboloma gbɛlɛ mɔɔlu ɲakɔlɔ.

1 Kolɛntikalu 1:30

Ala le n'ài kafonna Masa Tɔɔmasenin Isa kɔkan, min kɛnin maa hangilimaya le ka bɔ Ala fɛ. Wo sabu la, mɔ vɛ kɛ telenmande le Ala ɲakɔlɔ, ka mɔ lasɛnɛya, ani ka mɔ kunmaka.

1 Kolɛntikalu 12:8

Nii Sɛnɛyanin yi see dila dɔ ma ka kuma hangilimaya boloma, ka see di a dɔgbɛlɛ ma ka kuma lɔnni boloma.

1 Kolɛntikalu 15:12

Komi m'i kawanili kɛla k'a fɔ ko Masa Tɔɔmasenin la vɛ wuli ka bɔ saya lɔ, a yi di vɛ ài dɔlu y'a fɔla ko fulenilu la tɛ wulila ka bɔ saya lɔ?

1 Kolɛntikalu 2:15

Nii Sɛnɛyanin yi mɔɔ min fɛ, wo tii yi sene ko bɛ kiti tɛɛla, k'a talan mɔɔ foi tɛ se ale ya kiti tɛɛla.

1 Kolɛntikalu 2:6

Wo bɛ n'a kɛ, m'i hangilimaya kumalu lasena mɔɔlu ma minu sawatinin limaniya lɔ. Kɛɛ do, hangilimaya wo suu tɛ dunuɲa ta le, niwotɛ dunuɲa kuntiilu ta, minu yi tunun boloma yi ne.

1 Kolɛntikalu 4:14

Ǹ tɛ ko minu sɛvɛla ài lamaloyako lɔ, mafɔ k'ài lali iwo ǹ diyanan dennu.

2 Kolɛntikalu 10:14

Mɔ tɛ mɔ dan latiminna ka kɛ iwo mɔ ma se ài fɛlɔ, kamasɔlɔn mɔ nayine haan fɔɔ ài fɛlɔ Masa Tɔɔmasenin ya Samakan Kein ne.

2 Kolɛntikalu 11:2

Kamasɔlɔn ǹ'ài makeleyala iwo Ala y'ài makeleyala teme. Kamasɔlɔn a kɛyine iwo ǹ n'ài maminala kɛ́ kelen ne yɛ, min taanin kɛla Masa Tɔɔmasenin ne. Ǹ'a fɛ le k'ài lasɛnɛyanin di a ma iwo singbili min ma kɛ́ ko lɔn ba bene.

2 Kolɛntikalu 4:5

Mɔ tɛ kawanili kɛla ka bɛn mɔ jɛlɛ ma, mafɔ Masa Tɔɔmasenin Isa ya Tiiya. Ado mɔ vɛ mɔ jɛlɛ kɛ àiya jɔn ne ka bɛn Isa ya ko ma.

Ɛfɛsikalu 3:8

Hali ǹ ka kɛ muminin bɛ lɔ dɔɔmandani le, Ala na baale min kalifala ǹ na aa nɛɛma lɔ, fɔsa ǹ'i siboloma gbɛlɛ mɔɔlu kawani ka bɛn Masa Tɔɔmasenin ya nafolo banbalilu ma.

Ɛfɛsikalu 5:27

A na wo bɛ kɛla fɔsa limaniyajama nɔɔlɔnin yi lɔ a ɲakɔlɔ sɛnɛya ni jalakibaliya boloma, kɔsɔ tɛ min ma, kumatɛ fɛɛ suu suu ma.

Kɔlɔsikalu 1:22

Kɛɛ tandainɔ, a vɛ àilu ni ale wotɛbɛn a Denkɛ falikolo sabu la min sanin, fɔsa ài sɛnɛyanin yi lɔ a ɲakɔlɔ jalakibaliya ni hakɛtabaliya boloma.

Kɔlɔsikalu 2:10

Àilu fana ya ko bɛ vɛ dafa aa kafonɲɔɔya lɔ, ale min yi kuntii ni fangatii bɛ ya kuntii le.

Kɔlɔsikalu 2:3

hangilimaya ni lɔnni nafololu bɛ doonnin ale le lɔ.

Kɔlɔsikalu 3:16

Masa Tɔɔmasenin kumakan yi sawati ài tɛma boloɲa bɛ ma, ài v'i ɲɔɔ kalanna k'i ɲɔɔ lali hangilimaya bɛ la, ani ka Zabuli kitabu dɔngililu la, ani baiti ni dɔngililu Nii Sɛnɛyanin yi minu dila, ka balika bɔ Ala yɛ ài josokun bɛ le.

Kɔlɔsikalu 4:12

Ɛpafalasi, min y'ài dɔ le ani Masa Tɔɔmasenin Isa ya bɔiden, wo y'ài fola. A lɔgbeleyayine Aladaliko ma ài yɛ waate bɛ, fɔsa ài yi lɔjanin yi to, ka sawati, ani ka to hangililatɛɛ lɔ, ka dafa Ala sawo bɛ lɔ.

1 Tɛsalonikakalu 4:6

Mɔɔ mɔɔ kà hakɛ ta niwotɛ ka janva ladon a badenma ma ko minu lɔ. Kamasɔlɔn mɔɔ minu yi ko suu wo kɛla, mɔ Tii kɛtɔ wo hakɛ bɔla mɔɔ wolu lɔ, iwo mɔ n'a fɔla ài yɛ teme kɔlɔkɔlɔ le k'a magbeleya.

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

1 Timote 3:2

Wo ma, fɔ limaniyajama kunmafɛlɛnba yi kɛ mɔɔ jalakibali le le, ani moso kelen tii, ani jɛlɛlɔminamɔɔ min k'a dan lɔn kolu lɔ, ani mɔɔ sɔvɛ, ani jetii ɲuma, a do yi se mɔɔlu kalanna.

Hebululu 10:14

Salaka kelen wo na kɛla sabu le ka mɔɔlu ya ko dafa waate bɛ, a yi minu lasɛnɛyala.

Hebululu 13:21

Ala wo yi koɲuma suu bɛ see di ài ma a sawonanko kɛko lɔ, a v'a ladiyanankolu labaalela mɔ josokun nɔ Masa Tɔɔmasenin Isa sabu la, magbiliyali yi min yɛ waate bɛ ani habadan! Amiina.

2 Piyɛli 3:15

Ài yi mɔ Tii ya sawali jate àiya kisiko le, iwo mɔ diyanan badenma Pɔli n'a sɛvɛla ài ma teme ka bɛn hangilimaya ma min dinin a ma.