Kɔlɔsikalu 1:23 - Ala Ya Salatikan Kula Kitabu

²³ Kɛɛ fɔ ài lilen yi don limaniya lɔ k'ài bama. Ài na jeisii min sɔlɔnna Samakan Kein lamɛn fɛ, ài la kà maamaa k'ài mataa jeisii wo la feu. Samakan Kein la vɛ se dunuɲamɔɔ bɛ ma, ado ǹe Pɔli vɛ kɛ samakan min bɔiden ne.

Kɔlɔsikalu 1:23 ပူးပေါင်းရင်းမြစ်များ

Malɛkɛ 16:15

A do vɛɛ ai yɛ: «Ài yi taa dunuɲa fan bɛ lɔ ka Samakan Kein lase mɔɔ bɛ ma.

Luka 22:32

Kɛɛ m̀'ɛ Ala dali i yɛ, fɔsa iya limaniya kana koli. Ni ile do ka seikɔ m̀ ma, i i badenmalu sɛmɛdon.»

Luka 6:48

A kɛyine iwo bonlɔba min na diɲa ba senna, ka aa bonjusii falakolo kɔkan. Kɔɔ ka fa ka se bon wo ma, kɛɛ bon ma jaajaa, kamasɔlɔn a lɔnin tɛɛ kobɛn.

Yohana 15:6

Ni mɔɔ min kafonnin ma to ǹ kan, wo tii kɛyine iwo jili bolo tɛɛnin, min la yi filila, a yi ja. Jili bolo suu wolu la yi dɛnna k'ai ɲɛnin taa la.

Kɛkolu 1:17

A tɛɛ mɔ dɔ le le. A fɛ tɛɛ baale min na.»

Kɛkolu 1:25

Wo yi keladenya baale kɛ mɔ fɛ, kamasɔlɔn Judasi vɛ baale min bila ka taa dingila dɔ lɔ, min bɛnnin a ma.»

Kɛkolu 1:8

Kɛɛ Nii Sɛnɛyanin vɛ jiila ài kɔkan, ài kɛtɔ fanga sɔlɔnna. Ài do kɛtɔ ǹ selelu le Jelusalɛmu ani Jude ni Samaliya koovilu lɔ, haan fɔɔ dunuɲa dan na.»

Kɛkolu 11:23

A ka se je ka Ala ya nɛɛma ye ai kan mingɛ, a ka sawa k'a fɔ ai yɛ k'a magbeleya ko ai y'ai sɛmɛdon mɔ Tii ya ko ma ai josokun bɛ la.

Kɛkolu 14:22

Ai tɛɛ Isa kɔbiladennu sɛmɛdonna so wolu la, k'ai kawani ko ai y'ai lɔja ka to limaniya siya kɔkan kudein, ai vɛɛ: «Jani m'i don Ala ya masaya lɔ, fɔ m'i tɔlɔya siyama masɔlɔn bene.»

Kɛkolu 2:5

Wo k'a talan, Jahudiya siyama jiyanin tɛɛ Jelusalɛmu, minu tɛɛ Alaɲasiyanɲɛmɔɔlu le ka bɔ dunuɲa jamana bɛ lɔ.

Kɛkolu 20:24

Wo bɛ n'a kɛ, ǹ tɛ ǹ nunakili kulugbeleyala, a tɛ ǹ ɲana ko le. Kɛɛ min hamin yi ǹ na, wo le ǹ'i ǹa baale dafa, mɔ Tii Isa na min kalifala ǹ na. Wo le ka Samakan Kein lase ka bɛn Ala ya nɛɛma ma.

Kɛkolu 26:16

I wuli, i lɔ i sen na. M̀'ɛ bɔ gbɛ la i yɛ, fɔsa ǹ'i kɛ ǹa bɔiden ne ani ǹ sele le, ka bɛn i na ko min yena, ani ǹ kɛtɔ min jiyala i la.

Kɛkolu 4:12

Mɔɔlu tɛ se kisila boloɲa gbɛlɛ ma, fɔ ale kelenpesa, kamasɔlɔn Ala ma tɔɔ gbɛlɛ fɔ adamadennu yɛ dunuɲa, m'i kisi min fɛ.»

Lɔmukalu 10:18

Wo ma, ǹ'i ɲiningali kɛla, ǹ ko: Jalasa Jahudiyalu ma kuma wo mɛn? Ai v'a mɛn jɔ! Kamasɔlɔn a sɛvɛnin kitabu kɔnɔ, ko: «Kawanilikɛbalu kumakan vɛ jɛzɛn duukolo fan bɛ lɔ, ado aiya kumalu vɛ se haan fɔɔ dunuɲa dan na.»

Lɔmukalu 15:16

ka ǹ kɛ Masa Tɔɔmasenin Isa ya bɔiden ne siboloma gbɛlɛ mɔɔlu yɛ. Ǹ'i Ala ya salakalase baale le la aa Samakan Kein ya ko lɔ, fɔsa ǹ'i siboloma gbɛlɛ mɔɔlu lase a ma iwo a diyanan salaka, min la vɛ sɛnɛya Nii Sɛnɛyanin sabu la.

Lɔmukalu 2:7

Wo ma, mɔɔ minu sawalinin aiya koɲumakɛko ma fɔsa ai yi magbiliyali ni buɲali ni habadan niimaya ɲinin ai jɛlɛ yɛ, Ala kɛtɔ niimaya banbali dila wolu le ma.

Lɔmukalu 5:5

Jeisii wo tɛnala maloya lasena mɔ ma, kamasɔlɔn mɔ josola vɛ fa Ala ya kanundeya la Nii Sɛnɛyanin sabu la, a na min dila mɔ ma.

1 Kolɛntikalu 15:58

Wo le y'a ma, ǹ diyanan badenmalu, ài y'ài lɔgbeleya. Foi kà ài laseikɔ. Ài y'ài sɛmɛdon mɔ Tii ya baale ma waate bɛ, kamasɔlɔn ài k'a lɔn ne ko ài yi baale min kɛla mɔ Tii ya kafonɲɔɔya lɔ, wo tɛnala kɛla kofuun ne.

1 Kolɛntikalu 3:5

Apolosi yi jene le? Pɔli yi jene le? Bɔiden ne mɔ le, minu kɛnin sabu le ài limaniyanin. Mɔ Tii na ke minu dila ǹu mɔɔ fila ma, m'i wo le la yi ne.

2 Kolɛntikalu 10:1

Ǹe Pɔli y'ài madiyala ka bɛn Masa Tɔɔmasenin ya sɔniyali ma, ani aa ɲumaya, hali ài dɔlu ka kɛ a fɔla ko ǹ'i mɔɔ fanmajiinin ne le m̀'ɛ kɛla ài tɛma, ani ko ǹ kɛnin mɔɔ faiyanin ne le ni ǹ tɛ ài tɛma.

2 Kolɛntikalu 11:23

Jalasa ai y'a fɔla ai jɛlɛ ma ko Masa Tɔɔmasenin ya bɔiden? Ǹe vɛ wo le ka timin ai la feu! Ǹe do yi kumala iwo fatɔ. M̀'ɛ baale ka timin ai la. M̀'ɛ kasolabila kɛ ka timin ai la. Ai vɛ m̀ gbasi gbusan na ka timin ai la. Saya ma vɛ sulunya ǹ na siɲa siyama le.

2 Kolɛntikalu 3:6

Ale le na see dila mɔ ma ka mɔ kɛ bɔidennu le aa salatikan kula ya ko lɔ. Salatikan kula wo ma bɔ seliya sɛvɛnin nɔ, mafɔ Nii Sɛnɛyanin. Kamasɔlɔn seliya sɛvɛnin yi saya le lasena mɔɔlu ma, kɛɛ Nii Sɛnɛyanin yi niimaya le dila.

2 Kolɛntikalu 4:1

Komi baale min kalifanin mɔ la ka bɛn Ala ya henandeya le ma, wo le y'a ma, mɔ falilɔ tɛ teeyala.

2 Kolɛntikalu 6:1

Komi Ala baalekɛɲɔɔ le mɔ le, wo lɔ, m'a fɔla ài yɛ k'a magbeleya ko ài na nɛɛma min sɔlɔnna Ala bolo, ài kà diɲa wo yi kɛ kofuun ne.

Galatiyakalu 4:11

M̀'ɛ siyan k'a fɔ ko ǹ na baale min kɛla ài tɛma, wo bɛ kana kɛ kofuun ne.

Galatiyakalu 5:5

Ǹu koni jei siinin k'a fɔ ko Ala kɛtɔ mɔ jatela telenmande le, ado Nii Sɛnɛyanin yi mɔ madɛmɛnna ka wo le makɔnɔ limaniya boloma.

Galatiyakalu 5:7

Ài tɛɛ bɔlila limaniya siya kɔkan kobɛn. Jene n'ài lalɔla, k'ài lakoli tuɲa labatoko ma?

Galatiyakalu 6:9

Mɔ kà sɛyɛ koɲumakɛko lɔ, kamasɔlɔn ni mɔ falilɔ ma teeya k'a dabila, mɔ kɛtɔ maa koɲuma sala sɔlɔnna a waate bɛlɛ le lɔ.

Ɛfɛsikalu 1:18

Ala yi ài hangili laka, fɔsa a n'ài kilila jeisii min ya ko lɔ, ài yi wo lɔn, ani ka balayi wala jate lɔn, a yi minu ladalo mumininnu yɛ.

Ɛfɛsikalu 2:21

Ka bɛn ale le ma, bon wo kawakulunnu yi tuuntuunna i ɲɔɔ na, ka to buɲala, ka kɛ lɔhɔlɔmabonba le, min bilanin a ta fan mɔ Tii Ala yɛ.

Ɛfɛsikalu 3:17

fɔsa Masa Tɔɔmasenin yi sawati ài josokun nɔ ka bɛn limaniya ma. Ǹ'i Ala dalila kɔtunun, ǹ ko, àiya kanundeya lilen yi don ka bama,

Ɛfɛsikalu 4:16

Aa kuntiiya lɔ, falikolo fan bɛ la yi dɛnna k'ai tuun i ɲɔɔ na a tuunɲa bɛ le. Wo lɔ, falikolo fan kelenkelenna bɛ vɛ kɛla a ta baale kɛla a ɲa ma, falikolo lakunnin la yi sawatile kanundeya boloma.

Kɔlɔsikalu 1:25

Limaniyajama ya bɔiden ne ǹ ne, kamasɔlɔn Ala vɛ baale min kalifa ǹ na àiya ko lɔ, ko ǹ'i Ala kumakan dafanin lase ài ma.

Kɔlɔsikalu 2:7

k'ài lilen don k'ài bama aa ko lɔ, ani k'ài sawati limaniya lɔ iwo ài kalannin a la teme, ài vɛ balika bɔla Ala yɛ kudein.

1 Tɛsalonikakalu 3:3

alako ài suu suu hangili kana ɲaami ka bɛn waate min jangatalu ma. Kamasɔlɔn àilu gbu k'a lɔn ne, wo la vɛ tɛɛ mɔ ma Ala bolo.

1 Tɛsalonikakalu 3:5

Wo le y'a ma, ǹ tɛɛ tɛ se a minala m̀ ma mingɛ, ǹ na Timote lataala ài ma k'a lɔn àiya limaniya yi teme. Kamasɔlɔn ǹ tɛɛ siyanna k'a fɔ ko Soitana vɛ ài manɛɛ boloɲa dɔ ma, ka maa baale kɛ kofuun ne.

1 Tɛsalonikakalu 5:8

Kɛɛ komi m'i telelɔmɔɔ le le, wo lɔ, ài m'i mɔ jɛlɛ lɔmina. Ài m'i mɔ jɛlɛ lɔbɛn, ka limaniya ni kanundeya kɛ iwo sisimakalanfen, ani ka kisiko kɛ mɔ jeisii le, iwo nɛɛ fula.

2 Tɛsalonikakalu 2:16

Mɔ Tii Masa Tɔɔmasenin Isa gbu ni mɔ Fa Ala, min na mɔ kanula ka habadan josolajii ni jeisii ɲuma di mɔ ma aa nɛɛma lɔ,

1 Timote 1:12

Ǹ'i balika bɔla mɔ Tii Masa Tɔɔmasenin Isa yɛ, ale min na ǹ sɛmɛdonna, kamasɔlɔn a vɛ ǹ jate lanande le ka m̀ bila aa bɔidenya la.

1 Timote 2:7

Wo le n'a kɛla, Ala na m̀ bilala aa keladenya la ka ǹ kɛ kawanilikɛba le, ko ǹ'i siboloma gbɛlɛ mɔɔlu kalan ka bɛn limaniya ni tuɲandeya ma. Ǹ'i tuɲa le fɔla, ǹ tɛ faɲa fɔla.

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

Tite 3:7

fɔsa m'i kɛ telenmande le Ala ɲakɔlɔ ka bɛn aa nɛɛma ma, ka mɔ fɛ bila niimaya banbali sɔlɔnko la, m'i mɔ jeisii le.

Hebululu 10:38

Ǹa mɔɔ telennin kɛtɔ niimaya kɛla limaniya le boloma, kɛɛ ni a ka seikɔ a kɔma, ǹ nii la tɛnala sawala aa ko lɔ.»

Hebululu 3:14

Kamasɔlɔn mɔ vɛ kɛ Masa Tɔɔmasenin lankan ne, ni mɔ bolo ka to maa lanaya kunfɔlɔ la kpekpe haan fɔɔ a laban nɔ.

Hebululu 3:6

Kɛɛ Masa Tɔɔmasenin ka kɛ lanande le iwo denkɛ min siinin Ala ya bon kunna. Mɔ do kɛnin aa bon ne le, ni mɔ bolo ka to maa lanaya la kpekpe, ani maa ɲalɔkɛnɛya jeisii la.

Hebululu 4:14

Komi salakalase kuntiiba yi mɔ bolo min vɛ jɛlɛ haan fɔɔ sangbolo dingilalu lɔ, min kɛnin Ala Denkɛ Isa le, wo lɔ, ài m'i mɔ bolo kɛ maa limaniya la kpekpe, mɔ lɔnin min na.

Hebululu 6:19

Jeisii wo kɛnin mɔ bolo fen ne le, mɔ nii bamanin min kɔkan, min yi donna daladɛnfaani kɔma ka se lɔhɔlɔmabonba kɔnɔlɔbon ma,

1 Piyɛli 1:3

Tanuli yi Ala yɛ, min yi mɔ Tii Masa Tɔɔmasenin Isa Fa le! Ka bɛn aa henandeya ba ma, mɔ vɛ sɔlɔn kula kɛ ka jeisii ɲɛnɛma sɔlɔn Masa Tɔɔmasenin Isa lawuliko sabu la ka bɔ saya lɔ.

1 Piyɛli 1:5

àilu minu lakananin Ala ya foniseleya lɔ ka bɛn àiya limaniya ma, fɔsa ài yi kisili sɔlɔn min la kɛtɔ nkɛnɛmayala dunuɲa laban waate.

1 Yohana 2:27

Wo bɛ n'a kɛ, Masa Tɔɔmasenin n'ài sɔla a Nii Sɛnɛyanin min sɔ, wo le tonin ài fɛ. Ài mako tɛ kalanmɔɔ la, kamasɔlɔn Nii Sɛnɛyanin gbu y'ài kalanna ko bɛ la. Aa kalan do yi tuɲa le le, faɲa t'a lɔ. Wo le y'a ma, ài yi to aa kafonɲɔɔya lɔ iwo Nii Sɛnɛyanin n'ài kalanna teme.

Ko Lankɛnɛmayanin 2:10

I kà siyan tɔlɔya ɲa min kɛtɔ i masɔlɔnna. A ye, Soitana y'ài dɔlu ladon bolo le ma kaso la, fɔsa ài lɔ yi suma, ani ài yi jangata masɔlɔn tele tan kɔlɔ. I yi to kankelentiiya lɔ hali ni a ka taa sii saya la. Wo vɛ kɛla, ǹ kɛtɔ niimaya jala dila i ma.