Kɔlɔsikalu 1:16 - Ala Ya Salatikan Kula Kitabu

¹⁶ Kamasɔlɔn fen bɛ ladannin ale le sabu la sangbolo lɔ ani duukolo kɔkan: fen yentalu, fen yenbalilu, masalu, seetiilu, fangatiilu, ani kuntiilu. Fen bɛ ladannin ale le sabu la, ani ale le yɛ.

Kɔlɔsikalu 1:16 ပူးပေါင်းရင်းမြစ်များ

Yohana 1:10

A tɛɛ dunuɲa kɔnɔ, dunuɲa do la ka dan ale le sabu la, kɛɛ dunuɲa tɛɛ ma a lɔn.

Yohana 1:3

Fen bɛ la ka dan ale le sabu la, hali fen kelen gbu ma dan a kɔ.

Lɔmukalu 11:36

Fen bɛ bɔnin ale le lɔ, ani fen bɛ yi je ale le yɛ, a do ta le fen bɛ le. Magbiliyali yi di a ma habadan. Amiina!

Lɔmukalu 8:38

Kamasɔlɔn ǹ lanin a la ko foi tɛnala sena mɔ fɛ tɛɛla Ala ya kanundeya la. Ni a ka kɛ saya le, niimaya le, mɛlɛkalu le, jinalu le, bi kolu le, sinin kolu le, seetiilu le, sangbololɔ fangatiilu le, duukolokɔkan fangatiilu le, kumatɛ dannifen suu suu ma, wo foi tɛnala sena mɔ fɛ tɛɛla Ala ya kanundeya la, min jiyanin mɔ la mɔ Tii Masa Tɔɔmasenin Isa fɛ.

Lɔmukalu 9:5

Ai bemanu taanin kɛla Ibulahima, Isiyaka ni Janguba le le. Ado Masa Tɔɔmasenin ka na mingɛ adamadenya boloma, a fɛ tɛɛ ai siboloma le la. Ala min yi fen bɛ kunna, tanuli y'a yɛ habadan! Amiina.

1 Kolɛntikalu 8:6

kɛɛ mɔ ta fannɔ, Ala kelenpesa le yi je, mɔ Fa min na fen bɛ danna, ado m'i mɔ nii la ale le yɛ. Tii kelenpesa le yi je fana, min taanin kɛla Masa Tɔɔmasenin Isa le, fen bɛ ladannin ka bɛn min ma, ado m'i mɔ nii la ale le sabu la.

Ɛfɛsikalu 1:10

Aa jatesii le min ne: Waate da vɛ fala, a kɛtɔ sangbolo ni duukolo kɔnɔfen bɛ lakunna, k'ai bɛ bila Masa Tɔɔmasenin ya kuntiiya kɔlɔ.

Ɛfɛsikalu 6:12

Kamasɔlɔn maa kɛlɛ tɛ adamadennu kanma, kɛɛ a yi kuntiilu ni seetiilu le kanma, ani fanga yi minu bolo dunuɲa divi min nɔ, ani fangatii yenbali minu siinin sangbolo dingilalu lɔ koyonkɛ kanma.

Filipikalu 2:10

fɔsa ni Isa tɔɔ ka fɔ, dannifen minu bɛ yi sangbolo lɔ, ani duukolo kɔkan, ani duu kɔlɔ, wolu bɛ y'ai kumɛlɛni bila duu ma a kɔlɔ.

Kɔlɔsikalu 1:15

Ale le Ala yenbali sawula le, ani Denkɛ kunfɔlɔ dannifen bɛ kunna.

Kɔlɔsikalu 1:20

Ado ka bɛn a Denkɛ ma, Ala ka ale ni fen bɛ wotɛbɛn duukolo kɔkan ani sangbolo lɔ, ka josolajii lana a Denkɛ jeli bɔnko fɛ kɔlɔman ma.

Kɔlɔsikalu 2:10

Àilu fana ya ko bɛ vɛ dafa aa kafonɲɔɔya lɔ, ale min yi kuntii ni fangatii bɛ ya kuntii le.

Kɔlɔsikalu 2:15

Wo boloɲa ma, a ka fangatii ni kuntii yenbalilu ya seetiiya tiɲa, k'ai lamaloya bala lɔ iwo kɛlɛkɔlɔdennu, a vɛ seesɔlɔntaama kɛla ai ɲa ka bɛn a gbaankɔlɔman ma.

Hebululu 1:2

Kɛɛ waate laban min nɔ, a vɛ kuma mɔ yɛ a Denkɛ le lɔ, a na kuntiiya latɛɛla min ma aa dannifen bɛ kunna, a do na dunuɲa ladanna min sabu la.

Hebululu 2:10

Fen bɛ bɔnin Ala min nɔ, ani fen bɛ yi je ale min yɛ, a tɛɛ a fɛ ka den siyama fɛ bila aa magbiliyali la. A ka bɛn a ma ka Isa ya ko dafa tɔlɔyalu lɔ, min kɛnin ɲabila le aiya kisiko lɔ.

1 Piyɛli 3:22

ale min jɛlɛnin ka taa haijɛnɛ k'i sii Ala bolokini fannɔ, mɛlɛkalu ni kuntiilu ni fangatiilu majiinin vɛ a kɔlɔ.