Kɔlɔsikalu 1:15 - Ala Ya Salatikan Kula Kitabu

¹⁵ Ale le Ala yenbali sawula le, ani Denkɛ kunfɔlɔ dannifen bɛ kunna.

Kɔlɔsikalu 1:15 ပူးပေါင်းရင်းမြစ်များ

Yohana 1:1

A damina lɔ, Kumakan tɛɛ je. Kumakan wo tɛɛ Ala fɛ, ado Kumakan wo yi Ala le le.

Yohana 1:14

Kumakan ka kɛ adamaden ne k'i sii mɔ tɛma. Mɔ do na aa magbiliyali yena, ale Denkɛ kelenpesa min Fa na a lanala aa magbiliyali lɔ, nɛɛma ni tuɲandeya dafanin min nɔ.

Yohana 1:18

Mɔɔ suu suu ma Ala ye ba a ɲa la bene. Kɛɛ ale kelenpesa min ni Ala yi kelen ne, min siinin mɔ Fa Ala tɔɔfɛ, wo vɛ mɔ lalɔnni Ala ya ko la.

Yohana 14:9

Isa do vɛɛ a yɛ: «Filipe, bima m̀ bila ài fɛ. I ma ǹ lɔn ba bene? Mɔɔ min vɛ ǹ yena, wo tii vɛ ǹ Fa ye. I yi se a fɔla di wo lɔ, ko: ‹I i Fa jiya mɔ la›?

Yohana 15:24

Ni ǹ tɛɛ ma kawanankolu kɛ ai ɲakɔlɔ, mɔɔ suu suu ma min ɲɔɔzii kɛ ba bene, ai kɛkolu tɛɛ tɛ jate julumbu le. Kɛɛ tandainɔ yi ne, ai vɛ ban ǹ kɛkolu yena, wo bɛ lɔ, ai yi ǹe ni ǹ Fa lagbeyaɲɛla.

Yohana 3:16

Kamasɔlɔn Ala na dunuɲa kanula boloɲa min ne ma: A na a Denkɛ kelenpesa dila, fɔsa ni mɔɔ mɔɔ ka limaniya a ma, wo tii kana halaki, kɛɛ wo tii yi niimaya banbali sɔlɔn.

Lɔmukalu 8:29

Kamasɔlɔn mɔɔ minu lɔnnin tɛɛ Ala bolo ka ta a damina ma, a k'a latɛɛ fana ko wolu yi kɛ a Denkɛ sawula le le, fɔsa wo yi kɛ den kunfɔlɔ le badenma siyama wotɛ.

2 Kolɛntikalu 4:4

Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.

2 Kolɛntikalu 4:6

Kamasɔlɔn Ala min n'a fɔla, ko: «Kɛnɛya yi mɛnɛn divi lɔ,» ale kelen ne vɛ kɛnɛya lamɛnɛn mɔ josokun nɔ, fɔsa m'i Ala ya nɔɔlɔ lɔn min yi mɛnɛnna Masa Tɔɔmasenin Isa ɲakɔlɔla lɔ.

Filipikalu 2:6

Ala kɛɲa tɛɛ ale le lɔ, kɛɛ a m'a bolo la wo ma k'a mili ko ale ni Ala lɔkaannin yi to.

Kɔlɔsikalu 1:13

Ale le na mɔ lakisila ka mɔ bɔ divi ya seetiiya kɔlɔ ka mɔ ladon a diyanan Denkɛ ya masaya lɔ,

1 Timote 1:17

Mɔ Tii, Masa sabali, Masa yenbali, ale min yi Ala kelenpesa le, buɲali ni magbiliyali y'a yɛ waate bɛ ani habadan. Amiina.

1 Timote 6:16

Ale kelenpesa le Masa sabali le, min makɛya nɔɔlɔ walanin haan fɔɔ mɔɔ tɛ se i madonna a la. Mɔɔ mɔɔ ɲa ma la ba a kan bene, ado mɔɔ tɛ se a yena. Buɲali ni seetiiya y'a yɛ habadan. Amiina.

Hebululu 1:3

Ale le Ala ya magbiliyali nɔɔlɔ le, ani a kɛɲa jiyaba bɛlɛbɛlɛ, ado dunuɲa kɔnɔlɔfen bɛ y'ai nɔ lɔ ka bɛn a kumakan fangama le ma. A ka ban mɔɔlu lasɛnɛyala k'ai julumbulu bɔ ai ma mingɛ, a ka t'i sii Masa Kɔlɔtaninba bolokini fannɔ haijɛnɛ.

Hebululu 1:6

Kɛɛ Ala tɛɛ a Denkɛ kunfɔlɔ lanala dunuɲa waate min nɔ, a vɛɛ: «Fɔ Ala ya mɛlɛkalu bɛ y'a bato.»

Hebululu 11:27

Nabi Musa ya limaniya le na kɛla sabu le, a ka bɔ Misilan, a do ma siyan masakɛ ya mɔnɛ ɲa. A k'i lɔja sawali boloma iwo a ɲa lɔnin vɛ Ala lɔ, mɔɔ tɛ se min yena.

Ko Lankɛnɛmayanin 3:14

«A sɛvɛ k'a lataa limaniyajama ya mɛlɛka ma min yi Layodiseya so kɔnɔ, i vɛɛ: ‹A ye, min yi Amiina le le, min yi sele ɲuma bɛlɛbɛlɛ le, ani Ala ya dannifen bɛ jusii, wo kan ne min ne: