Kɔlɔsikalu 1:12 - Ala Ya Salatikan Kula Kitabu

¹² Ài do yi balika bɔ mɔ Fa Ala yɛ, kamasɔlɔn a yi balayi minu ladalola mumininnu yɛ aa masaya lakɛnɛyanin nɔ, a na see dila ài ma fɔsa ài fɛ yi kɛ wo la.

Kɔlɔsikalu 1:12 ပူးပေါင်းရင်းမြစ်များ

Matiyu 25:34

Wo kɔ, Masakɛ kɛtɔ a fɔla a bolokininɔ talu yɛ, a vɛɛ: ‹Ǹ Fa ya duwawudennu, ài yi na, ài yi don ǹ Fa ya masaya lɔ, min lɔbɛnnin tɛɛ ài yɛ ka ta dunuɲa dan waate ma.

Yohana 14:6

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Yohana 20:17

Isa do vɛɛ a yɛ: «I k'i fasa m̀ ma, kamasɔlɔn m̀ ma jɛlɛ ba bene ka taa ǹ Fa fɛlɔ. Kɛɛ fɔ i yi taa a fɔ m̀ badenmalu yɛ ko ǹ jɛlɛtɔle ka taa ǹe ni ailu Fa fɛlɔ, min taanin kɛla ǹe ni ailu Tii le.»

Yohana 4:23

Waate dɔ sentɔ, a do vɛ se butu, Ala Nii Sɛnɛyanin kɛtɔ mɔɔlu madɛmɛnna ka a bato iwo a yi teme bɛlɛbɛlɛ kɛ, kamasɔlɔn Mɔ Fa Ala yi batokɛba wo suulu le ɲininna.

Kɛkolu 20:32

«Tandainɔ yi ne, ǹ'ài kalifala Ala le la ani aa nɛɛma kuma, wo min yi se k'ài lasawati ani ka balayi di ài ma, min ladalonin aa mɔɔ lasɛnɛyaninnu yɛ.

Kɛkolu 26:18

ai ɲa lakako lɔ, fɔsa ai yi bɔ divi lɔ ka na kɛnɛya lɔ, ani ai yi bɔ Soitana fanga kɔlɔ k'ai lasei Ala ma, alako aiya julumbulu lɔ yi koto. Wo vɛ kɛla, ai fɛ kɛtɔ kɛla Ala ya mɔɔlu la, minu vɛ sɛnɛya ka bɛn aiya limaniya ma m̀ ma.›

Lɔmukalu 11:17

Bani Isilankalu kɛyine iwo zeitunaju min sɛnɛnin gbele lɔ, Ala na wo bolo dɔlu tɛɛla a la. Àilu siboloma gbɛlɛ mɔɔlu minu kɛnin iwo tuu kɔlɔ zaituna bololu, Ala vɛ ài fasa bolo tɛɛninnu nɔ lɔ. Ado ji min yi bɔla a lilen na ka jɛlɛ, wo le àilu ni dɔ zaituna bololu balola i ɲɔɔ fɛ.

Lɔmukalu 15:27

Wo do kɛko ka diya ai yɛ. Tuɲa le, ai tɛɛ ka kan ka wo kɛ, kamasɔlɔn Ala ya nɛɛma min kɛnin Jahudiya limaniyamɔɔlu yɛ, siboloma gbɛlɛ limaniyamɔɔlu v'a dɔ sɔlɔn wo lɔ. Wo ma, a bɛnyine ai yi Jahudiyalu makolu laɲia ai jɛlɛkanu fennu le.

Lɔmukalu 8:17

Komi Ala den ne mɔ le, mɔ kɛtɔ balayi sɔlɔnna iwo a dennu. Kamasɔlɔn Ala yi balayi min ladalola Masa Tɔɔmasenin yɛ, mɔ fɛ kɛtɔ kɛla wo sɔlɔnko la. Kɛɛ fɔ mɔ fɛ yi kɛ aa tɔlɔyalu la bene, jani m'i magbiliyali sɔlɔn a fɛ.

Lɔmukalu 9:23

A na wo kɛla fɔsa a aa magbiliyali wala jate jiya dɔ mɔɔlu la, a na henala minu la k'ai lɔbɛn magbiliyali sɔlɔnko lɔ ka ta waate jaan ma.

1 Kolɛntikalu 8:6

kɛɛ mɔ ta fannɔ, Ala kelenpesa le yi je, mɔ Fa min na fen bɛ danna, ado m'i mɔ nii la ale le yɛ. Tii kelenpesa le yi je fana, min taanin kɛla Masa Tɔɔmasenin Isa le, fen bɛ ladannin ka bɛn min ma, ado m'i mɔ nii la ale le sabu la.

1 Kolɛntikalu 9:23

Ǹ'i wo bɛ kɛla ka bɛn Samakan Kein ne ma, fɔsa ǹe fana yi ǹ ta nii sɔlɔn a balayi lɔ.

2 Kolɛntikalu 11:14

Wo do pa tɛ kawananko le, kamasɔlɔn Soitana gbu y'a jɛlɛ kɛla iwo mɛlɛka nɔɔlɔnin.

2 Kolɛntikalu 5:5

Min na mɔ lɔbɛnna dailu min kanma, wo le Ala gbugbu le, ale min na Nii Sɛnɛyanin dila mɔ ma iwo tɔima ka bɛn koɲuma natɔlu ma.

Ɛfɛsikalu 1:11

Ala yi ko bɛ kɛla ka bɛn aa jatesiili ni aa kolatɛɛninnu le ma. Wo lɔ, a na mɔ tala ka mɔ kɛ a jɛlɛkanu mɔɔ le Masa Tɔɔmasenin ya kafonɲɔɔya lɔ, iwo a n'a latɛɛla teme kɔlɔkɔlɔ le,

Ɛfɛsikalu 1:18

Ala yi ài hangili laka, fɔsa a n'ài kilila jeisii min ya ko lɔ, ài yi wo lɔn, ani ka balayi wala jate lɔn, a yi minu ladalo mumininnu yɛ.

Ɛfɛsikalu 2:18

Kamasɔlɔn Isa sabu la, ǹu mɔɔ suu fila bɛ yi sena mɔ madonna mɔ Fa Ala la ka bɛn Nii Sɛnɛyanin kelen wo le ma.

Ɛfɛsikalu 3:6

Wo gbonoko le min ne: Ka bɛn Samakan Kein ma, Ala yi balayi minu ladalola aa mɔɔlu yɛ, Jahudiyalu ni siboloma gbɛlɛ mɔɔlu kɛtɔ wolu sɔlɔnna kelen ne, k'ai kɛ falikolo kelen ɲɔɔma le, ani k'ai dɛn lahedi la Masa Tɔɔmasenin Isa ya kafonɲɔɔya lɔ.

Ɛfɛsikalu 4:6

Ala kelen ne yi je, min yi mɔ bɛ Fa le. Ale le yi bɛ kunna, ani ale le yi bɛ fɛ, a do yi bɛ le josokun nɔ.

Ɛfɛsikalu 5:11

Ko kolon minu yi kɛla divi lɔ, ài fɛ kà kɛ wo foi la, mafɔ ài yi wolu labɔ gbɛ la.

Ɛfɛsikalu 5:20

Ài yi kɛ balika bɔla mɔ Fa Ala yɛ waate bɛ ni ko bɛ lɔ, mɔ Tii Masa Tɔɔmasenin Isa tɔɔ lɔ.

Ɛfɛsikalu 5:4

Ài do kà malobaliya kumalu fɔ, ani kundanya kumalu, ani jɛlɛmako kɔsɔninnu, wolu foi bɛnnin tɛ. Kɛɛ min bɛnnin, wo le ka to balika bɔla Ala yɛ.

Ɛfɛsikalu 5:8

Kamasɔlɔn waate lɔ, àilu tɛɛ divi le lɔ, kɛɛ tandainɔ ài yi mɔ Tii ya kɛnɛya le lɔ gbesekele. Wo le y'a ma, ài yi taama iwo kɛnɛyalɔ dennu.

Kɔlɔsikalu 2:2

Ǹ'i wo sɛɛ le la fɔsa ai sɛmɛ yi don, ani ai yi bɛn a lɔ kanundeya boloma, ka lɔnni dafanin sɔlɔn hangilimaya boloma fɔsa ai yi Ala ya gbonoko lɔn, min taanin kɛla Masa Tɔɔmasenin gbu le,

Kɔlɔsikalu 3:15

Masa Tɔɔmasenin ya josolajii yi sawati ài josokun nɔ, kamasɔlɔn Ala n'ài kilila wo le kanma, k'ài kɛ falikolo kelen ne, ado ài yi kɛ koɲumalɔnba le.

Kɔlɔsikalu 3:17

Ài vɛ ko ko si kɛla, ani ài vɛ kuma suu suu fɔla, ài yi wo bɛ kɛ mɔ Tii Isa tɔɔ lɔ ka balika bɔ mɔ Fa Ala yɛ ale Isa fɛ.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Hebululu 12:23

Ài vɛ ài madon Ala den kunfɔlɔlu ya ladɛn na minu tɔɔ sɛvɛnin haijɛnɛ, ani k'i madon Ala gbu la, min yi mɔɔ bɛ ya kititɛɛba le, ani k'i madon mɔɔ telenninu niilu la minu ya ko bɛ da vɛ fa butu.

Hebululu 3:1

Wo lɔ saa, m̀ badenma sɛnɛyaninnu, minu kilinin Ala bolo iwo ǹu, ài m'i mili Isa ma, mɔ lɔnin a la ko Ala na min kelayala k'a lasii salakalase kuntiibaya la.

Hebululu 3:14

Kamasɔlɔn mɔ vɛ kɛ Masa Tɔɔmasenin lankan ne, ni mɔ bolo ka to maa lanaya kunfɔlɔ la kpekpe haan fɔɔ a laban nɔ.

Janguba 3:9

M'i Ala tanula mɔ nɛɛ le le, ale min yi mɔ Tii ni mɔ Fa le. Mɔ do yi mɔɔlu daanna mɔ nɛɛ kelen wo le le, k'a talan ai ladannin Ala sawula le lɔ.

1 Piyɛli 5:1

Ǹ'i min ne fɔla ɲamɔɔlu yɛ k'a magbeleya minu y'ài tɛma, ǹe min yi ɲamɔɔ dɔ le iwo àilu, ani Masa Tɔɔmasenin ya tɔlɔyalu sele min fɛ kɛtɔ kɛla magbiliyali la min lankɛnɛmayatɔ,

1 Yohana 1:3

Mɔ na ko minu yena, ani k'ai mɛn, m'i wolu le lasena ài ma, fɔsa àilu fana yi don maa kafonɲɔɔya lɔ. M'i kafonɲɔɔya lɔ min fɛ, wo le mɔ Fa le, ani a Denkɛ Masa Tɔɔmasenin Isa.

Ko Lankɛnɛmayanin 21:23

So wo mako tɛ tele kɛnɛya la, niwotɛ kalo kɛnɛya, kamasɔlɔn Ala nɔɔlɔ le yi kɛnɛya dila a ma, ado Saa Bolan ne yi so wo fitina le.

Ko Lankɛnɛmayanin 22:14

Duwawuden ne mɔɔ wolu le minu yi aiya pipɔ kola k'a gbɛ, fɔsa see yi di ai ma niimaya kɔlɔmanden dɔnko lɔ, ani ka don so kɔnɔ a dondalu fɛ.

Ko Lankɛnɛmayanin 22:5

Su tɛnala kola butu. Ai mako tɛnala kɛla fitina kɛnɛya la, niwotɛ tele kɛnɛya, kamasɔlɔn ai Tii Ala gbu le kɛtɔ kɛla aiya kɛnɛya le. Ai do kɛtɔ masaya kɛla waate bɛ ani habadan.