Kɔlɔsikalu 1:10 - Ala Ya Salatikan Kula Kitabu

¹⁰ Wo vɛ kɛla, ài taamaɲa yi mɔ Tii lasawale, ka diya a yɛ boloɲa bɛ ma, ài vɛ koɲuma suu bɛ dɔ kɛla ka to taala ɲafɛ Ala lɔnko lɔ.

Kɔlɔsikalu 1:10 ပူးပေါင်းရင်းမြစ်များ

Yohana 15:16

Àilu ma ǹe ta, kɛɛ ǹe le n'ài tala ka ài kelaya, fɔsa ài yi taa ài den siyama kɛ minu yi mɛnna. Wo vɛ kɛla, ni ài ka ǹ Fa dali ko ko si la ǹ tɔɔ lɔ, a kɛtɔ wo dila ài ma.

Yohana 15:8

Ài vɛ den siyama kɛla k'a lagbɛ ko ǹ kɔbiladen ne ài le, ǹ Fa yi magbiliyali sɔlɔnne wo lɔ.

Yohana 17:3

Niimaya banbali kɔlɔ le ko, ai yi ile Ala bɛlɛbɛlɛ kelenpesa lɔn, ani ǹe Masa Tɔɔmasenin Isa min kelayanin i bolo.

Lɔmukalu 1:13

M̀ badenmalu, ǹ'a fɛ ài y'a lɔn ko m̀'ɛ a latɛɛ siɲa siyama le ko ǹ natɔ ài fɛlɔ, kɛɛ m̀ ma siya sɔlɔn ba bene hali bi. Ǹ'a fɛ ǹ'i na fɔsa àilu fana yi ǹa baale nafa dɔ sɔlɔn, iwo siboloma gbɛlɛ mɔɔ tɔlu na a nafa sɔlɔnna teme.

Lɔmukalu 4:12

A do ka kɛ mɔɔ makɛnɛkɛninnu bema le fana, mɔɔ minu ma dan ai makɛnɛkɛko ma dein, mafɔ ai vɛ taamana Ibulahima kɔsiya kan limaniya boloma iwo a tɛɛ a kɛla teme jani a makɛnɛ tɛɛ kɛ.

Lɔmukalu 6:4

Maa makoliko sabu la, mɔ su vɛ doon a fɛ ka kafon a kɔkan aa saya lɔ, fɔsa Masa Tɔɔmasenin lawulinin teme ka bɔ saya lɔ mɔ Fa Ala ya foniseleya lɔ, ǹu fana yi taama niimaya kula lɔ ten ne.

2 Kolɛntikalu 2:14

Kɛɛ ǹ'i balika bɔla Ala yɛ, min yi bilala mɔ ɲa kudein Masa Tɔɔmasenin ya seesɔlɔn taama lɔ. A do yi baalela mɔ fɛ ka Masa Tɔɔmasenin lɔnko lajɛzɛn fan bɛ lɔ, iwo wusulan suma yi jɛzɛnna fan bɛ lɔ teme.

2 Kolɛntikalu 4:6

Kamasɔlɔn Ala min n'a fɔla, ko: «Kɛnɛya yi mɛnɛn divi lɔ,» ale kelen ne vɛ kɛnɛya lamɛnɛn mɔ josokun nɔ, fɔsa m'i Ala ya nɔɔlɔ lɔn min yi mɛnɛnna Masa Tɔɔmasenin Isa ɲakɔlɔla lɔ.

2 Kolɛntikalu 5:9

Wo le y'a ma, ni mɔ ka to falikolo min nɔ o, ni mɔ ka taa mɔ Tii fɛlɔ o, m'i mɔ lɔjala maa ko yi diya mɔ Tii yɛ.

2 Kolɛntikalu 9:8

A see yi Ala yɛ ka nɛɛma suu bɛ dɔ kɛ ài yɛ bɛlɛbɛlɛ kɛ, fɔsa waate bɛ ani ko bɛ lɔ, ài mako la yi ɲia, ani a dɔ yi to lala àiya seetiiya kɔkan koɲuma suu bɛ kɛko lɔ.

Ɛfɛsikalu 1:17

Mɔ Fa Nɔɔlɔtii, min kɛnin mɔ Tii Masa Tɔɔmasenin Isa Tii Ala le, ǹ'i wo dalila, ǹ ko, a yi hangilimaya di ài ma, ka kolu lankɛnɛmaya ài yɛ fɔsa ài y'a lɔn a ɲa gbugbu ma.

Ɛfɛsikalu 2:10

Kamasɔlɔn Ala baalenɔ le mɔ le, a na minu ladanna Masa Tɔɔmasenin Isa sabu la koɲumakɛko lɔ, fɔsa Ala gbu na koɲuma minu lɔbɛnna mɔ yɛ kɔlɔkɔlɔ le, m'i kɛ wolu kɛba le.

Ɛfɛsikalu 4:1

Ǹe min kɛnin kasoden ne mɔ Tii ya ko lɔ, ǹ'a fɔla ài yɛ k'a magbeleya, ǹ ko, Ala n'ài kilila min kanma, ài taamaɲa yi bɛn wo ma.

Ɛfɛsikalu 4:13

Wo do kɛtɔ tola i lɔ haan fɔɔ mɔ bɛ vɛ bɛnna a lɔ ka bɛn limaniya ma, ani ka bɛn Ala Denkɛ ya lɔnni ma, ka mɔ kɛ kɛmɔbalu le, ka se Masa Tɔɔmasenin gbu dafaɲa jate ma.

Ɛfɛsikalu 5:10

Ài y'ài lɔja ka mɔ Tii ladiyanankolu lɔn.

Ɛfɛsikalu 5:15

Wo lɔ, ài y'ài jando ài taamaɲa lɔ. Ài do kà taama iwo hangilindannu, mafɔ hangilimalu.

Ɛfɛsikalu 5:2

ka taama kanundeya boloma iwo Masa Tɔɔmasenin na mɔ kanula teme, k'a jɛlɛ di maa ko lɔ, iwo salaka sumadiyanin min lasenin Ala ma.

Filipikalu 1:11

k'ài dafa telenmandeya tɔnɔ la min yi nala Masa Tɔɔmasenin Isa fɛ, fɔsa buɲali ni tanuli yi kɛ Ala yɛ.

Filipikalu 1:27

Kɛɛ fɔ ài taamaɲa yi bɛn Masa Tɔɔmasenin ya Samakan Kein ma. Wo vɛ kɛla, ǹ ka na ài fɛlɔ o, m̀ ma na ài fɛlɔ o, ǹ kɛtɔ a mɛnna ko ài lɔnin kili miliya kelen nɔ, ka sɛɛ kɛ i ɲɔɔ fɛ ka bɛn Samakan Kein ma limaniya lɔ.

Filipikalu 4:18

Ài na fen fen si lanala m̀ ma, ǹ na wo bɛ le yena. Ài na samalifen min donna Ɛpafolodite bolo, wo le na ǹ ɲɛnɛla ka m̀ mako laɲia bubale. Wo kɛyine iwo salaka min suma diyanin, Ala a bolo siila a ladiyanan salaka suu min kɔlɔ.

Kɔlɔsikalu 2:19

Ai tɛ diɲala k'ai fasanin to Masa Tɔɔmasenin ma min yi falikolo kun ne, falikolo bɛ yi balola ka bɛn min ma, ani a fan bɛ dɛnnin min na ka kɛ kelen ne a tuunɲa ni a fasalu fɛ, k'ai to buɲala iwo a diyanin Ala yɛ teme.

Kɔlɔsikalu 2:6

Komi ài vɛ ài bolo sii Masa Tɔɔmasenin Isa kɔlɔ k'a kɛ ài Tii le, wo ma, ài yi kɛ taamana aa kafonɲɔɔya lɔ,

Kɔlɔsikalu 3:20

Dennilu, ài y'ài wolobalu kumakan labato ko bɛ lɔ, kamasɔlɔn wo le diyanin mɔ Tii yɛ.

Kɔlɔsikalu 4:5

Ài yi taama hangilimaya boloma limaniyabalilu tɛma ka waate tɔnɔ bɔ kobɛn.

1 Tɛsalonikakalu 2:12

Mɔ tɛɛ ài lalila, k'ài sɛmɛdon, ani k'a fɔ ài yɛ k'a magbeleya ko ài yi Ala buɲa ài taamaɲa lɔ, ale min y'ài kilila k'ài ladon aa masaya ni aa magbiliyali lɔ.

1 Tɛsalonikakalu 4:1

Mɔ badenmalu, ka maa kuma laban, mɔ vɛ ban ài kalanna k'a fɔ ko ài ka kan ka taama teme, fɔsa àiya ko yi diya Ala yɛ. Tuɲa le, ài yi wo le la yi ne. Kɛɛ m'ài madiyala mɔ Tii Isa tɔɔ lɔ k'a magbeleya ko ài y'ài lɔja k'a dɔ la wo kɔkan.

2 Timote 2:4

Ni mɔɔ min vɛ donna sɔdasiya lɔ, wo tii ma tɛ gbalala dunuɲalɔtɛɛkolu le, mafɔ a kuntii ladiyanankolu.

Tite 3:1

I iya mɔɔlu hangili bila ko ai y'ai fanmajii kuntiilu ni fangatiilu yɛ, k'ai kumakan labato, ani k'ai lɔbɛn koɲumakɛko lɔ waate bɛ.

Tite 3:14

Ado maa mɔɔlu fana ka kan k'ai jɛlɛ dein kobɛlɛkɛko la, fɔsa ai yi se dɔlu bɔla ko gbɛlɛnnu lɔ, ai do kà kɛ mɔɔ fofo le.

Hebululu 11:5

Enɔki ya limaniya le na kɛla sabu le, a la ka jɛlɛ sanma, fɔsa a kana saya masɔlɔn. A do ma ye butu, kamasɔlɔn Ala le na a tala ka jɛlɛ a le. Jani a la tɛɛ jɛlɛ sanma, a ka tanuli sɔlɔn ko aa ko vɛ diya Ala yɛ.

Hebululu 13:16

Ài do kà ɲina koɲumakɛko lɔ, ani ka sɔniya i ɲɔɔ yɛ, kamasɔlɔn salaka suu wolu le diyanin Ala yɛ.

Hebululu 13:21

Ala wo yi koɲuma suu bɛ see di ài ma a sawonanko kɛko lɔ, a v'a ladiyanankolu labaalela mɔ josokun nɔ Masa Tɔɔmasenin Isa sabu la, magbiliyali yi min yɛ waate bɛ ani habadan! Amiina.

2 Piyɛli 1:8

Ni dajoo minu ka to ài la, ani k'ai sawati ài lɔ, ài tɛnala kɛla mɔɔ fofo ni nafandan ne mɔ Tii Masa Tɔɔmasenin Isa lɔnko lɔ.

2 Piyɛli 3:18

Kɛɛ ài yi to taala ɲafɛ mɔ Tii ni mɔ Lakisiba Masa Tɔɔmasenin Isa ya nɛɛma ni aa lɔnni lɔ. Magbiliyali a yɛ tandainɔ ani waate bɛ. Amiina.

1 Yohana 3:22

Ado mɔ v'a dalila ko ko la, m'i wo sɔlɔnne, kamasɔlɔn m'aa jamalilu labatola k'a diyanankolu kɛ.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.

3 Yohana 1:6

Ai ka seleya di limaniyajama ɲakɔlɔ ka bɛn iya kanundeya ma. Ni i k'ai madɛmɛn aiya taama lɔ boloɲa dɔ ma min yi kɛ Ala buɲako le, wo yi bɛnne feu.