2 Yohana 1:6 - Ala Ya Salatikan Kula Kitabu

⁶ Ǹ'i kanundeya min ya ko fɔla yi ne, wo kɔlɔ le ko fɔ m'i Ala ya jamalilu latelen iwo ài n'a mɛnna teme ka ta a damina ma. Wo lɔ, fɔ ài yi taama kanundeya le lɔ.

2 Yohana 1:6 ပူးပေါင်းရင်းမြစ်များ

Yohana 14:15

Isa vɛɛ kɔtunun: «Ni ài yi ǹ kanula, ài kɛtɔ ǹa jamalilu labatola.

Yohana 14:21

Ǹa jamalilu vɛ kɛla mɔɔ min bolo, a do y'ai labatola, wo tii le yi ǹ kanula. Mɔɔ min do vɛ ǹ kanula, ǹ Fa kɛtɔ wo tii le kanula. Ǹe fana kɛtɔ wo tii kanula ka ǹ jɛlɛ jiya a la.»

Yohana 14:23

Isa k'a javi, a vɛɛ: «Ni mɔɔ min vɛ ǹ kanula, wo tii kɛtɔ ǹ kumakan labatola, ado ǹ Fa fana kɛtɔ a kanula. Ǹe ni ǹ Fa kɛtɔ nala a ma ka to a fɛ.

Yohana 15:10

Ni ài ka kɛ ǹa jamalilu labatola, ài yi tole ǹa kanundeya lɔ iwo ǹ na ǹ Fa ya jamalilu labatola teme ka to aa kanundeya lɔ.

Yohana 15:14

Ài yi ǹ tɔva le le, ni ài ka ǹa jamalilu labato.

1 Yohana 2:24

Àilu koni, ài na kuma min mɛnna ka ta a damina ma, ài y'ài lɔja fɔsa wo yi sawati ài josokun nɔ. Ài na min mɛnna ka ta a damina ma, ni wo ka sawati ài josokun nɔ, àilu fana yi sawatile mɔ Fa ni a Denkɛ ya kafonɲɔɔya lɔ.

1 Yohana 2:5

Kɛɛ mɔɔ min y'a kumakan labatola, Ala ya kanundeya da vɛ fa wo tii josokun nɔ bɛlɛbɛlɛ kɛ. Mɔ do y'a lɔnna min ne ma ko m'i Ala ya kafonɲɔɔya lɔ:

1 Yohana 2:7

Ǹ diyananmɔɔlu, ǹ tɛ jamali kula sɛvɛla ài ma, mafɔ jamali kɔlɔ, ài na min sɔlɔnna ka ta a damina ma. Ài na kuma min mɛnna kɔlɔkɔlɔ le, wo ni jamali min yi kelen ne le.

1 Yohana 5:15

Ni mɔ do k'a lɔn ko a yi maa dailikan bɛ mɛnna, wo vɛ kɛla, mɔ k'a lɔn fana ko mɔ na a dalila ko ko si la, mɔ vɛ ban wo sɔlɔnna.

1 Yohana 5:3

Ka Ala kanu, wo le ka aa jamalilu labato, ado aa jamalilu tɛ doni gbili le.

2 Yohana 1:5

Ǹ diyanan badenmamoso, ǹ'i min fɔla i yɛ yi ne lɛtɛlɛ min nɔ, wo tɛ jamali kula le, mafɔ mɔ na min sɔlɔnna ka ta a damina ma, ko ài m'i ɲɔɔ kanu.