2 Timote 4:8 - Ala Ya Salatikan Kula Kitabu

⁸ Wo ma yi ne, telenmandeya jala ladalonin ǹ yɛ, min ditɔ m̀ ma lɔbalon mɔ Tii bolo, min kɛnin kititɛɛba telennin ne. Wo do tɛnala dila ǹe kelen ma, mafɔ mɔɔ minu bɛ jei siinin a nalon na kanundeya boloma.

2 Timote 4:8 ပူးပေါင်းရင်းမြစ်များ

Matiyu 24:36

«Ko minu kɛtɔ lon min na ani waate min nɔ, mɔɔ suu suu ma wo lɔn, hali mɛlɛkalu gbu minu yi haijɛnɛ. Hali Denkɛ gbu m'a lɔn, mafɔ mɔ Fa Ala kelenpesa.

Matiyu 7:22

Kititɛɛlon, mɔɔ siyama kɛtɔ a fɔla ǹ yɛ, ko: ‹Kuntii, Kuntii, ǹu ma kelaya kɛ i tɔɔ le lɔ? Ǹu ma jinalu gbɛn k'ai bɔ mɔɔlu lɔ i tɔɔ le lɔ, ani ka kawananko siyama kɛ?›

Luka 10:12

Ǹ'a fɔ ài yɛ, lɔbalon, Sɔdɔmu mɔɔ yonnu ya kiti kɛtɔ nɔyala ka timin so wo mɔɔlu ta la.»

Lɔmukalu 2:5

Kɛɛ ka bɛn iya josokunja ni i dajoo mafalinbaliya ma, i y'a dɔ le lala iya kolatɔn kɔkan kudein ka bɛn Ala ya mɔnɛya lonba ma, aa kiti telenninu la kɛtɔ nkɛnɛmayala waate min nɔ.

Lɔmukalu 8:23

A do dan tɛ dannifen wolu kelen ne, mafɔ ǹu minu vɛ Nii Sɛnɛyanin sɔlɔn iwo sɛnɛfen den kunfɔlɔ. M'i mɔ wunɛla mɔ kɔnɔ ka to lon wo makɔnɔna, Ala kɛtɔ mɔ kɛla a jɛlɛkanu dennu le lon min na, ka mɔ falikolo kunmaka tɛtɛ.

1 Kolɛntikalu 2:9

Kɛɛ a sɛvɛnin kitabu kɔnɔ tan ne, ko: «Ɲa ma la ko minu ma, tolo ma ko minu mɛn, ado ko min miliya ma bila mɔɔ suu suu josokun nɔ, Ala na wolu le latɛɛla a kanundelu yɛ.»

1 Kolɛntikalu 3:13

mɔɔ kelenkelenna bɛ bolonɔ kɛtɔ bɔla gbɛ la. A jiyatɔle kititɛɛlon, kamasɔlɔn kolu lankɛnɛmayatɔle taa bolo, ado taa kɛtɔ mɔɔ kelenkelenna bɛ bolonɔ lɔsumana.

1 Kolɛntikalu 9:25

Mɔɔ minu yi bɔli suu wo kɛla, wolu bɛ le y'ai jɛlɛ lɔminala k'ai bolo bɔ ko bɛ lɔ, fɔsa ai yi jala sɔlɔn min yi tiɲata le. Kɛɛ ǹu do yi mɔ ta kɛla jala tiɲabali sɔlɔnko le lɔ.

2 Kolɛntikalu 5:2

Kɛɛ damanda m'i faani tooda min kɔlɔ dunuɲa, m'i wunɛ le la, kamasɔlɔn a lɔɔ yi mɔ la k'a fɔ m'i maa haijɛnɛ bon sɔlɔn.

Filipikalu 3:11

fɔsa ni a ka kɛ ɲa o ɲa ma, ǹe gbu la yi wuli ka bɔ saya lɔ.

Kɔlɔsikalu 1:5

Ài yi wo bɛ kɛla ka bɛn ài jeisii le ma, min ladalonin ài yɛ haijɛnɛ. Ài do jii tɛɛ wo le ma ka ta ài na tuɲandeya kuma mɛnna waate min nɔ kunfɔlɔ le, min taanin kɛla Samakan Kein ne.

1 Tɛsalonikakalu 1:10

Ài do yi Ala Denkɛ makɔnɔna ka bɔ haijɛnɛ, a na min lawulila ka bɔ saya lɔ. Ale Isa le yi mɔ lakisila ka mɔ bɔ Ala ya mɔnɛya natɔ kɔlɔ.

1 Tɛsalonikakalu 5:4

Kɛɛ m̀ badenmalu, ài tɛ divi lɔ k'a fɔ ko wo lon kɛtɔ balala ài lɔ iwo son.

2 Tɛsalonikakalu 2:8

Wo vɛ kɛla, seliya tiɲaba la kɛtɔ nkɛnɛmayala. Kɛɛ mɔ Tii Isa kɛtɔ wo tii faala a dafɔɲɛ le, k'a halaki a nako makawanin nɔɔlɔ fɛ.

1 Timote 6:19

Wo boloɲa ma, ai kɛtɔ nafolo ladalola ai jɛlɛ yɛ, ai yi se k'ai bolomala min ma sinin, fɔsa ai bolo yi kɛ niimaya bɛlɛbɛlɛ la.

2 Timote 1:10

Tandainɔ, nɛɛma wo la vɛ nkɛnɛmaya ka bɛn mɔ Lakisiba Masa Tɔɔmasenin Isa nako ma, min na see sɔlɔnna saya ma k'a fanga bɔ a bolo, ka niimaya banbaliko labɔ gbɛ la Samakan Kein sabu la.

2 Timote 1:12

Wo le n'a kɛla, tɔlɔya min bɛ na m̀ masɔlɔnna. Kɛɛ wo maloya tɛ ǹ na, kamasɔlɔn ǹ ka ale lɔn, ǹ limaniyanin ale min ma. Ado ǹ layine a la feu ko a na ko min kalifala ǹ na, a see y'a yɛ ka wo lakana haan fɔɔ a nalon.

2 Timote 1:18

Mɔ Tii yi hena a la kiyamalon. Ile gbu k'a lɔn ne feu a na ko minu bɛ kɛla ǹ yɛ Ɛfɛsi so kɔnɔ.

2 Timote 2:5

Bɔlikɛba tɛnala jala sɔlɔnna ni a ma bɔli wo seliyalu latelen.

2 Timote 4:1

Ka bɛn Masa Tɔɔmasenin lankɛnɛmayako ni aa masaya ma, ǹ'i jamalila Ala ɲakɔlɔ, ani Masa Tɔɔmasenin Isa min kɛtɔ niimalu ni fulenilu bɛ ya kiti tɛɛla, ǹ ko:

Tite 2:13

ka mɔ to mɔ jeisii hɛlɛlon makɔnɔna, mɔ Tii Ala makawanin ya magbiliyali lankɛnɛmayatɔ lon min na, min yi mɔ Lakisiba Masa Tɔɔmasenin Isa le.

Hebululu 12:11

Tuɲa le, makololi suu suu tɛ diyala mɔɔ yɛ a kɛ waate, a do yi kɛla a bolo niilafin ne le. Kɛɛ kɔfɛ, wo tii yi makololi wo tɔnɔ sɔlɔnne, min kɛnin josolajii ni telenmadeya le.

Hebululu 9:28

wo boloɲa kelen ne ma, Masa Tɔɔmasenin fana na kɛla salaka le siɲa kelen ne le dein, ka mɔɔ siyama ya julumbulu bɔ ai ma. A do natɔ a siɲa filana lɔ, kɛɛ wo tɛnala kɛla julumbu lɔkotoko le, mafɔ ka mɔɔlu lakisi minu y'a nalon makɔnɔna.

Janguba 1:12

Mɔɔ min y'a sawalila lɔsumani lɔ, wo tii yi duwawuden ne le, kamasɔlɔn a vɛ lɔsumani manɔla, a kɛtɔ niimaya fula sɔlɔnna, min lahedi tanin Ala bolo a kanundelu yɛ.

1 Piyɛli 1:4

Wo ma, Ala yi balayi minu ladalola haijɛnɛ, minu tɛ se tiɲala, niwotɛ ka kɔsɔ, niwotɛ k'a dɔ bɔ ai dalaya la, wolu ladalonin àilu le yɛ,

1 Piyɛli 5:4

Wo vɛ kɛla, saakunnasii kuntiiba la vɛ nkɛnɛmayala lon min na, ài kɛtɔ masayafula nɔɔlɔnin sɔlɔnna min dalaya tɛnala banna tuun.

Ko Lankɛnɛmayanin 1:7

Ài y'a ye, a kɛtɔ nala sanbiliyalu tɛma, ani bɛ ɲa kɛtɔ a yena, hali mɔɔ minu na a sɔɔla tama le. Ado dunuɲa siboloma bɛ kasikan kɛtɔ bɔla ka bɛn a ma. A kɛtɔ ten ne jɔ! Amiina!

Ko Lankɛnɛmayanin 19:11

Ǹ ka to kolasaala, ǹ ka sangbolo dakanin ye, soo gbɛ ka bɔ gbɛ la. A labɔliba min siinin tɛɛ a kɔkan, ai y'a fɔla min ma ko Lanande ani Tuɲande. A do yi kolatɔn kɛla ani ka kɛlɛ kɛ telenmandeya boloma.

Ko Lankɛnɛmayanin 2:10

I kà siyan tɔlɔya ɲa min kɛtɔ i masɔlɔnna. A ye, Soitana y'ài dɔlu ladon bolo le ma kaso la, fɔsa ài lɔ yi suma, ani ài yi jangata masɔlɔn tele tan kɔlɔ. I yi to kankelentiiya lɔ hali ni a ka taa sii saya la. Wo vɛ kɛla, ǹ kɛtɔ niimaya jala dila i ma.

Ko Lankɛnɛmayanin 22:20

Ale min yi ko min bɛ seleya dila, wo tii le y'a fɔla, a vɛɛ: «Tuɲa le feu, ǹ natɔ jona.» Amiina! Na, mɔ Tii Isa!

Ko Lankɛnɛmayanin 4:10

wo vɛ kɛla, kɛmɔba muan ni naani (24) vɛ suudi benna a yɛ k'a bato, ale min siinin masayasiifen nɔ niimaya la kudein. Ai do vɛ aiya fulalu lala masayasiifen ɲafɛ k'a fɔ, ai vɛɛ:

Ko Lankɛnɛmayanin 4:4

Masayasiifen muan ni naani (24) gbɛlɛ tɛɛ masayasiifen kunfɔlɔ laminin nɔ. Kɛmɔba muan ni naani (24) tɛɛ siinin wolu lɔ, faani gbɛ vɛ ai kanna, ani sanu fula vɛ ai kunna.