2 Timote 4:7 - Ala Ya Salatikan Kula Kitabu

⁷ M̀'ɛ kɛlɛ ɲuma kɛ. Ado ǹ tɛɛ bɔli min na, m̀'ɛ se a dan ma ka m̀ bolo kɛnin to limaniya la.

2 Timote 4:7 ပူးပေါင်းရင်းမြစ်များ

Luka 11:28

A do vɛɛ a yɛ: «Mɔɔ minu y'ai tolomalɔla Ala kumakan na k'a labato, wolu le koni yi duwawuden ne.»

Luka 8:15

Malo minu na benna duu kein kan, wolu le mɔɔlu le minu yi Ala kumakan mɛnna, k'ai bolo kɛ a la ai josokun ɲuma lɔ, min telenin. A do yi sawatila ai ma ka bɛn aiya sawali ma.»

Yohana 17:6

«I na mɔɔ minu tala ka bɔ dunuɲa bolo k'ai di m̀ ma, m̀'ɛ iya ko jiya wolu la, fɔsa ai i lɔn. Ai tɛɛ i ta le le, i do n'ai dila m̀ ma. Ai v'i kumakan labato,

Yohana 4:34

Isa do vɛɛ ai yɛ: «Ǹ dɔnnifen yi min ne, wo le ka ǹ kelaba sawo kɛ ani ka aa baale dafa.

Kɛkolu 13:25

Yaya tɛɛ aa baale laban boloma waate min nɔ, a k'a fɔ mɔɔlu yɛ, a vɛɛ: ‹Ài yi ǹ jatela mɔɔ min ne, ǹ tɛ wo le! Kɛɛ mɔɔ dɔgbɛlɛ natɔ ǹ kɔ. Hali ka aa samala julu fɔlin a yɛ, ǹe dɔɔyayine wo ma.›

Kɛkolu 20:24

Wo bɛ n'a kɛ, ǹ tɛ ǹ nunakili kulugbeleyala, a tɛ ǹ ɲana ko le. Kɛɛ min hamin yi ǹ na, wo le ǹ'i ǹa baale dafa, mɔ Tii Isa na min kalifala ǹ na. Wo le ka Samakan Kein lase ka bɛn Ala ya nɛɛma ma.

Galatiyakalu 2:2

Ǹ ka taa je kamasɔlɔn Ala gbu tɛɛ v'a jiya ǹ na ko ǹ'i taa. Ǹ tɛɛ Samakan Kein min lasena siboloma gbɛlɛ mɔɔlu ma, ǹ ka wo dandɛɛli kɛ jama ɲamɔɔlu yɛ ai ta fan, fɔsa ǹ'i baale min na, ani ǹ tɛɛ min na kɔlɔman ne, wo kana kɛ kofuun ne.

Filipikalu 1:30

ài vɛ sɛɛ kelen wo kɛla, ài na ǹ yena min nɔ kɔlɔman ne, ani ài y'a mɛnna ko ǹ'i min nɔ bi.

1 Timote 1:18

Ǹ denkɛ Timote, ǹ'i jamali min kalifala i la, k'a la kelayakumalu kɔkan minu fɔnin ka bɛn i ma kɔlɔman ne. Kuma wolu yi kɛ kɛlɛkɛfen ne, i yi se kɛlɛ ɲuma kɛla min ne,

1 Timote 6:12

I i lɔja ka kɛlɛ ɲuma kɛ ka bɛn limaniya ma. I i bolo kɛ niimaya banbali la, Ala n'i kilila min kanma, i na seleya ɲuma dila waate min nɔ sele siyama ɲakɔlɔ.

1 Timote 6:20

Ile Timote, ko minu kalifanin i la, i yi wolu ladalo kobɛn. I i jɛlɛ matanga kuma fuunnu ma minu ni Ala ya siya bɛnnin tɛ i ɲɔɔ ma, ani sɔsɔyali kolon, mɔɔ dɔlu y'a fɔla min ma filibandeya boloma ko lɔnni.

2 Timote 1:14

Kalan ɲuma minu kalifanin i la, i yi wolu lakana Nii Sɛnɛyanin sabu la, min sawatinin mɔ josokun nɔ.

2 Timote 3:10

Ile koni yi ǹa kalanko kalama le feu, ani ǹ taamaɲa, ani ǹa kojatesiininnu, ani ǹa limaniya, ani ǹa sawali, ani ǹa kanundeya, ani ǹ'i kolu minala m̀ ma teme.

Ko Lankɛnɛmayanin 3:10

Komi i vɛ ǹ kumakan labato ka bɛn sawali ma, wo ma, ǹ kɛtɔ i matangala jangata waate ma, min natɔ dunuɲa muumɛ ma dunuɲamɔɔlu lɔsumanko lɔ.

Ko Lankɛnɛmayanin 3:8

« ‹Ǹ k'i kɛkolu lɔn. A ye, m̀'ɛ da lakanin bila i yɛ, mɔɔ foi tɛ se min datuunna. Ǹ k'a lɔn ne ko i fanga walanin tɛ, kɛɛ i do v'i bolo kɛ ǹ kumakan na, i m'i ban ǹ tɔɔ lɔ.

Ko Lankɛnɛmayanin 6:11

Wo lɔ, pipɔ gbɛ ka di ai kelenkelenna bɛ ma, k'a fɔ ko ai y'ai nɔningɛ dɔni ne bene, haan fɔɔ ai bɔidenɲɔɔlu ni ai badenmalu kɔndɛ da yi fa, minu kɛtɔ faala mɔɔlu bolo iwo ailu.