2 Timote 4:3 - Ala Ya Salatikan Kula Kitabu

³ Kamasɔlɔn waate dɔ sentɔ, mɔɔlu tɛnala diɲala k'ai tolomalɔ kalan sɔvɛ ma. Kɛɛ ai kɛtɔ bilala ai jɛlɛkanu niikanukolu le kɔ, ka kalanmɔɔ siyama ɲinin ai jɛlɛ yɛ minu kɛtɔ ai tolo ladiyanankumalu fɔla ai yɛ.

2 Timote 4:3 ပူးပေါင်းရင်းမြစ်များ

Luka 20:19

Seliya kalanmɔɔlu ni salakalase kuntiibalu tɛɛ Isa minako ɲaɲininna wo waate kelen nɔ, kamasɔlɔn ai n'a ɲayena ko sana wo lanin ailu le ma. Kɛɛ ai tɛɛ siyanna jama ɲa.

Luka 6:26

Gbalo yi ài yɛ, ni bɛ y'ài matɔɔla, kamasɔlɔn ai bemanu tɛɛ faɲafɔ kelalu matɔɔla ten ne.»

Yohana 8:45

Kɛɛ komi ǹe yi tuɲa le fɔla, wo le y'a kɛla, ài limaniyanin tɛ m̀ ma.

Kɛkolu 17:21

Wo k'a talan, Atɛnkalu ni aiya lonalu tɛɛ tɛ foi la, mafɔ k'ai tolomalɔ ko kulalu la, ani ka wolu lase i ɲɔɔ ma.

1 Kolɛntikalu 2:1

M̀ badenmalu, ǹ ka na ài fɛlɔ waate min nɔ Ala ya gbonoko lasenko lɔ, m̀ ma na kuma madiyaninnu le, niwotɛ hangilimaya.

1 Kolɛntikalu 2:4

Ǹ tɛɛ kumala ài fɛ ani ka kawanili kɛ waate min nɔ, ǹ tɛɛ tɛ ǹ da lɔdiyala iwo hangilima. Mafɔ, Nii Sɛnɛyanin ka aa foniseleya le jiya,

Galatiyakalu 4:16

Jalasa m̀'ɛ kɛ ài juu le kamasɔlɔn ǹ'i tuɲa le fɔla ài yɛ?

1 Timote 1:10

ani kanukɛbalu, ani kɛ́ minu yi lala i ɲɔɔ fɛ, ani jɔn felebalu, ani faɲafɔbalu, ani faɲafɔ selelu, ani ko minu bɛ yi nala sɔsɔyali le kalan bɛlɛ kanma.

2 Timote 1:13

Ǹa misali ta ka bila kuma sɔvɛlu kɔ, i na minu mɛnna ǹ da, ka kɛ taamana limaniya ni kanundeya boloma Masa Tɔɔmasenin Isa ya kafonɲɔɔya lɔ.

Jude 1:18

Ai do k'a fɔ ài yɛ, ai vɛɛ: «Dunuɲa laban waate, lafeyalikɛbalu wulitɔ, k'ai bila ai niikanuko yonnu kɔ Alaɲasiyanɲɛbaliya boloma.»