2 Timote 4:2 - Ala Ya Salatikan Kula Kitabu

² i yi Ala kumakan kawani ka to wo la waate ɲuma ni waate gbɛlɛnnu lɔ, ka mɔɔlu jobaliya, k'ai makuma, k'ai lali, i vɛ ai kalanna sawali bɛlɛ boloma.

2 Timote 4:2 ပူးပေါင်းရင်းမြစ်များ

Luka 7:23

Ni mɔɔ mɔɔ kunnɔ ma tɛɛ ka bɛn m̀ ma, duwawuden ne wo tii le.»

Luka 7:4

Kɛmɔbalu senin Isa ma, ai v'a madiyala kosɛvɛ, ai vɛɛ: «A bɛnnin i yi kɛ́ min madɛmɛn,

Luka 9:60

Isa do vɛɛ a yɛ: «Fulenilu to je, ai y'ai fuleni ɲɔɔlu sudoon. Kɛɛ fɔ ile yi taa Ala ya masaya ko lase.»

Kɛkolu 13:5

Ai senin Salamisi so kɔnɔ, ai ka Ala kumakan lase damina Jahudiyalu ya Aladalibonnu la. Yohana (ai tɛɛ a fɔla min ma ko Malɛkɛ), wo tɛɛ ai madɛmɛnna.

Kɛkolu 16:13

Nɔningɛlon senin, mɔ ka taa kɔɔ dala so kɔma, a tɛɛ mɔ jii ma k'a fɔ ko mɔ kɛtɔ Jahudiyalu ya Aladaliya dɔ yena je. Wo kɛ, mɔ k'i sii ka kuma damina moso dɔlu yɛ, minu ladɛnnin tɛɛ je.

Kɛkolu 20:7

Sivililon wula la, mɔ ka mɔ ladɛn bulu lɔtalako lɔ waate min nɔ, Pɔli ka to kumala mɔɔlu fɛ haan fɔɔ su tala, kamasɔlɔn a jii tɛɛ a taako ma wo dusagbɛlon.

Kɛkolu 28:16

Mɔ senin Lɔmu, ai ka diɲa ka Pɔli to a jɛlɛ ma bon dɔ la, ka sɔdasi kelen to a fɛ, wo v'a lakanala.

Lɔmukalu 10:15

Mɔɔ kɛtɔ ai kawanila di vɛ, ni mɔɔ ma kelaya ai ma? A sɛvɛnin tan ne kitabu kɔnɔ, ko: «Samakan Kein lasenbalu yenko bɛnyine feu!»

Lɔmukalu 12:12

Ài yi sawa ka bɛn ài jeisii ma, ka tɔlɔyalu mina ài ma sawali boloma, ka kɛ Ala dalila kudein.

Galatiyakalu 6:6

Mɔɔ min yi kalannadenya la ka bɛn Ala kumakan ma, wo tii ka kan ka aa kalanmɔɔ sɔ fen ɲuma suu bɛ dɔ la.

Kɔlɔsikalu 1:25

Limaniyajama ya bɔiden ne ǹ ne, kamasɔlɔn Ala vɛ baale min kalifa ǹ na àiya ko lɔ, ko ǹ'i Ala kumakan dafanin lase ài ma.

Kɔlɔsikalu 4:3

Ài yi Ala dali ǹu fana yɛ, fɔsa Ala yi da laka mɔ yɛ a kumakan lasenko lɔ ka bɛn Masa Tɔɔmasenin ya gbonoko ma. Ǹe do yi kaso le la yi ne ka bɛn wo ma.

1 Tɛsalonikakalu 1:6

Ài n'ài sumala mɔ taamaɲa le ma ani mɔ Tii Isa taamaɲa, kamasɔlɔn ài n'ài bolo siila Samakan Kein kɔlɔ sawa bolo le ma, sawa min bɔnin Nii Sɛnɛyanin fɛ, hali ài bannin ka kɛ tɔlɔya siyama masɔlɔnna.

1 Tɛsalonikakalu 5:14

Mɔ badenmalu, m'a fɔla ài yɛ k'a magbeleya ko ài yi baalekɛbalilu lali, ka mɔɔ jeitɛɛninnu sɛmɛdon, ani ka fangandannu madɛmɛn. Ài yi mɔɔ minu bɛ mina sawali boloma.

1 Tɛsalonikakalu 5:20

Ài kà kelalu ya kumalu lafeya.

1 Timote 4:13

I yi to kitabulu kalanna jama yɛ k'ai kawani ani ka to ai kalanna haan fɔɔ m̀'ɛ nala lon min na.

1 Timote 5:20

Ɲamɔɔlu koni minu vɛ tola julumbu tala, i yi wolu makuma jama ɲana, fɔsa mɔɔ tɔ bɛ yi siyan, ai kana wo ɲɔɔzii kɛ.

2 Timote 2:21

Ni mɔɔ dɔ k'a jɛlɛ lasɛnɛya ka bɔ kokɔsɔninnu ma, wo tii ma kɛtɔle iwo mulan magbiliyanin min bilanin a ta fan, min nafa y'a Tii yɛ, ani a lɔbɛnnin baale ɲuma suu bɛ dɔ kɛko le lɔ.

2 Timote 2:25

a v'a kɛlɛkɛɲɔɔlu bilala siya ɲuma kɔkan sɔniyali boloma. Tumadɔ Ala kɛtɔ ai madɛmɛnna fɔsa ai y'ai jɛlɛ lasei a ma, ka tuɲa lɔn.

2 Timote 3:10

Ile koni yi ǹa kalanko kalama le feu, ani ǹ taamaɲa, ani ǹa kojatesiininnu, ani ǹa limaniya, ani ǹa sawali, ani ǹa kanundeya, ani ǹ'i kolu minala m̀ ma teme.

Tite 1:13

Seleyakan wo yi tuɲa le le. Wo ma, i y'ai makuma bɛlɛbɛlɛ kɛ, fɔsa ai yi limaniya sɔvɛ sɔlɔn,

Tite 2:15

I ka kan k'ai kalan ko minu le la, k'ai sɛmɛdon, ani k'ai makuma iya kuntiiya see bɛ le. I do kà diɲa mɔɔ suu suu yi jɔ i ma.

Hebululu 13:22

M̀ badenmalu, ǹ'ài madiyala, ài y'ài bolo sii ài sɛmɛdon kuma minu kɔlɔ, kamasɔlɔn ǹ na kuma dana le sɛvɛla ài ma dein.

Ko Lankɛnɛmayanin 3:19

Ǹ'i mɔɔ minu kanula, ǹ'i wolu le lalila k'ai makolo. Wo lɔ, i i sɛmɛdon k'i dajoo mafalin.