2 Timote 4:17 - Ala Ya Salatikan Kula Kitabu

¹⁷ Kɛɛ mɔ Tii gbu le n'i lɔla ǹ fɛ ka ǹ sɛmɛdon, fɔsa ǹ tɛɛ se ka aa samakan dafanin lase siboloma gbɛlɛ mɔɔ wolu bɛ ma, ai tɛɛ a mɛn. Wo ma, ǹ ka kisi ka bɔ jala da.

2 Timote 4:17 ပူးပေါင်းရင်းမြစ်များ

Matiyu 10:19

Ai vɛ kɛla taala ài le kititɛɛbon na, ài ka kan ka kuma min fɔ je ani ài ka kan k'a fɔ teme, ài kà hamin wo le. Ài ka kan ka min fɔ, wo ditɔ ài ma wo waate kelen nɔ.

Luka 1:1

Ǹ diyananmɔɔ Teyofile, ko minu timinnin mɔ wotɛ jan, i k'a lɔn mɔɔ siyama v'i lɔja ka wo taliku sɛvɛ,

Luka 21:15

Kamasɔlɔn ǹe gbu le kɛtɔ ài lalɔnnila hangilimaya kumalu la, haan fɔɔ ài kɛlɛɲɔɔ suu suu tɛnala sena ài la, niwotɛ k'ài kumakannu sɔsɔ.

Kɛkolu 23:11

Wo lon su lɔ, mɔ Tii k'i lɔ Pɔli dafɛ k'a fɔ a yɛ, a vɛɛ: «I josolagbeleya. I na seleya dila ka bɛn m̀ ma teme Jelusalɛmu, i ka kan ka a di ten ne Lɔmu fana.»

Kɛkolu 9:15

Kɛɛ mɔ Tii k'a javi, a vɛɛ: «Taa vɛ! Kamasɔlɔn m̀'ɛ kɛ́ wo ta k'a kɛ ǹa bɔiden ne, fɔsa a yi siboloma gbɛlɛlu lalɔnni ǹ tɔɔ la, ani masakɛlu ni Bani Isilankalu.

Lɔmukalu 15:31

fɔsa m̀ ma yi tanga limaniyabalilu ma Jude koovi lɔ, ani ǹ taatɔ madɛmɛlifen min ne, wo yi diya Jelusalɛmu mumininnu yɛ.

2 Kolɛntikalu 12:9

Kɛɛ a do k'a fɔ ǹ yɛ, a vɛɛ: «Ǹ na nɛɛma min kɛla i yɛ, wo y'i wasa, kamasɔlɔn ǹa seetiiya yi jiyala fangandanya le lɔ.» Wo le n'a kɛla, ǹ kɛtɔ ǹ jɛlɛ matɔɔla sawa boloma ka bɛn ǹa fangandanya ma, fɔsa Masa Tɔɔmasenin ya seetiiya yi to ǹ kan.

Ɛfɛsikalu 3:8

Hali ǹ ka kɛ muminin bɛ lɔ dɔɔmandani le, Ala na baale min kalifala ǹ na aa nɛɛma lɔ, fɔsa ǹ'i siboloma gbɛlɛ mɔɔlu kawani ka bɛn Masa Tɔɔmasenin ya nafolo banbalilu ma.

1 Timote 1:12

Ǹ'i balika bɔla mɔ Tii Masa Tɔɔmasenin Isa yɛ, ale min na ǹ sɛmɛdonna, kamasɔlɔn a vɛ ǹ jate lanande le ka m̀ bila aa bɔidenya la.

2 Timote 2:1

Ile ǹ den koni, i i lɔgbeleya Masa Tɔɔmasenin Isa ya nɛɛma lɔ.

2 Timote 2:9

ǹ'i tɔlɔya masɔlɔnna ka bɛn min ma haan fɔɔ ǹ silinin jɔlɔkɔ le tan iwo koyonkɛba. Kɛɛ Ala kumakan silinin tɛ feu!

2 Timote 3:11

I do k'a lɔn ǹ na jangata ni tɔlɔya minu masɔlɔnna Antiyɔsi so kɔnɔ, ani Ikoniyɔmu, ani Lisitile. Ǹ na jangata suu siyama le manɔla feu! Kɛɛ mɔ Tii na ǹ lakisila ka ǹ kun bɔ wo bɛ lɔ.

2 Timote 4:5

Kɛɛ ile koni, i yi kɛ mɔɔ sɔvɛ le kudein, ka tɔlɔya mina i ma, ka kɛ Samakan Kein lasenba le, ani k'i senko bɛ kɛ Ala ya baale lɔ.

Tite 1:3

Kɛɛ tandainɔ, Ala ya waate latɛɛnin nɔ, a v'a kumakan lankɛnɛmaya ǹa kawanili fɛ, min kalifanin ǹ na ka bɛn mɔ Lakisiba Ala ya jamali ma.

Hebululu 11:33

Aiya limaniya le na kɛla sabu le, ai ka see sɔlɔn jamanalu ma, ka kuntiiya kɛ telenmandeya boloma, ka fennu sɔlɔn minu lahedi tanin Ala bolo, ka jalalu da latuun,

1 Piyɛli 5:8

Ài yi to ài ɲana k'ài hangili sii. Ài juu Soitana kɛyine iwo jala min yi wolondola, a v'a mataamataamana ka mɔɔ ɲinin a dɔnko lɔ.

2 Piyɛli 2:9

Wo le y'a ma, mɔ Tii ka a ɲasiyanɲɛbalu lakisiɲa lɔn k'ai bɔ aiya tɔlɔyalu lɔ, a do ka telenbalilu ladaloɲa lɔn kolatɔn kanma haan fɔɔ kititɛɛlon yi se.