2 Timote 4:13 - Ala Ya Salatikan Kula Kitabu

¹³ Ǹa faaniba min tonin Kalapusi bolo Tolohasi so kɔnɔ, ani kitabulu, i yi na wolu le, saa gbolo kafalu bɛlɛbɛlɛ le.

2 Timote 4:13 ပူးပေါင်းရင်းမြစ်များ

Matiyu 5:40

Ni mɔɔ dɔ y'a fɛ ka kiti bila i la iya faaniba kɔlɔbila minako lɔ i la, wo vɛ kɛla, i iya faaniba di a ma fana.

Kɛkolu 16:11

Mɔ ka don kulunba kɔnɔ Tolohasi so kɔnɔ ka mɔ telen Samotilase kɔɔtɛmaduu la. Wo kɛnɛbɔlon, mɔ ka se Neyapolisi so la.

Kɛkolu 16:8

Wo lɔ, ai ka Misiya koovi lɔtimin ka taa Tolohasi so kɔnɔ.

Kɛkolu 20:38

Pɔli ka kuma min fɔ ko ai tɛnala a yena butu, wo k'ai joso tiɲa bɛlɛbɛlɛ kɛ. Wo kɔ, ai ka taa a lɔsiya kulunba dala.

1 Kolɛntikalu 4:11

Hali bi kɔɔn ni jilɔɔ yi mɔ la. Faani kolon ne yi mɔ kanna. Ai yi mɔ gbasila waate bɛ, ado jiya kelen tɛ mɔ la.

2 Kolɛntikalu 11:27

Baale gbɛlɛn ni gbeleya ka kun ǹ nɔ. Ǹ ka siɲana siyama kɛ, kɔɔn ni minkɛlɔɔ vɛ ǹ na. Ado siɲa siyama lɔ, balo tɛɛ tɛ m̀ bolo. Ǹe do ka tɔlɔya nɛnɛ bolo, kamasɔlɔn feeyabɔ ɲɛnɛma tɛɛ tɛ m̀ bolo.