2 Timote 4:1 - Ala Ya Salatikan Kula Kitabu

¹ Ka bɛn Masa Tɔɔmasenin lankɛnɛmayako ni aa masaya ma, ǹ'i jamalila Ala ɲakɔlɔ, ani Masa Tɔɔmasenin Isa min kɛtɔ niimalu ni fulenilu bɛ ya kiti tɛɛla, ǹ ko:

2 Timote 4:1 ပူးပေါင်းရင်းမြစ်များ

Matiyu 16:27

Kamasɔlɔn Mɔɔnivin Tanin kɛtɔ nala aa mɛlɛkalu fɛ, a Fa aa magbiliyali lɔ. Wo vɛ kɛla, a kɛtɔ mɔɔ kelenkelenna bɛ salala ka bɛn ai kɛkolu ma.

Luka 19:12

Wo le k'a kɛ, Isa vɛɛ: «A ka kɛ faamaden dɔ le le, min tɛɛ taama boloma jamana majaannin dɔ lɔ, fɔsa a yi masaya sɔlɔn ka na k'i sii aa jamanamɔɔlu kunna.

Luka 19:15

«A wɔlinin masaya sɔlɔnna ka seikɔ, a ka aa bɔidennu kili, a na wɔli dila minu ma, fɔsa a a lɔn ai na tɔnɔ mindɛ sɔlɔnna julaya lɔ.

Luka 23:42

A do vɛɛ: «Isa, i vɛ nala iya masaya lɔ waate min nɔ, i i hangili to ǹ nɔ.»

Kɛkolu 10:42

Ado Isa ka mɔ lɔ kawanilila ani ka seleya di ko Ala v'a lasii k'a kɛ kititɛɛba le niima ni fulenilu bɛ kunna.

Kɛkolu 17:31

Kamasɔlɔn lon dɔ latɛɛnin a bolo, a kɛtɔ dunuɲamɔɔlu bɛ ya kiti tɛɛla lon min na telenmandeya boloma aa kɛ́ tanin sabu la. A do na wo lagbɛla bɛ yɛ ka bɛn a lawuliko ma ka bɔ saya lɔ.»

Lɔmukalu 2:16

Wo bɛ la kɛtɔ nkɛnɛmayala kititɛɛlon, Ala vɛ adamadennu kɔnɔlɔkolu kiti tɛɛla Masa Tɔɔmasenin Isa sabu la, iwo a fɔnin teme Samakan Kein nɔ, ǹ'i min lasena.

Kɔlɔsikalu 3:4

Masa Tɔɔmasenin min kɛnin àiya niimaya le, wo la vɛ nkɛnɛmayala lon min na, àilu fana nɔɔlɔnin lankɛnɛmayatɔ a fɛ.

2 Tɛsalonikakalu 2:8

Wo vɛ kɛla, seliya tiɲaba la kɛtɔ nkɛnɛmayala. Kɛɛ mɔ Tii Isa kɛtɔ wo tii faala a dafɔɲɛ le, k'a halaki a nako makawanin nɔɔlɔ fɛ.

1 Timote 5:21

Ǹ'i jamalila Ala ni Masa Tɔɔmasenin Isa ɲakɔlɔ, ani aa mɛlɛka taninnu, ǹ ko, i yi ko minu latelen. I kà dɔ fisa a dɔ le, i kà mɔɔ lɔtɔmɔn.

2 Timote 1:10

Tandainɔ, nɛɛma wo la vɛ nkɛnɛmaya ka bɛn mɔ Lakisiba Masa Tɔɔmasenin Isa nako ma, min na see sɔlɔnna saya ma k'a fanga bɔ a bolo, ka niimaya banbaliko labɔ gbɛ la Samakan Kein sabu la.

2 Timote 2:14

Iya mɔɔlu hangili bila k'a magbeleya Ala ɲakɔlɔ ko ai kà sɔsɔyali kɛ ka bɛn kumalu kɔlɔ ma. Sɔsɔyali wo suulu tɛ foi ɲiala, mafɔ ka fitina lana a lamɛnbalu ma.

2 Timote 4:18

Tuɲa le, mɔ Tii kɛtɔ ǹ lakisila ka m̀ bɔ koyon suu bɛ ma, ka ǹ lakananin ladon aa masaya lɔ haijɛnɛ. Magbiliyali yi ale le yɛ waate bɛ ani habadan. Amiina.

2 Timote 4:8

Wo ma yi ne, telenmandeya jala ladalonin ǹ yɛ, min ditɔ m̀ ma lɔbalon mɔ Tii bolo, min kɛnin kititɛɛba telennin ne. Wo do tɛnala dila ǹe kelen ma, mafɔ mɔɔ minu bɛ jei siinin a nalon na kanundeya boloma.

Tite 2:13

ka mɔ to mɔ jeisii hɛlɛlon makɔnɔna, mɔ Tii Ala makawanin ya magbiliyali lankɛnɛmayatɔ lon min na, min yi mɔ Lakisiba Masa Tɔɔmasenin Isa le.

1 Piyɛli 1:7

Ko wolu le yi kɛla sabu le k'a jiya ko limaniya bɛlɛbɛlɛ le y'ài bolo, min kulugbeleyanin sanu le, sanu min yi fen tiɲata le, ani min lɔ yi sumala taa bolo. Wo do nafa kɛtɔ kɛla matɔɔli ni magbiliyali ni buɲali le le ài yɛ Masa Tɔɔmasenin Isa lankɛnɛmaya lon.

1 Piyɛli 4:5

Kɛɛ ai kɛtɔ dandɛɛli kɛla wo yɛ min lɔbɛnnin niimalu ni fulenilu bɛ ya kititɛɛko lɔ.

1 Piyɛli 5:4

Wo vɛ kɛla, saakunnasii kuntiiba la vɛ nkɛnɛmayala lon min na, ài kɛtɔ masayafula nɔɔlɔnin sɔlɔnna min dalaya tɛnala banna tuun.

2 Piyɛli 1:11

Wo boloɲa ma, siya yi dile ài ma feu ài donko lɔ mɔ Tii ni mɔ Lakisiba Masa Tɔɔmasenin Isa ya habadan masaya lɔ.

2 Piyɛli 1:17

Kamasɔlɔn a na buɲa ni magbiliyali sɔlɔnna mɔ Fa Ala la waate min nɔ, kumakan dɔ ka bɔ Masa Fonisele fɛ k'a fɔ a yɛ, a vɛɛ: «Ǹ diyanan Denkɛ le ne, min yi ǹ kɔnɔlɔdiyala bubale.»

1 Yohana 2:28

Wo lɔ saa, dennilu, ài yi to Masa Tɔɔmasenin ya kafonɲɔɔya lɔ, fɔsa a la vɛ nkɛnɛmayala lon min na, lanaya yi kɛ mɔ josokun nɔ, ani mɔ kana mɔ majaanya a la maloya boloma.

Ko Lankɛnɛmayanin 1:7

Ài y'a ye, a kɛtɔ nala sanbiliyalu tɛma, ani bɛ ɲa kɛtɔ a yena, hali mɔɔ minu na a sɔɔla tama le. Ado dunuɲa siboloma bɛ kasikan kɛtɔ bɔla ka bɛn a ma. A kɛtɔ ten ne jɔ! Amiina!