2 Timote 3:5 - Ala Ya Salatikan Kula Kitabu

⁵ Ai do kɛtɔ ai jɛlɛ kɛla mɔɔlu ɲana iwo Alaɲasiyanɲɛmɔɔ, k'a talan ai v'i ban Ala fanga lɔ. I i majaan mɔɔ kaija wolu la feu.

2 Timote 3:5 ပူးပေါင်းရင်းမြစ်များ

Matiyu 7:15

«Ài y'ài jando ài jɛlɛ lɔ faɲafɔ kelalu ya ko lɔ. Ai y'ai jɛlɛ kɛla iwo saalu ka na ài ma, k'a talan soofali le ai le.

Ɛfɛsikalu 4:14

Wo ma, mɔ tɛnala kɛla dennilu le butu, kɔɔ kilinkilin yi minu lamaamaala, ani fɔɲɛ yi minu lafilinfilinna ka bɛn mɔɔ jateeyaninnu ya lafilikolu ma ani aiya faɲafɔ kalan kaijakaijalu.

2 Tɛsalonikakalu 3:14

Mɔ na jamali minu dila lɛtɛlɛ min kɔnɔ, ni mɔɔ min k'i ban wolu ma, ài yi wo tii ma lakɔlɔsi k'ài mataa a la, fɔsa a yi maloya.

2 Tɛsalonikakalu 3:6

Mɔ badenmalu, m'ài jamalila yi ne mɔ Tii Masa Tɔɔmasenin Isa tɔɔ lɔ, k'a fɔ ko ài y'ài mataa mɔ badenma suu wo bɛ la, minu yi aiya dunuɲalɔtɛɛ kɛla baalekɛbaliya lɔ, ka maa laanalu to je, mɔ n'ài kalanna minu la.

1 Timote 4:7

I fɛ kà kɛ faɲafɔ taliku fɔko la ani tali fuunnu, minu ni Ala ya siya bɛnnin tɛ i ɲɔɔ ma, mafɔ i i jɛlɛ makolo ka bɛn Alaɲasiyanɲɛ ma.

1 Timote 4:8

K'i fali makolo, wo yi nala nafa dɔ le le. Kɛɛ Alaɲasiyanɲɛ yi nala nafa le le boloɲa bɛ ma, kamasɔlɔn a yi mɔɔ madɛmɛnna iya dunuɲalɔtɛɛ le lɔ ani ka balayi lase i ma kiyama.

1 Timote 5:8

Ni mɔɔ min m'i lɔja a balamɔɔlu lasonko ma, ani a jɛlɛkanu demaya bɛlɛbɛlɛ le, wo vɛ kɛla, wo tii ma v'i ban limaniya lɔ, ado mɔɔ suu wo kɛwonyanin vɛ ka timin limaniyabali la.

1 Timote 6:5

ani kɛlɛ banbalilu mɔɔ hangili tiɲaninnu tɛma, minu dɛsɛnin tuɲa la. Wolu le y'ai milila ko Ala ya siya lataamanko yi nafolo ɲinin siya le le.

2 Timote 2:16

I i jɛlɛ matanga kuma fuunnu ma, minu ni Ala ya siya bɛnnin tɛ i ɲɔɔ ma, kamasɔlɔn wolu le yi mɔɔlu mataala Ala la.

2 Timote 2:23

I yi kolɔnbaliya sɔsɔyali fuunnu to je, kamasɔlɔn i k'a lɔn ne wolu yi nala sɔɔnsɔɔn ne le dein.

Tite 1:16

Ai y'a fɔla ko ai ka Ala lɔn, kɛɛ ai kɛkolu y'ai jobaliyala ka bɛn wo ma. Mɔɔ magbeyanin ne ài le, ani kolobali, minu tɛ se koɲuma suu suu kɛla.

Tite 3:10

Ni mɔɔ dɔ ka kɛ je min yi falanɲɔɔya ladonna mɔɔlu wotɛ, i yi wo tii lali siɲa fila le, wo kɔ, i i mataa a la.