2 Timote 3:3 - Ala Ya Salatikan Kula Kitabu

³ ani mɔɔ kataigbɛlɛn, ani henabali, ani tɔɔtiɲalikɛba, ani jɛlɛlɔminabali, ani mɔɔ josolatɛɛnin, ani ɲagbo,

2 Timote 3:3 ပူးပေါင်းရင်းမြစ်များ

Matiyu 10:21

«Kɔlɔmamɔɔ kɛtɔ a badenma donna mɔɔlu bolo a faako lɔ. Fa fana kɛtɔ wo suu le kɛla a den na. Dennu wulitɔ ai sɔlɔnbalu kanma k'ai don mɔɔlu bolo ai faako lɔ.

Matiyu 4:1

Wo kɔ, Nii Sɛnɛyanin ka bila Isa ɲa ka taa a le fuwa lɔ, fɔsa Soitana y'a lɔsuma.

Luka 10:16

Isa k'a fɔ a kɔbiladennu yɛ, a vɛɛ: «Mɔɔ min v'a tolomalɔla ài la, wo tii v'a tolomalɔ ǹ na. Mɔɔ min v'i banna ài lɔ, wo tii v'i ban ǹe fana lɔ. Ado mɔɔ min v'i banna ǹ nɔ, wo tii v'i ban ǹ kelaba lɔ fana.»

Luka 16:14

Falisilu, wɔli diyanin tɛɛ minu yɛ, wolu ka wo bɛ mɛn mingɛ, ai ka jɛlɛbɔ Isa lɔ.

Yohana 6:70

Isa do k'ai javi, a vɛɛ: «Ǹe gbu le n'ài mɔɔ tan ni fila (12) tala, kɛlɛ? Kɛɛ ài lɔ mɔɔ kelen yi Soitana den ne le.»

Lɔmukalu 1:29

Ai josokun lafanin tɛɛ telenbaliyako suu bɛ dɔ la, ani koyon, ani natabaya, ani juuya, ani keleya, ani mɔɔfaako, ani mɔɔwotɛfalanko, ani janvandeya, ani kɔnɔlɔgbeya. Tɔɔfɔlikɛba le ai le,

Lɔmukalu 1:31

Hangilindan ne ai le, ani lanandeyabali, ani maɲumayenbali, ani henandeyabali.

1 Kolɛntikalu 7:5

Ài k'ài ban ài ɲɔɔ yɛ mafɔ ni ài mɔɔ fila ka bɛn a ma waateni kɔlɔ, fɔsa ài y'ài lɔgbeleya Aladaliko ma. Wo waate da vɛ fala, ài yi seikɔ i ɲɔɔ ma kɔtunun, alako Soitana kana ài manɛɛ ka bɛn àiya jɛlɛlɔminabaliya ma.

1 Kolɛntikalu 7:9

Kɛɛ do, ni ài tɛ se ài jɛlɛ lɔminala, fɔ ài yi fulu le kɛ. Kamasɔlɔn fuluko bɛnyine ài ma jani kafonɲɔɔya lɔɔ yi gba ài la bubale.

1 Tɛsalonikakalu 4:8

Wo le y'a ma, ni mɔɔ mɔɔ si k'i ban jamali min ma, wo tii m'i ban adamaden nɔ, mafɔ Ala min y'a Nii Sɛnɛyanin dila ài ma.

1 Timote 3:11

Wo boloɲa kelen ma, ai mosolu yi kɛ mɔɔ sɔvɛlu le. Ai kà kɛ tɔɔtiɲabalu le, mafɔ jɛlɛlɔminamɔɔlu minu yi lanande le ko bɛ lɔ.

Tite 1:8

Kɛɛ fɔ a yi kɛ jetii ɲuma le le, ani koɲuma ladiyaɲɛba, ani hangilima, ani telenmande, ani mɔɔ sɛnɛyanin, ani jɛlɛlɔminamɔɔ.

Tite 2:3

Wo boloɲa kelen ma, i y'a fɔ mosokɔlɔbalu yɛ ko ai yi Ala buɲa ai kokɛɲalu lɔ. Ai kà kɛ tɔɔtiɲalikɛba le. Ai do kà gbɛ buba min ka kɛ gbɛ ya jɔn ne. Mafɔ, ai yi mɔɔlu kalan koɲuma la,

Janguba 2:6

Kɛɛ àilu koni yi fandannilu lafeyala! Jenelu y'ai fanga siila ài kɔkan, k'ài masama kititɛɛbalu ɲakɔlɔ, ni nafolotiilu tɛ?

2 Piyɛli 2:14

Waate bɛ, ai ɲa yi bɔla mosolu la jalonya boloma. Ai tɛ wasala julumbu tako lɔ. Ai yi sɔɔ lasiila mɔɔlu ɲa minu sawatinin tɛ limaniya lɔ. Ai josokun lafanin natabaya le le. Daantɔ le ai le.

2 Piyɛli 2:19

Ai yi lafɛlɛ lahedi tala mɔɔ wolu yɛ, k'a talan ailu gbu taanin kɛla jɔn ne le ka bɛn aiya kolɔtiɲalu ma. Kamasɔlɔn ni ko ko si ka se mɔɔ la, wo tii vɛ kɛ ko wo ya jɔn ne.

2 Piyɛli 3:3

Ài y'a lɔn kunfɔlɔ le ko dunuɲa laban waate, lafeyalikɛbalu wulitɔ aiya lafeyalikannu le, ai vɛ bilala ai jɛlɛkanu niikanuko yonnu kɔ.

Jude 1:16

Faɲafɔ kalanmɔɔ wolu yi kunnɔkumafɔbalu le le, ani wasabali, minu bilanin ai jɛlɛkanu niikanuko yonnu kɔ. Ai do y'ai wasola kuma babalu le le, ka mɔɔlu matɔɔ fuun nafa sɔlɔnko lɔ.

Jude 1:18

Ai do k'a fɔ ài yɛ, ai vɛɛ: «Dunuɲa laban waate, lafeyalikɛbalu wulitɔ, k'ai bila ai niikanuko yonnu kɔ Alaɲasiyanɲɛbaliya boloma.»

Ko Lankɛnɛmayanin 13:15

Ado see ka di a ma ko a yi nunakili di soofali kunfɔlɔ sawula ma, fɔsa wo yi kɛ kumala, ani ka mɔɔlu faa minu ma diɲa soofali sawula batoko ma.

Ko Lankɛnɛmayanin 13:17

Ka bɛn wo ma, mɔɔ tɛɛ tɛ se sanni kɛla niwotɛ ka feleli kɛ, ni tɔɔmase wo tɛ wo tii ma, tɔɔmase min yi soofali tɔɔ le jiyala, niwotɛ kɔndɛ jate min bɛnnin a tɔɔ ma.

Ko Lankɛnɛmayanin 16:6

Kamasɔlɔn mɔɔ minu na iya mumininnu ni kelalu jeli bɔnna, i vɛ ai lamin jeli le iwo a bɛnnin ai ma teme.»

Ko Lankɛnɛmayanin 17:6

Ǹ k'a ye ko moso wo tɛɛ vɛ mumininnu jeli min, ani Isa ya selelu jeli, haan fɔɔ jeli k'a mina. Ǹ ka moso wo ye mingɛ, ǹ ka kawakoya bubale.