2 Timote 3:2 - Ala Ya Salatikan Kula Kitabu

² Kamasɔlɔn mɔɔlu kɛtɔ gbalala ai jɛlɛkanu kunko le le dein, ka kɛ nataba le wɔliko lɔ, ani wasokɛba, ani mɔɔ kafanin, ani jɛvɛlikɛba, ani kolobali ai wolobalu kanma, ani koɲumalɔnbali, ani Alabuɲabali,

2 Timote 3:2 ပူးပေါင်းရင်းမြစ်များ

Matiyu 15:6

Ko a v'a fɔla ten, a mako tɛ butu a fa buɲako la. Wo ma yi ne, àilu vɛ Ala kumakan to je ka bɛn àiya laana ma.

Luka 12:15

Wo fɔ Isa bolo, a k'a fɔ jama yɛ, a vɛɛ: «Ài y'ài jando ài jɛlɛ lɔ ka bɛn natabaya suu bɛ ma, kamasɔlɔn mɔɔ ya niimaya tɛ bɔla aa nafolo wala jate lɔ.»

Luka 16:14

Falisilu, wɔli diyanin tɛɛ minu yɛ, wolu ka wo bɛ mɛn mingɛ, ai ka jɛlɛbɔ Isa lɔ.

Luka 6:35

Àilu koni, fɔ ài y'ài juulu kanu ka kokein kɛ ai yɛ. Ài yi julu la k'ài jii bɔ a salako kɔ. Wo vɛ kɛla, ài kɛtɔ balayi ba sɔlɔnna ka kɛ Masa Taala dennu le. Kamasɔlɔn ale le yi kokein kɛla mɔɔ bɛ yɛ, hali koɲumalɔnbalilu ni mɔɔ yonnu.

Kɛkolu 5:36

Kamasɔlɔn waate timinnin, Tedasi k'i wuli, min tɛɛ a jɛlɛ kɛla mɔɔba le, ado kɛ́ mɔɔ kɛmɛ naani (400) jate ka bila a kɔ. Kɛɛ ai ka a faa mingɛ, aa mɔɔlu bɛ ka jɛzɛn a ma, aa ko do ka ban.

Lɔmukalu 11:18

Wo le y'a ma, i kà fannɔbaya kɛ dɔ zaituna bolo tɛɛninnu la. Niwotɛ, i y'a lɔn ko zaituna lilen bolomalanin tɛ ile ma, mafɔ ile le bolomalanin a ma.

2 Kolɛntikalu 5:15

A do sanin bɛ le ya ko lɔ, fɔsa mɔɔ minu y'ai nii la, wolu kana ai jɛlɛkanu siya lataama butu, mafɔ Masa Tɔɔmasenin ya siya, ale min sanin aiya ko lɔ k'a wuli kɔtunun.

Filipikalu 2:21

Dɔ wolu gbalanin ai jɛlɛkanu nafakolu le le. Ai gbalanin tɛ Masa Tɔɔmasenin Isa ya kolu le.

Kɔlɔsikalu 3:5

Wo ma, àiya dunuɲa dajoo kɔlɔlu minu y'ài lɔsunna koyonkɛ kanma, ài yi wolu lɔsa: kanukɛko, kokɔsɔninnu, niikanuko, miliya yon, ani natabaya (min taanin kɛla joo batoko suu dɔ le).

2 Tɛsalonikakalu 2:4

Mɔɔlu y'a fɔla fen fen si ma ko ai tii, ani ai yi fen fen si batola, kɛ́ wo kɛtɔ a wulila wolu bɛ le kanma, haan fɔɔ ka taa don Ala ya lɔhɔlɔmabonba gbu kɔnɔ, k'i sii je k'a fɔ a jɛlɛ ma ko Ala.

1 Timote 1:20

iwo Himene ni Alɛzandele kɛnin teme, ǹ na minu labilala Soitana yɛ, fɔsa ai yi falan kuma yon fɔla Ala ma.

1 Timote 1:9

Mɔ v'a ɲaye kɔtunun ko seliya la ma jii telenmandelu ya ko lɔ, mafɔ seliya tiɲabalu, ani mɔɔ mulutunilu, ani Alaɲasiyanɲɛbalilu, ani julumbutɔlu, ani Alabuɲabalilu, ani mɔɔ minu yi Ala jɛvɛla, ani mɔɔfaabalu, ani mɔɔ minu y'ai fanu ni ai banu faala,

1 Timote 3:3

A do kà kɛ gbɛtɔ le, niwotɛ mɔɔ faiyanin, mafɔ mɔɔ sɔniyanin. A kà kɛ sɔsɔyalikɛba le, niwotɛ wɔliko nata yi mɔɔ min na.

1 Timote 6:10

Kamasɔlɔn koyon suu siyama jusiinin wɔliko nata le kɔkan. Ka bɛn nafolo lɔɔ ma, mɔɔ dɔlu vɛ limaniya siya bila k'ai josokun tɔlɔya ko siyama le.

1 Timote 6:4

wo vɛ kɛla, wo tii v'a fannɔbuɲa, a do ma foi lɔn. Wo ma, sɔsɔyali diyayine a yɛ, ani sɔɔnsɔɔn ka bɛn kumalu kɔlɔ ma. Ko minu yi nala keleya ni falanɲɔɔya le, ani tɔɔtiɲali, ani miliya yon,

2 Timote 3:4

ani janvande, ani kolakɔlɔsibali, ani mɔɔ fannɔba. Ai jɛlɛ diyabɔkolu le kɛtɔ diyala ai yɛ ka timin Ala ya kolu la.

Janguba 2:8

Ni ài ka Ala ya masaya seliya latelen iwo a sɛvɛnin kitabu kɔnɔ teme, ko: «I siiɲɔɔ kanu iwo ile gbu,» wo vɛ kɛla, ài gbu v'a kɛ kobɛn.

Janguba 4:16

Kɛɛ tandainɔ yi ne, ài y'ài wasola ka bɛn àiya fannɔbaya le ma. Waso suu wolu bɛ kɛwonyayine.

Janguba 4:6

Wo bɛ n'a kɛ, Ala yi nɛɛma min dila mɔ ma, wo buɲayine. Wo le y'a ma, a sɛvɛnin kitabu kɔnɔ, ko: «Ala yi mɔɔ fannɔbalu le kɛlɛla, kɛɛ a aa nɛɛma dila mɔɔ fanmajiininnu le ma.»

1 Piyɛli 5:5

Wo boloɲa kelen ma, àilu fɔningelu y'ài fanmajii kɛmɔbalu yɛ. Ài bɛ i ɲɔɔ madɛmɛn fanmajii boloma, kamasɔlɔn a sɛvɛnin kitabu kɔnɔ, ko: «Ala yi mɔɔ fannɔbalu le kɛlɛla, kɛɛ a yi nɛɛma le dila mɔɔ fanmajiininnu ma.»

2 Piyɛli 2:10

Wo kolatɔn kɛtɔ lala mɔɔ minu kɔkan bɛlɛbɛlɛ kɛ, wolu le yi bɔlila ai niikanuko kɔsɔninnu kɔ, ani ka kuntiiya lagbeyaɲɛ. Faɲafɔ kalanmɔɔ wolu wakaliyine k'ai kafa. Ai do tɛ siyanna nii nɔɔlɔnilu lafeyako lɔ minu yi haijɛnɛ.

2 Piyɛli 2:12

Faɲafɔ kalanmɔɔ wolu koni, ai yi kuma yonnu fɔla ka bɛn kolu ma ai ma minu ɲaye. Ai do kɛyine iwo tuukɔlɔsoo hangilindannu, minu ladannin ai minako ni ai faako kanma. Ai do halakitɔle iwo tuukɔlɔsoo wolu.

2 Piyɛli 2:18

Ai y'ai wasola kuma kundannu le, fɔsa mɔɔ minu yi kisi boloma ka bɔ mɔɔ filininnu tɛma, ai yi wolu manɛɛ ka bɛn falikolo niikanukolu ma.

2 Piyɛli 2:3

Kalanmɔɔ wolu kɛtɔ ài tɔɲɔla natabaya boloma aiya faɲafɔ kumalu le. Kɛɛ ka ta waate jaan ma, aiya kiti vɛ ban tɛɛla, ado ai halaki waate kunnɔjaannin tɛ butu.

Jude 1:16

Faɲafɔ kalanmɔɔ wolu yi kunnɔkumafɔbalu le le, ani wasabali, minu bilanin ai jɛlɛkanu niikanuko yonnu kɔ. Ai do y'ai wasola kuma babalu le le, ka mɔɔlu matɔɔ fuun nafa sɔlɔnko lɔ.

Ko Lankɛnɛmayanin 13:1

Wo kɔ, ǹ ka soofali dɔ bɔtɔ ye kɔɔji kɔlɔ, kun wolowulan ni kele tan tɛɛ min ma. Masayafula tan ne tɛɛ a kele tan wo bɛ la, ado Ala lafeya tɔɔlu sɛvɛnin tɛɛ a kun wolu ma.

Ko Lankɛnɛmayanin 16:11

ka haijɛnɛ Tii Ala lafeya ka bɛn aiya dimin ma, ani daa minu tɛɛ ai ma. Kɛɛ ai do m'ai dajoo mafalin, k'ai falan ai kɛkolu la feu.

Ko Lankɛnɛmayanin 16:21

Sanmabɛlɛni babalu vɛ benbenna mɔɔlu kɔkan, minu gbiliya tɛɛ kilo binaani (40) jate le. Mɔɔlu do ka Ala lafeya ka bɛn jangata wo ma min kɛnin sanmabɛlɛnilu le, kamasɔlɔn wo tɔlɔya kɛwonyayine tɛɛ bubale.

Ko Lankɛnɛmayanin 16:9

Ai do ma ka bula wuyen ba bolo, wo bɛ n'a kɛ, ai tɛɛ Ala tɔɔ lafeyala, see yi ale min yɛ jangata wolu kunna. Ai do m'ai dajoo mafalin ka magbiliyali di a ma.