2 Timote 3:13 - Ala Ya Salatikan Kula Kitabu

¹³ Kɛɛ mɔɔ yonnu ni wunafalilu koni, a dɔ kɛtɔ tola lala aiya koyon ne kɔkan kudein, ai vɛ dɔlu lafilila iwo ailu gbu lafilinin teme.

2 Timote 3:13 ပူးပေါင်းရင်းမြစ်များ

2 Kolɛntikalu 6:8

Mɔ magbiliyayine a dɔlu bolo, mɔ do lafeyayine a dɔgbɛlɛlu bolo. A dɔlu yi mɔ mafɔla, a dɔgbɛlɛlu yi mɔ matɔɔla. Ai yi mɔ tala faɲafɔba le le, k'a talan tuɲande le mɔ le.

1 Timote 4:1

Nii Sɛnɛyanin v'a lagbɛ ko dunuɲa laban waate, mɔɔ dɔlu kɛtɔ limaniya siya bilala, ka bila mɔɔlafilibalu kɔ minu yi aiya kalan sɔlɔnna jinalu la.

2 Timote 3:8

Iwo Janɛsi ni Jambɛlɛsi k'ai lɔ Nabi Musa ɲa teme kɔlɔkɔlɔ le, kɛ́ minu lɔnin tuɲandeya kanma ten ne. Ai do hangili magbasiyine k'ai fo limaniya la.

Tite 3:3

Kamasɔlɔn waate lɔ, ǹu gbu tɛɛ hangilindan ne le, ani kolobali, ani mɔɔ filinin, ado mɔ tɛɛ jɔnya le lɔ niikanuko kaijakaijalu bolo ani jɛlɛdiyabɔ. Mɔ do tɛɛ maa dunuɲalɔtɛɛ kɛla kɔnɔlɔgbeya ni ɲangbeya le lɔ. Mɔ gbeyayine tɛɛ dɔlu yɛ, ailu fana gbeyayine tɛɛ mɔ yɛ.

2 Piyɛli 2:20

Ado ni mɔɔ minu k'ai sen bɔ dunuɲa kokɔsɔninnu lɔ ka bɛn mɔ Tii ni mɔ Lakisiba Masa Tɔɔmasenin Isa lɔnko ma, ni ko wolu k'ai mina ka see sɔlɔn ai ma kɔtunun, wo vɛ kɛla, mɔɔ wolu laban kɛwonyatɔle ka timin a kunfɔlɔ ta la.

2 Piyɛli 3:3

Ài y'a lɔn kunfɔlɔ le ko dunuɲa laban waate, lafeyalikɛbalu wulitɔ aiya lafeyalikannu le, ai vɛ bilala ai jɛlɛkanu niikanuko yonnu kɔ.

Ko Lankɛnɛmayanin 12:9

Wo boloɲa ma, ai ka jijala ni aa mɛlɛkalu gbɛn k'ai laben duukolo kɔkan. Ale le taanin kɛla sa kɔlɔkɔlɔ ba le, ai y'a fɔla min ma ko Jebulusa niwotɛ Soitana, dunuɲa muumɛ lafiliba koni.

Ko Lankɛnɛmayanin 13:14

See min ka di a ma ka kawanankolu kɛ soofali kunfɔlɔ ɲakɔlɔ, a ka dunuɲamɔɔlu lafili wo le. A do vɛɛ ai yɛ ko ai yi soofali sawula ladan a batoko lɔ, min ma ka dimin siyamifan ne, kɛɛ a ka to a nii la.

Ko Lankɛnɛmayanin 18:23

Fitina tɛnala mɛnɛnna i fɛlɔ butu. Kɔɲɛfa ni kɔɲɛmoso kan tɛnala mɛnna i fɛlɔ butu. Kamasɔlɔn iya julalu le tɛɛ ɲamɔɔlu le dunuɲa. Ado i na dunuɲa sibolomalu bɛ lafilila iya subaya le le.