2 Timote 3:12 - Ala Ya Salatikan Kula Kitabu

¹² Tuɲa le, a lɔɔ yi mɔɔ minu la ka taama Alaɲasiyanɲɛ boloma Masa Tɔɔmasenin Isa ya kafonɲɔɔya lɔ, wolu bɛ kɛtɔ jangata le masɔlɔnna.

2 Timote 3:12 ပူးပေါင်းရင်းမြစ်များ

Matiyu 16:24

Wo kɔ, Isa k'a fɔ a kɔbiladennu yɛ, a vɛɛ: «Ni mɔɔ min y'a fɛ ka bila ǹ kɔ, fɔ wo tii i ban a jɛlɛ lɔ, ka a gbaankɔlɔman ta ka bila ǹ kɔ.

Matiyu 23:34

Wo le y'a kɛla, ǹ'i kelalu lataala ài ma, ani hangilimalu, ani seliya kalanmɔɔlu. Ài kɛtɔ a dɔlu gbaanna kɔlɔman ma k'ai faa, k'a dɔlu gbasi gbusan na àiya Aladalibonnu la, ani k'ai jangata so ni solu la.

Malɛkɛ 10:30

wo tii kɛtɔ wolu ɲɔɔzii kɛmɛ (100) le sɔlɔnna dunuɲa min nɔ. A kɛtɔ bonnu sɔlɔnna, ani badenmalu, ani wolobalu, ani dennu, ani sɛnɛlu, ani jangatalu fana. Dunuɲa natɔ lɔ, a kɛtɔ niimaya banbali sɔlɔnna.

Yohana 16:2

Ai kɛtɔ ài gbɛnna k'ài labɔ Aladalibonnu la. Ado lon dɔ sentɔ, ài faabalu kɛtɔ ai milila ko ai yi Ala ya baale le la wo le.

Yohana 16:33

Ǹ na ko minu fɔla ài yɛ, fɔsa ài yi josolajii sɔlɔn ǹa kafonɲɔɔya lɔ. Ài kɛtɔ gbalo siyama masɔlɔnna dunuɲa, kɛɛ ài josola yi gbeleya. M̀'ɛ see sɔlɔn dunuɲa ma.»

Yohana 17:14

M̀'ɛ i kumakan lase ai ma, ado dunuɲa vɛ ai lagbeyaɲɛ, kamasɔlɔn ai tɛ dunuɲa ta le iwo ǹe gbu tɛ dunuɲa ta le teme.

Kɛkolu 14:22

Ai tɛɛ Isa kɔbiladennu sɛmɛdonna so wolu la, k'ai kawani ko ai y'ai lɔja ka to limaniya siya kɔkan kudein, ai vɛɛ: «Jani m'i don Ala ya masaya lɔ, fɔ m'i tɔlɔya siyama masɔlɔn bene.»

1 Kolɛntikalu 15:19

Ni mɔ jei siinin ka kɛ Masa Tɔɔmasenin na maa dunuɲalɔtɛɛ lɔ dein, wo vɛ kɛla, m'i mɔɔ bɛ lɔ maɲumanintɔ le le.

2 Kolɛntikalu 1:12

Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ.

2 Kolɛntikalu 4:9

Ai yi mɔ jangatala, kɛɛ Ala ma mɔ labila. Ai yi mɔ gbasila ka mɔ laben, kɛɛ mɔ ma halaki.

1 Timote 2:2

Ài m'i Ala dali masakɛlu ni jamana ɲamɔɔlu bɛ yɛ, fɔsa m'i maa dunuɲalɔtɛɛ kɛ josolajii ni hɛlɛ lɔ, Alaɲasiyanɲɛ ni mɔɔsɔvɛya lɔ.

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

1 Timote 6:3

Ni mɔɔ mɔɔ ka na kalan gbɛlɛ le, min ni mɔ Tii Masa Tɔɔmasenin Isa ya kuma sɔvɛlu tɛ kelen ne, niwotɛ min bɛnnin tɛ Alaɲasiyanɲɛ ma,

Tite 1:1

Ǹe Pɔli le yi lɛtɛlɛ min sɛvɛla, ǹe min yi Ala ya bɔiden ne ani Masa Tɔɔmasenin Isa ya keladen. Ǹ tayine ka ǹ kelaya ko ǹ'i Ala ya mɔɔ taninnu madɛmɛn aiya limaniya lɔ, k'ai lalɔnni tuɲa la min y'ai taamaɲa bɛn Ala ɲakɔlɔ,

Tite 2:12

Nɛɛma wo yi mɔ kalanna le ko, m'i Alabuɲabaliya to je, k'i ban dunuɲa niikanukolu lɔ, fɔsa m'i taama jɛlɛlɔmina ni telenmandeya ani Alaɲasiyanɲɛ boloma dunuɲalɔtɛɛ min nɔ,

1 Piyɛli 3:14

Kɛɛ hali ni ài ka tɔlɔya masɔlɔn ka bɛn telenmandeya ma, ài kɛtɔ duwawuden ne le wo lɔ. Ài kà siyan mɔɔlu ɲa, ài do hangili kà ɲaami.

2 Piyɛli 3:11

Komi fen wolu bɛ kɛtɔ halakila ten ne, ài ka kan ka kɛ mɔɔ suu mindɛ le wo lɔ? Fɔ ài yi kɛ taamana sɛnɛyali ni Alaɲasiyanɲɛ bolo le ma,

Ko Lankɛnɛmayanin 12:4

Jijala ka sanma lolonilu lɔtala sawana lɔsii sama a koo le, k'ai laben duukolo kɔkan. Jijala wo k'i lɔ moso tintɔ ɲafɛ, fɔsa wo vɛ moila, a yi wo den dɔn.

Ko Lankɛnɛmayanin 7:14

Ǹ k'a javi, ǹ ko: «Ǹ fa, ile le ka wo lɔn.» A do vɛɛ ǹ yɛ wo lɔ: «Mɔɔ minu bɔnin jangata ba kɔlɔ, wolu le ne. Ai vɛ aiya pipɔlu ko k'ai gbɛ Saa Bolan jeli le.