2 Timote 2:24 - Ala Ya Salatikan Kula Kitabu

²⁴ Mɔ Tii ya bɔiden ma kan ka kɛ sɔsɔyalikɛba le, mafɔ a yi kɛ ɲumayande le le mɔɔ bɛ ma, min yi se ka mɔɔlu kalan k'aiya kolu kun a lɔ sawali boloma,

2 Timote 2:24 ပူးပေါင်းရင်းမြစ်များ

Matiyu 12:19

A tɛnala sɔsɔyali kɛla, a do tɛnala a kan labɔla. Mɔɔlu tɛnala a gbanɔkan mɛnna siya kɔkan.

Yohana 6:52

Wo fɔ Isa bolo, Jahudiya kuntiilu v'i ɲɔɔ sɔsɔla, ai vɛɛ: «Kɛ́ min yi se a falikolo dila mɔ ma di vɛ ko m'a dɔn?»

Kɛkolu 15:2

Wo lɔ, sɔsɔyali ba ka don kalanmɔɔ wolu ani Pɔli ni Baanabasi wotɛ. Wo le k'a kɛ, limaniyajama ka Pɔli ni Baanabasi ta, ani ai lɔ mɔɔ dɔlu, k'ai bɛ lataa Jelusalɛmu fɔsa ai yi ko min lase keladennu ni ɲamɔɔlu ma.

Kɛkolu 23:9

Wo ka kɛ sɔɔnsɔɔn ba le. Seliya kalanmɔɔ minu tɛɛ Falisilu tɛma, wo dɔlu v'i wulila ka sɔsɔyali kɛ kosɛvɛ, ai vɛɛ: «Mɔ ma koyon foi ye kɛ́ min na. Tumadɔ nii niwotɛ mɛlɛka dɔ le na kumala a fɛ.»

Kɛkolu 7:26

Wo kɛnɛbɔlon, Musa ka Bani Isilanka kɛ́ fila bilanin ye i ɲɔɔ na. A do k'i lɔja k'ai wotɛbɛn, a vɛɛ: ‹Badenma le ài le, mindɛ kɛnin ài yi koyon kɛla i ɲɔɔ na tan?›

2 Kolɛntikalu 10:1

Ǹe Pɔli y'ài madiyala ka bɛn Masa Tɔɔmasenin ya sɔniyali ma, ani aa ɲumaya, hali ài dɔlu ka kɛ a fɔla ko ǹ'i mɔɔ fanmajiinin ne le m̀'ɛ kɛla ài tɛma, ani ko ǹ kɛnin mɔɔ faiyanin ne le ni ǹ tɛ ài tɛma.

2 Kolɛntikalu 10:4

Kamasɔlɔn maa kɛlɛkɛfennu tɛ dunuɲa ta ɲɔɔzii le, mafɔ Ala ya kɛlɛkɛfen fangamalu, see yi minu yɛ ka kɛlɛkunkɔlɔbɛn jiinnu laben,

2 Kolɛntikalu 6:4

Ǹu koni y'a jiyala ko bɛ lɔ ko Ala ya bɔiden ne mɔ le. Tɔlɔya kunyine mɔ lɔ, ani gbɛlɛgbɛlɛ ni masuwakolu.

Galatiyakalu 5:22

Kɛɛ Nii Sɛnɛyanin y'a den minu kɛla mɔɔ josokun nɔ, wolu le ne: kanundeya, josoladiya, josolajii, sawali, henandeya, ɲumaya, lanandeya,

Ɛfɛsikalu 4:2

Ko bɛ lɔ, ài y'ài fanmajii, k'ài sɔniya, ani k'ài sawali. Àiya kolu yi kun i ɲɔɔ nɔ kanundeya boloma.

Filipikalu 2:14

Ài vɛ ko ko si kɛla, ài kà a kɛ dakɔlɔkuma le niwotɛ sɔsɔyali,

Filipikalu 2:3

Ài kà ko ko si kɛ jɛlɛlafisaya boloma niwotɛ fannɔbaya, mafɔ ài y'ài fanmajii ka dɔlu ta iwo ai fisayanin vɛ ài le.

Kɔlɔsikalu 3:13

Ài do sɔn yi kun i ɲɔɔ nɔ, k'i ɲɔɔ makoto. Ni a dɔ ka hakɛ ta a dɔ la, ài ɲɔɔ makoto iwo mɔ Tii n'ài makotola teme.

1 Tɛsalonikakalu 2:7

Kɛɛ do, mɔ sɔniyanin tɛɛ ài tɛma, iwo dematii y'a jandola a dennu lɔ teme.

1 Timote 6:11

Ile Ala ya mɔɔ koni, i i jɛlɛ matanga ko wolu ma, ka bɔli telenmandeya kɔ, ani Alaɲasiyanɲɛ, ani limaniya, ani kanundeya, ani sawali, ani sɔniyali.

Tite 1:1

Ǹe Pɔli le yi lɛtɛlɛ min sɛvɛla, ǹe min yi Ala ya bɔiden ne ani Masa Tɔɔmasenin Isa ya keladen. Ǹ tayine ka ǹ kelaya ko ǹ'i Ala ya mɔɔ taninnu madɛmɛn aiya limaniya lɔ, k'ai lalɔnni tuɲa la min y'ai taamaɲa bɛn Ala ɲakɔlɔ,

Tite 1:7

Komi Ala ya baale kalifanin a la, wo lɔ, fɔ limaniyajama kunmafɛlɛnba yi kɛ jalakibali le. A kà kɛ mɔɔ kafanin ne, niwotɛ josobatii, niwotɛ gbɛtɔ, niwotɛ mɔɔ faiyanin, niwotɛ nataba.

Tite 1:9

A a bolo kɛ lanaya kuma la kpekpe iwo a kalannin a la teme, fɔsa a yi se mɔɔlu sɛmɛdonna kalan bɛlɛ la teme, ani ka mɔɔlu jobaliya minu y'a sɔsɔla.

Tite 3:2

Ai do kà koyon fɔ mɔɔ suu suu ma, mafɔ ai yi kɛ mɔɔ josolajiininnu le, ani mɔɔ sɔniyaninnu, ka duuma fan ta bɛ yɛ.

Janguba 1:1

Ǹe Janguba min yi Ala ni mɔ Tii Masa Tɔɔmasenin Isa ya jɔn ne, ǹ'i sɛvɛli min lataala Bani Isilanka kabila tan ni fila (12) le ma, minu jɛzɛnnin dunuɲa fan bɛ lɔ. Ǹ'ài fola.

Janguba 3:17

Kɛɛ hangilimaya min yi bɔla haijɛnɛ, wo yi nala sɛnɛyali le le kunfɔlɔ le, ka josolajii tuun wo la, ani sɔniyali ni nɔya. Henandeya y'a lɔ, a do kɛkolu ɲumayanin kosɛvɛ. A do tɛ lafisayali ni filangafoya kɛla.

Janguba 4:2

Fen dɔ lɔɔ y'ài la min tɛ ài bolo. Wo le ài lɔla mɔɔ faala. Ài nata lanin fen dɔ kɔkan, ài do tɛ se min sɔlɔnna. Wo le ài lɔla i ɲɔɔ sɔsɔla k'i ɲɔɔ kɛlɛ. Ài yi min kɔ, wo tɛ ài bolo, kamasɔlɔn ài tɛ a dalila Ala la.

1 Piyɛli 3:8

Ka ǹa kuma laban: Ài yi kɛ miliya kelen nɔ, ài yi kɛ i ɲɔɔ fɛ ko bɛ lɔ, ài ɲɔɔ kanu iwo badenmalu, ài ɲɔɔ maɲumaye, ani ài y'ài fanmajii i ɲɔɔ yɛ.

Jude 1:3

Ǹ diyananmɔɔlu, hali a lɔɔ tɛɛ ǹ na bubale ǹ'i min sɛvɛ ài ma ka bɛn mɔ dɛɛn ma kisiko kelen na, kɛɛ m̀'ɛ a ye fɔ ǹ'a sɛvɛ ka bɛn ài sɛmɛdonko ma kɛlɛ ma limaniya makalanko lɔ, Ala na min dila mumininnu ma siɲa kelen ne haan fɔɔ habadan.