2 Timote 2:22 - Ala Ya Salatikan Kula Kitabu

²² I i jɛlɛ matanga kavelenya niikanukolu ma, k'i lɔja telenmandeya lataamanko lɔ, ani limaniya, ani kanundeya, ani josolajii, ka la mɔɔlu kɔkan minu yi mɔ Tii tɔɔ kilila josolɔgbɛya boloma.

2 Timote 2:22 ပူးပေါင်းရင်းမြစ်များ

Kɛkolu 7:59

Ai tɛɛ Etiyɛn mabonna kawakulunnu la waate min nɔ, a ka madaili kɛ, a vɛɛ: «Ǹ Tii Isa, i bolo sii ǹ nii kɔlɔ!»

Kɛkolu 9:14

Salakalase kuntiibalu na seetiiya le dila a ma ka na Damase, fɔsa a yi mɔɔ wolu bɛ mina minu yi madaili kɛla i tɔɔ lɔ.»

Lɔmukalu 14:17

Kamasɔlɔn Ala ya masaya tɛ dɔnni ni minni ko le, mafɔ telenmandeya ani josolajii ani josoladiya, Nii Sɛnɛyanin yi minu dila.

Lɔmukalu 14:19

Wo le y'a ma, ko minu yi nala josolajii ni ɲɔɔ lasawati le, ài m'i wolu le ɲinin.

1 Kolɛntikalu 1:10

M̀ badenmalu, ǹ'ài madiyala mɔ Tii Masa Tɔɔmasenin Isa tɔɔ lɔ, ǹ ko, ài yi bɛn a lɔ, fɔsa falanɲɔɔya kana don ài tɛma, mafɔ ài yi kɛ kelen ne ài miliya ni àiya kolatɛɛnin bɛ lɔ.

1 Kolɛntikalu 1:2

M'a lataala Ala ya limaniyajama le ma Kolɛnti so kɔnɔ, àilu minu bilanin ài ta fan Masa Tɔɔmasenin Isa bolo ani k'ài kili k'ài kɛ mumininnu le, ani mɔɔ minu bɛ yi Masa Tɔɔmasenin Isa tɔɔ kilila fan bɛ lɔ, ale min yi ǹu ni ailu Tii le.

1 Kolɛntikalu 10:14

Wo le y'a ma, ǹ diyananmɔɔlu, ài y'ài mataa joosɔko la feu.

1 Kolɛntikalu 14:1

Ài y'ài sɛmɛdon kanundeya ma, k'ài nii la Nii Sɛnɛyanin ya senkolu kɔkan, kelayakuma lasenko bɛlɛbɛlɛ le.

1 Kolɛntikalu 6:18

Ài yi bɔli kanukɛko ma feu! Ka bɔ kanukɛko kɔ, ni mɔɔ ka hakɛ suu gbɛlɛ ta, wo tɛ a falikolo ya ko le. Kɛɛ kanukɛba yi hakɛ tala ale jɛlɛkanu falikolo le la.

1 Timote 1:14

Mɔ Tii na ǹ sɔla aa nɛɛma sɔ bɛlɛbɛlɛ kɛ, ka limaniya ni kanundeya di m̀ ma minu yi sɔlɔnna Masa Tɔɔmasenin Isa ya kafonɲɔɔya lɔ.

1 Timote 1:5

Maa jamali kun ne kanundeya le min yi bɔla josolɔgbɛnin nɔ, ani jososɛnɛyanin, ani limaniya bɛlɛbɛlɛ.

1 Timote 2:8

Wo lɔ saa, ǹ'a fɛ kɛ́lu yi kɛ Ala dalila dingila bɛ lɔ, k'ai bolo sɛnɛyanin sii Ala yɛ. Mɔnɛya ni sɔsɔyali kà talan ai tɛma.

1 Timote 4:12

I kà diɲa mɔɔ mɔɔ yi jɔ i ma ka bɛn iya fɔningeya ma, mafɔ i yi kɛ misali le limaniyamɔɔlu yɛ i kumaɲa lɔ, ani i kokɛɲa, ani iya kanundeya, ani iya limaniya, ani iya sɛnɛya.

1 Timote 6:11

Ile Ala ya mɔɔ koni, i i jɛlɛ matanga ko wolu ma, ka bɔli telenmandeya kɔ, ani Alaɲasiyanɲɛ, ani limaniya, ani kanundeya, ani sawali, ani sɔniyali.

Hebululu 12:14

Ài y'ài lɔja josolajii yi kɛ àilu ni mɔɔ bɛ wotɛ, ani k'i lɔja ka taama sɛnɛyali boloma, mɔ Tii tɛ se yena min kɔ.

1 Piyɛli 2:11

Ǹ diyananmɔɔlu, komi kɔɔkanmɔɔ ni lona le ài le dunuɲa, wo lɔ, ǹ'a fɔla ài yɛ k'a magbeleya, ài y'ài ban ài falikolo niikanukolu ma minu y'ài nunakili kɛlɛla.

1 Piyɛli 3:11

A a kɔdon koyonkɛko la ka koɲuma kɛ, ka josolajii ɲinin ka to wo kɔ.

3 Yohana 1:11

Ǹ diyananmɔɔ, i k'i bila koyon fɛ, mafɔ koɲuma. Mɔɔ min yi koɲuma kɛla, wo tii yi Ala ta le le. Kɛɛ mɔɔ min yi koyon kɛla, wo tii ma Ala lɔn feu.