2 Timote 2:21 - Ala Ya Salatikan Kula Kitabu

²¹ Ni mɔɔ dɔ k'a jɛlɛ lasɛnɛya ka bɔ kokɔsɔninnu ma, wo tii ma kɛtɔle iwo mulan magbiliyanin min bilanin a ta fan, min nafa y'a Tii yɛ, ani a lɔbɛnnin baale ɲuma suu bɛ dɔ kɛko le lɔ.

2 Timote 2:21 ပူးပေါင်းရင်းမြစ်များ

Kɛkolu 9:15

Kɛɛ mɔ Tii k'a javi, a vɛɛ: «Taa vɛ! Kamasɔlɔn m̀'ɛ kɛ́ wo ta k'a kɛ ǹa bɔiden ne, fɔsa a yi siboloma gbɛlɛlu lalɔnni ǹ tɔɔ la, ani masakɛlu ni Bani Isilankalu.

1 Kolɛntikalu 5:7

Wo le y'a ma, ài yi koyonkɛba wo gbɛn ài tɛma, k'ài jɛlɛ lasɛnɛya fɔsa ài yi kɛ mɔɔ kula le, iwo ǹu Jahudiyalu yi bululafununsɛɛ kɔlɔ labɔla teme maa bonnu la ka dɛɛ kula ladan, sɛɛ tɛ min na. Kamasɔlɔn Masa Tɔɔmasenin min taanin kɛla maa Timinkunna Selilon saa bolan ne, wo vɛ kɛ salaka le.

2 Kolɛntikalu 7:1

Ǹ diyananmɔɔlu, komi lahedi minu tanin mɔ yɛ, wo lɔ, ài m'i mɔ jɛlɛ lasɛnɛya ka bɔ ko bɛ ma minu yi mɔ falikolo ni mɔ josokun lakɔsɔla. Ài m'i lɔja ka maa sɛnɛya dafa Alaɲasiyanɲɛ boloma.

2 Kolɛntikalu 9:8

A see yi Ala yɛ ka nɛɛma suu bɛ dɔ kɛ ài yɛ bɛlɛbɛlɛ kɛ, fɔsa waate bɛ ani ko bɛ lɔ, ài mako la yi ɲia, ani a dɔ yi to lala àiya seetiiya kɔkan koɲuma suu bɛ kɛko lɔ.

Ɛfɛsikalu 2:10

Kamasɔlɔn Ala baalenɔ le mɔ le, a na minu ladanna Masa Tɔɔmasenin Isa sabu la koɲumakɛko lɔ, fɔsa Ala gbu na koɲuma minu lɔbɛnna mɔ yɛ kɔlɔkɔlɔ le, m'i kɛ wolu kɛba le.

1 Timote 6:11

Ile Ala ya mɔɔ koni, i i jɛlɛ matanga ko wolu ma, ka bɔli telenmandeya kɔ, ani Alaɲasiyanɲɛ, ani limaniya, ani kanundeya, ani sawali, ani sɔniyali.

2 Timote 2:16

I i jɛlɛ matanga kuma fuunnu ma, minu ni Ala ya siya bɛnnin tɛ i ɲɔɔ ma, kamasɔlɔn wolu le yi mɔɔlu mataala Ala la.

2 Timote 2:20

Mulan minu yi bon ba kɔnɔ, a bɛ tɛ sanu ni wɔligbɛ le. A dɔlu yi je minu ladannin jili le, ani bɔɔ. A dɔlu yi je magbiliyaliko le kanma, a dɔlu fana yi je kokɔsɔnin ne kanma.

2 Timote 3:17

min y'a kɛ Ala ya mɔɔ yi kɛ mɔɔ dafanin ne, min yi se ka baale ɲuma suu bɛ dɔ kɛ.

2 Timote 4:11

Luka kelenpesa le yi ǹ fɛ butu. I vɛ kɛla nala, i yi na Malɛkɛ le, kamasɔlɔn nafa y'a la bubale ǹa baaleko lɔ.

Tite 3:1

I iya mɔɔlu hangili bila ko ai y'ai fanmajii kuntiilu ni fangatiilu yɛ, k'ai kumakan labato, ani k'ai lɔbɛn koɲumakɛko lɔ waate bɛ.

Tite 3:14

Ado maa mɔɔlu fana ka kan k'ai jɛlɛ dein kobɛlɛkɛko la, fɔsa ai yi se dɔlu bɔla ko gbɛlɛnnu lɔ, ai do kà kɛ mɔɔ fofo le.

Tite 3:8

Kuma min yi tuɲa le le. Ǹ'a fɛ i yi ko minu magbeleya fɔsa Ala malimaniyamɔɔlu y'ai gbaladon koɲumakɛko ma, minu keinyanin, ani nafa yi minu la mɔɔ bɛ yɛ.

1 Piyɛli 1:22

Komi ài vɛ ài jɛlɛ lasɛnɛya ka bɛn tuɲa labatoko ma, fɔsa ài yi se i ɲɔɔ kanula badenmaya ni josolɔgbɛya boloma, wo le y'a ma, ài y'ài ɲɔɔ kanu kosɛvɛ ài josokun bɛ le.

1 Piyɛli 1:7

Ko wolu le yi kɛla sabu le k'a jiya ko limaniya bɛlɛbɛlɛ le y'ài bolo, min kulugbeleyanin sanu le, sanu min yi fen tiɲata le, ani min lɔ yi sumala taa bolo. Wo do nafa kɛtɔ kɛla matɔɔli ni magbiliyali ni buɲali le le ài yɛ Masa Tɔɔmasenin Isa lankɛnɛmaya lon.

1 Yohana 3:3

Ni jeisii wo ka kɛ mɔɔ min bolo, wo tii y'a jɛlɛ lasɛnɛyale iwo Isa sɛnɛyanin teme.