2 Timote 2:19 - Ala Ya Salatikan Kula Kitabu

¹⁹ Wo bɛ n'a kɛ, Ala gbu le na bonjusii min lɔla, wo bamayine kpekpe. Kuma minu le sɛvɛnin bonjusii wo kɔkan, ko: «Mɔ Tii k'a jɛlɛkanu mɔɔlu lɔn.» Ani ko: «Mɔɔ min v'a fɔla ko mɔ Tii ta le a le, fɔ wo tii y'a kɔdon telenbaliyakolu la.»

2 Timote 2:19 ပူးပေါင်းရင်းမြစ်များ

Matiyu 24:24

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ba ni kawanankolu kɛla fɔsa Ala ya mɔɔ taninnu la yi fili, ni wo ka se kɛla.

Matiyu 28:19

Wo lɔ saa, ài yi taa siboloma bɛ kɛ ǹ kɔbiladen ne, k'ai mako ji kɔlɔ Fa Ala, ni a Denkɛ, ani Nii Sɛnɛyanin tɔɔ lɔ,

Matiyu 7:23

Wo lon na, ǹ kɛtɔ a fɔla ai yɛ k'a lagbɛ, ǹ ko: ‹M̀ ma ài lɔn feu! Àilu koyonkɛbalu, ài yi bɔ ǹ ɲakɔlɔ!› »

Matiyu 7:25

San ka na, kɔɔ ka fa, ani fɔɲɛ ka bɔ ka se bon wo ma. Kɛɛ bon ma te, kamasɔlɔn a jusiinin tɛɛ fala le kɔkan.

Malɛkɛ 12:16

Ai ka wɔligbana wo kelen don a bolo mingɛ, a vɛɛ ai yɛ: «Jene sawula ni a tɔɔ yi wɔligbana min kɔkan?» Ai vɛɛ: «Sezale le.»

Malɛkɛ 13:22

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ni kawanankolu kɛla, fɔsa Ala ya mɔɔ taninnu la yi fili, ni wo ka se kɛla.

Luka 13:27

A do kɛtɔ a fɔla ài yɛ kɔtunun, a vɛɛ: ‹Ǹ'a fɔ ài yɛ, m̀ ma ài bɔya lɔn. Àilu koyonkɛbalu, ài y'ài majaanya ǹ na!›

Luka 6:48

A kɛyine iwo bonlɔba min na diɲa ba senna, ka aa bonjusii falakolo kɔkan. Kɔɔ ka fa ka se bon wo ma, kɛɛ bon ma jaajaa, kamasɔlɔn a lɔnin tɛɛ kobɛn.

Yohana 10:14

Ǹe le saakunnasiiba ɲuma le. Ǹ ka ǹa saalu lɔn, ai do ka ǹ lɔn,

Yohana 13:18

«Ǹ kan tɛ ài bɛ ma dɛ! Ǹ na mɔɔ minu tala, ǹ ka wolu lɔn. Kɛɛ min sɛvɛnin kitabu kɔnɔ, fɔ wo ma yi fa, ko: ‹Ǹe ni mɔɔ min na dɔnni kɛla tasa kelen nɔ, wo v'a jɛlɛ kɛ ǹ juu le.›

Yohana 3:33

Ni mɔɔ min do k'a bolo sii aa seleyakan kɔlɔ, wo tii v'a jiya ko Ala le tuɲande le.

Kɛkolu 11:26

A k'a ye mingɛ, a ka na a le Antiyɔsi. Ai ka san kelen kɛ je, ai vɛ ladɛn kɛla limaniyajama fɛ ka mɔɔ siyama kalan. Antiyɔsi sokɔnɔmɔɔlu le k'a fɔ Isa kɔbiladennu ma kunfɔlɔ le ko Keletiyɛnnu.

Kɛkolu 15:17

Wo vɛ kɛla, mɔɔ tɔlu kɛtɔ ǹe ai Tii ɲininna, siboloma gbɛlɛ mɔɔlu koni, ǹ na minu bɛ kilila ǹ tɔɔ lɔ k'ai kɛ ǹ ta le. Ǹe ài Tii le na wo fɔla, ǹe min na ko wo bɛ kɛla,

Kɛkolu 9:14

Salakalase kuntiibalu na seetiiya le dila a ma ka na Damase, fɔsa a yi mɔɔ wolu bɛ mina minu yi madaili kɛla i tɔɔ lɔ.»

Lɔmukalu 11:2

Ala m'i ban aa mɔɔlu lɔ, minu lɔnnin tɛɛ a bolo ka ta a damina ma. Ài m'a lɔn min sɛvɛnin kitabu kɔnɔ ka bɛn Nabi Iliya ma, a k'i makasi Ala yɛ teme Bani Isilankalu kanma?

Lɔmukalu 12:9

Àiya kanundeya yi kɛ josolɔgbɛya boloma. Ài yi koyon lagbeyaɲɛ, k'ài bolo kɛ kokein na kpekpe.

Lɔmukalu 15:20

Masa Tɔɔmasenin tɔɔ ma fɔ dingila minu lɔ, a lɔɔ yi ǹ na waate bɛ ka Samakan Kein lase dingila wolu lɔ, jani ǹ'i bon lɔ mɔɔ gbɛlɛ ya bonjusii kɔkan.

Lɔmukalu 15:9

A na wo kɛla kɔtunun fɔsa siboloma gbɛlɛ mɔɔlu yi Ala tanu ka bɛn aa henandeya ma, iwo a sɛvɛnin kitabu kɔnɔ teme, ko: «Wo le n'a kɛla, ǹ kɛtɔ i tanula siboloma gbɛlɛ mɔɔlu tɛma, ani ka baiti la i tɔɔ buɲako lɔ.»

Lɔmukalu 8:28

Mɔ do k'a lɔn ne ko, ko bɛ la yi banna a ɲuma le ma Ala kanundelu yɛ, minu kilinin ka bɛn aa kolatɛɛnin ma.

Lɔmukalu 9:11

Jani filaninnu tɛɛ sɔlɔn, k'a talan ai tɛɛ ma koɲuma kɛ ba bene, niwotɛ koyon, Ala ka kolu labaale fɔsa aa mɔɔtako jusiinin yi to aa kolatɛɛnin kɔkan. A do jusiinin tɛ mɔɔ kɛkolu kɔkan, mafɔ ale min yi mɔɔlu kilila.

1 Kolɛntikalu 1:2

M'a lataala Ala ya limaniyajama le ma Kolɛnti so kɔnɔ, àilu minu bilanin ài ta fan Masa Tɔɔmasenin Isa bolo ani k'ài kili k'ài kɛ mumininnu le, ani mɔɔ minu bɛ yi Masa Tɔɔmasenin Isa tɔɔ kilila fan bɛ lɔ, ale min yi ǹu ni ailu Tii le.

1 Kolɛntikalu 8:3

Kɛɛ ni mɔɔ mɔɔ ka Ala kanu, Ala ka wo tii lɔn ne.

2 Kolɛntikalu 7:1

Ǹ diyananmɔɔlu, komi lahedi minu tanin mɔ yɛ, wo lɔ, ài m'i mɔ jɛlɛ lasɛnɛya ka bɔ ko bɛ ma minu yi mɔ falikolo ni mɔ josokun lakɔsɔla. Ài m'i lɔja ka maa sɛnɛya dafa Alaɲasiyanɲɛ boloma.

Galatiyakalu 4:9

Ài do vɛ Ala lɔn butu, niwotɛ Ala gbu vɛ ài lɔn aa mɔɔlu le. Mindɛ lɔ ài y'a fɛ k'ài kɔsei dunuɲa niimani fangandan kundannu ma k'ài kɛ wolu ya jɔnnu le kɔtunun?

Ɛfɛsikalu 2:20

Ala k'ài lɔ k'ài kɛ bon ne min jusiinin keladennu ni kelalu kɔkan, ado Masa Tɔɔmasenin Isa gbu le yi bon wo tungun kawakulun ne.

Ɛfɛsikalu 3:15

kabila bɛ tɔɔ lanin min bolo haijɛnɛ ni duukolo kɔkan.

Ɛfɛsikalu 4:30

Ài kà Ala Nii Sɛnɛyanin josomakasi, ale min yi tɔɔmase le ài ma ka bɛn ài kunmaka lon ma.

1 Timote 3:15

ni ko ka m̀ matamala, i y'a lɔn Ala ya bon dongolu ka kan ka taama teme, minu kɛnin Ɲɛnɛmayatii Ala ya limaniyajama le, tuɲa jusiinin min kɔkan k'a bama.

1 Timote 6:19

Wo boloɲa ma, ai kɛtɔ nafolo ladalola ai jɛlɛ yɛ, ai yi se k'ai bolomala min ma sinin, fɔsa ai bolo yi kɛ niimaya bɛlɛbɛlɛ la.

Hebululu 11:10

Kamasɔlɔn Ibulahima tɛɛ so dɔ le makɔnɔna, min jusiinin kobɛn, Ala gbu na min jatesiila, ani k'a lɔ.

2 Piyɛli 3:14

Wo lɔ saa, ǹ diyananmɔɔlu, ài vɛ kɛla ko wolu makɔnɔna, ài y'ài lɔja, wo y'ài talan josolajii ni sɛnɛya ni jalakibaliya lɔ.

1 Yohana 2:19

Mɔɔ wolu bɔnin mɔ tɛma le, kɛɛ ai fɛ tɛɛ tɛ mɔ la, kamasɔlɔn ni ai tɛɛ kɛ mɔ dɔ le, ai tɛɛ tole mɔ fɛ. Kɛɛ komi ai vɛ bɔ mɔ fɛ, wo v'a lagbɛ ko ai suu suu fɛ tɛɛ tɛ mɔ la.

Ko Lankɛnɛmayanin 17:8

I na soofali min yena, wo tɛɛ a nii la kɔlɔman ne, kɛɛ a tɛ a nii la butu, a do yi jɛlɛ bolo le ma ka bɔ diɲa gboon lɔjaannin nɔ, ka taa a halakiya lɔ. Dunuɲamɔɔ minu tɔɔ ma sɛvɛ niimaya kitabu kɔnɔ ka ta dunuɲa dan waate ma, wolu kɛtɔ soofali yena ka kawakoya aa ko lɔ, kamasɔlɔn a tɛɛ a nii la kɔlɔman ne, a do tɛ a nii la butu, kɛɛ a kɛtɔ nala kɔtunun.

Ko Lankɛnɛmayanin 2:13

« ‹Ǹ k'a lɔn ko i siinin tɛɛminja, Soitana ya masayasiifen yi woja le. Wo bɛ n'a kɛ, i bolo kɛnin ǹ tɔɔ la kpekpe. Hali ai na ǹa sele lanande Andipasi faala waate min nɔ ài fɛlɔ min taanin kɛla Soitana makɛya le, i m'i ban limaniyala m̀ ma.

Ko Lankɛnɛmayanin 21:14

Jiin min tɛɛ so laminin nɔ, wo lɔnin tɛɛ jiin jusii kawa tan ni fila le kɔkan, Saa Bolan ya keladen mɔɔ tan ni fila tɔɔlu sɛvɛnin tɛɛ minu ma.

Ko Lankɛnɛmayanin 22:4

Ai kɛtɔ a ɲalɔla yena, a do tɔɔ kɛtɔ sɛvɛla ai ten na.

Ko Lankɛnɛmayanin 3:8

« ‹Ǹ k'i kɛkolu lɔn. A ye, m̀'ɛ da lakanin bila i yɛ, mɔɔ foi tɛ se min datuunna. Ǹ k'a lɔn ne ko i fanga walanin tɛ, kɛɛ i do v'i bolo kɛ ǹ kumakan na, i m'i ban ǹ tɔɔ lɔ.