2 Timote 2:16 - Ala Ya Salatikan Kula Kitabu

¹⁶ I i jɛlɛ matanga kuma fuunnu ma, minu ni Ala ya siya bɛnnin tɛ i ɲɔɔ ma, kamasɔlɔn wolu le yi mɔɔlu mataala Ala la.

2 Timote 2:16 ပူးပေါင်းရင်းမြစ်များ

1 Kolɛntikalu 15:33

Ài k'ài jɛlɛ lafili: «Diɲɔɔ yon ne yi sɔn ɲuma tiɲala.»

1 Kolɛntikalu 5:6

Àiya wasoko bɛnnin tɛ. Ài m'a lɔn ko sɛɛ pitinin ne yi buludɛɛ lakunnin bɛ lafununna?

1 Timote 1:9

Mɔ v'a ɲaye kɔtunun ko seliya la ma jii telenmandelu ya ko lɔ, mafɔ seliya tiɲabalu, ani mɔɔ mulutunilu, ani Alaɲasiyanɲɛbalilu, ani julumbutɔlu, ani Alabuɲabalilu, ani mɔɔ minu yi Ala jɛvɛla, ani mɔɔfaabalu, ani mɔɔ minu y'ai fanu ni ai banu faala,

1 Timote 4:7

I fɛ kà kɛ faɲafɔ taliku fɔko la ani tali fuunnu, minu ni Ala ya siya bɛnnin tɛ i ɲɔɔ ma, mafɔ i i jɛlɛ makolo ka bɛn Alaɲasiyanɲɛ ma.

1 Timote 6:20

Ile Timote, ko minu kalifanin i la, i yi wolu ladalo kobɛn. I i jɛlɛ matanga kuma fuunnu ma minu ni Ala ya siya bɛnnin tɛ i ɲɔɔ ma, ani sɔsɔyali kolon, mɔɔ dɔlu y'a fɔla min ma filibandeya boloma ko lɔnni.

2 Timote 2:14

Iya mɔɔlu hangili bila k'a magbeleya Ala ɲakɔlɔ ko ai kà sɔsɔyali kɛ ka bɛn kumalu kɔlɔ ma. Sɔsɔyali wo suulu tɛ foi ɲiala, mafɔ ka fitina lana a lamɛnbalu ma.

2 Timote 2:21

Ni mɔɔ dɔ k'a jɛlɛ lasɛnɛya ka bɔ kokɔsɔninnu ma, wo tii ma kɛtɔle iwo mulan magbiliyanin min bilanin a ta fan, min nafa y'a Tii yɛ, ani a lɔbɛnnin baale ɲuma suu bɛ dɔ kɛko le lɔ.

2 Timote 3:13

Kɛɛ mɔɔ yonnu ni wunafalilu koni, a dɔ kɛtɔ tola lala aiya koyon ne kɔkan kudein, ai vɛ dɔlu lafilila iwo ailu gbu lafilinin teme.

Tite 1:11

Fɔ wolu la yi jeden, kamasɔlɔn ai yi bonkelennamɔɔlu bɛ le kunnɔtɛɛla kelen ne aiya kalan bɛnbali le, fɔsa ai yi tɔnɔ sɔlɔn malobaliya boloma.

Tite 1:14

ka falan ai tolomalɔla Jahudiyalu ya faɲafɔ talikulu la, ani jamali minu dinin mɔɔlu bolo minu vɛ ai kɔdon tuɲa la.

Tite 3:9

Kɛɛ i k'i fɛ bila sɔsɔyali fuunnu la, ani jilijaa ɲafɔkolu, ani ko minu yi mɔɔlu falanna i ɲɔɔ ma, ani kɛlɛkɛkolu ka bɛn Nabi Musa ya seliya ma. Kamasɔlɔn nafa tɛ kofuun wo suu suu la.

Hebululu 12:15

Ài y'ài jando ài jɛlɛ lɔ, fɔsa mɔɔ suu suu kana fo Ala ya nɛɛma la. Lilen yon kà fɛlɛn ài josokun nɔ min yi kɛ sabu le ka fitina lawuli mɔɔlu wotɛ ka mɔɔ siyama lakɔsɔ.

2 Piyɛli 2:18

Ai y'ai wasola kuma kundannu le, fɔsa mɔɔ minu yi kisi boloma ka bɔ mɔɔ filininnu tɛma, ai yi wolu manɛɛ ka bɛn falikolo niikanukolu ma.

2 Piyɛli 2:2

Mɔɔ siyama kɛtɔ bilala wolu fɛ aiya malobaliyakolu lɔ, ado ka bɛn wolu ma, tuɲandeya siya ma yi finne.

Ko Lankɛnɛmayanin 13:14

See min ka di a ma ka kawanankolu kɛ soofali kunfɔlɔ ɲakɔlɔ, a ka dunuɲamɔɔlu lafili wo le. A do vɛɛ ai yɛ ko ai yi soofali sawula ladan a batoko lɔ, min ma ka dimin siyamifan ne, kɛɛ a ka to a nii la.

Ko Lankɛnɛmayanin 13:3

A kun kelen kɛnin tɛɛ iwo a madiminnin vɛ sa boloma, kɛɛ a daa wo ka basi. Wo ma, dunuɲamɔɔ bɛ ka bila soofali wo kɔ kawakoya boloma.