2 Timote 2:14 - Ala Ya Salatikan Kula Kitabu

¹⁴ Iya mɔɔlu hangili bila k'a magbeleya Ala ɲakɔlɔ ko ai kà sɔsɔyali kɛ ka bɛn kumalu kɔlɔ ma. Sɔsɔyali wo suulu tɛ foi ɲiala, mafɔ ka fitina lana a lamɛnbalu ma.

2 Timote 2:14 ပူးပေါင်းရင်းမြစ်များ

Matiyu 16:26

Ni mɔɔ ka dunuɲa bɛ sɔlɔn ka bɔnɔ a nii la, nafa mindɛ le yi wo la? Mɔɔ yi se mindɛ dila k'i nii kunmaka?

Kɛkolu 13:10

k'a fɔ a yɛ, a vɛɛ: «Ile Soitana den, ile min joso lafanin namala ni koyon suu bɛ la, ile kotelennin lɔtiɲaba, i tɛnala i nɔningɛla mɔ Tii ya siya telenninu lɔkulukulula?

Kɛkolu 15:24

Mɔ n'a mɛnna ko mɔɔ dɔlu bɔnin mɔ tɛma ka taa ài ɲagba kuma dɔ le, min n'ài kɔnɔlɔfilila. Ǹu do ma wolu lataa ài ma.

Lɔmukalu 14:1

Mɔɔ min ya limaniya dɔɔyanin ài tɛma, ài y'ài bolo sii wo tii kɔlɔ. Ài do kà sɔsɔyali bila a la ka bɛn koɲayenkolu ma.

Galatiyakalu 1:7

A tɛ k'a fɔ ko Samakan Kein dɔgbɛlɛ le yi je, kɛɛ mɔɔ dɔlu y'ài tɛma minu y'ài hangili ɲaamina k'ai lɔja ka Masa Tɔɔmasenin ya Samakan Kein mafalin.

Ɛfɛsikalu 4:17

Ǹ'i min fɔla yi ne mɔ Tii tɔɔ lɔ k'a magbeleya, ǹ ko, ài kà kɛ taamana butu iwo Alalɔnbalilu y'a kɛla teme ai miliya fuun ne.

1 Tɛsalonikakalu 4:1

Mɔ badenmalu, ka maa kuma laban, mɔ vɛ ban ài kalanna k'a fɔ ko ài ka kan ka taama teme, fɔsa àiya ko yi diya Ala yɛ. Tuɲa le, ài yi wo le la yi ne. Kɛɛ m'ài madiyala mɔ Tii Isa tɔɔ lɔ k'a magbeleya ko ài y'ài lɔja k'a dɔ la wo kɔkan.

2 Tɛsalonikakalu 3:6

Mɔ badenmalu, m'ài jamalila yi ne mɔ Tii Masa Tɔɔmasenin Isa tɔɔ lɔ, k'a fɔ ko ài y'ài mataa mɔ badenma suu wo bɛ la, minu yi aiya dunuɲalɔtɛɛ kɛla baalekɛbaliya lɔ, ka maa laanalu to je, mɔ n'ài kalanna minu la.

1 Timote 1:4

Ai do kà ai jɛlɛ bila faɲafɔ taliku fɔko lɔ, ani jilijaa ɲafɔko le minu tɛ banna. Ko suu wolu le yi nala sɔsɔyali le, ai do tɛ Ala ya baale lataala ɲafɛ min jusiinin limaniya kɔkan.

1 Timote 1:6

Mɔɔ dɔlu vɛ ai kɔdon ko wolu la, k'ai jɛlɛ lafili kuma kundannu le.

1 Timote 4:8

K'i fali makolo, wo yi nala nafa dɔ le le. Kɛɛ Alaɲasiyanɲɛ yi nala nafa le le boloɲa bɛ ma, kamasɔlɔn a yi mɔɔ madɛmɛnna iya dunuɲalɔtɛɛ le lɔ ani ka balayi lase i ma kiyama.

1 Timote 5:21

Ǹ'i jamalila Ala ni Masa Tɔɔmasenin Isa ɲakɔlɔ, ani aa mɛlɛka taninnu, ǹ ko, i yi ko minu latelen. I kà dɔ fisa a dɔ le, i kà mɔɔ lɔtɔmɔn.

1 Timote 6:13

Ǹ'i jamalila Ala ɲakɔlɔ min yi niimaya dila fen bɛ ma, ani Masa Tɔɔmasenin Isa ɲakɔlɔ min na seleya ɲuma dila Ponsi Pilati ɲakɔlɔ:

2 Timote 1:6

Wo le y'a kɛla, ǹ'i hangili bilala k'a fɔ ko i yi Ala ya senko labaale a ɲa gbugbu ma, i na min sɔlɔnna ǹa bololankan sabu la.

2 Timote 2:16

I i jɛlɛ matanga kuma fuunnu ma, minu ni Ala ya siya bɛnnin tɛ i ɲɔɔ ma, kamasɔlɔn wolu le yi mɔɔlu mataala Ala la.

2 Timote 2:23

I yi kolɔnbaliya sɔsɔyali fuunnu to je, kamasɔlɔn i k'a lɔn ne wolu yi nala sɔɔnsɔɔn ne le dein.

2 Timote 4:1

Ka bɛn Masa Tɔɔmasenin lankɛnɛmayako ni aa masaya ma, ǹ'i jamalila Ala ɲakɔlɔ, ani Masa Tɔɔmasenin Isa min kɛtɔ niimalu ni fulenilu bɛ ya kiti tɛɛla, ǹ ko:

Tite 3:1

I iya mɔɔlu hangili bila ko ai y'ai fanmajii kuntiilu ni fangatiilu yɛ, k'ai kumakan labato, ani k'ai lɔbɛn koɲumakɛko lɔ waate bɛ.

Hebululu 13:9

Ài kà diɲa ài la yi fili ka bɛn kalan kaijakaija kulalu ma. A bɛnyine Ala ya nɛɛma y'ài josokun bama, jamali ko tɛ ka bɛn dɔnnifennu ma, minu tɛ ai latelenbalu wunafala tuun.

2 Piyɛli 1:13

Damanda ǹ'i falikolo min nɔ, a bɛnyine ǹ ɲana ǹ'ài hangili bila ko minu lɔ.