2 Timote 2:12 - Ala Ya Salatikan Kula Kitabu

¹² Ni mɔ ka mɔ sawali, mɔ kɛtɔ masaya kɛla a fɛ fana. Ni do mɔ ka mɔ ban a lɔ, ale fana kɛtɔ a banna mɔ lɔ.

2 Timote 2:12 ပူးပေါင်းရင်းမြစ်များ

Matiyu 10:33

Ni do mɔɔ min k'i ban ǹ lɔ mɔɔlu ɲakɔlɔ, ǹe fana kɛtɔ m̀ banna wo tii lɔ ǹ Fa ɲakɔlɔ min yi haijɛnɛ.

Matiyu 26:35

Kɛɛ Piyɛli do vɛɛ a yɛ: «Hali a ka sii saya la, ǹ tɛnala m̀ banna i lɔ feu!» Isa kɔbiladen tɔlu bɛ ka wo ɲɔɔzii fɔ.

Matiyu 26:75

Piyɛli hangili ka bila Isa kumakan nɔ, ko: «Jani donon yi kumun, i kɛtɔ a fɔla siɲa sawa le ko i ma ǹ lɔn.» Wo kɛ, Piyɛli ka bɔ luu ma ka kasi josomakasa boloma.

Malɛkɛ 10:33

«Ài y'ài tolomalɔ! Mɔ jɛlɛtɔle Jelusalɛmu. Ai kɛtɔ Mɔɔnivin Tanin donna salakalase kuntiibalu ni seliya kalanmɔɔlu bolo. Wolu kɛtɔ kiti bilala a la a faako lɔ, ani ka a don siboloma gbɛlɛ mɔɔlu bolo,

Malɛkɛ 8:38

Wo le kɛtɔ a kɛla, ni mɔɔ min vɛ maloyala ǹe ni ǹ kumakannu le bi lanandeyabalilu ni Alalɔnbalilu ɲakɔlɔ, wo vɛ kɛla, Mɔɔnivin Tanin yi maloyale wo tii le, a vɛ nala lon min na a Fa aa magbiliyali lɔ, lɔhɔlɔma mɛlɛkalu v'a fɛ.»

Luka 12:9

Kɛɛ ni mɔɔ min k'i ban ǹ lɔ mɔɔlu ɲakɔlɔ, ǹe fana kɛtɔ m̀ banna wo tii lɔ Ala ya mɛlɛkalu ɲakɔlɔ.

Luka 22:29

Wo lɔ saa, ǹ'i masaya dila ài ma, iwo ǹ Fa na masaya dila m̀ ma teme,

Luka 22:30

fɔsa ài yi dɔnni kɛ ani k'ài min ǹ fɛ ǹa masaya lɔ, ani k'ài sii masayasiifennu lɔ ka Bani Isilankalu ya kabila tan ni fila (12) ya kiti tɛɛ.»

Luka 9:26

Wo le kɛtɔ a kɛla, ni mɔɔ min vɛ maloyala ǹe ni ǹ kumakannu le, Mɔɔnivin Tanin yi maloyale wo tii le, a vɛ nala lon min na aa magbiliyali lɔ, ani a Fa aa magbiliyali, ani lɔhɔlɔma mɛlɛkalu ya magbiliyali.

Kɛkolu 14:22

Ai tɛɛ Isa kɔbiladennu sɛmɛdonna so wolu la, k'ai kawani ko ai y'ai lɔja ka to limaniya siya kɔkan kudein, ai vɛɛ: «Jani m'i don Ala ya masaya lɔ, fɔ m'i tɔlɔya siyama masɔlɔn bene.»

Lɔmukalu 5:17

Ado ni saya fanga na siila bɛ kunna ka bɛn kɛ́ kelen ya julumbu taya kelen ma, a lagbɛyine feu ko mɔɔ minu yi Ala ya nɛɛma ba ni aa telenmandeya sɔli sɔlɔnna, wolu kɛtɔ masaya kɛla niimaya lɔ kɛ́ kelen ne sabu la, min kɛnin Masa Tɔɔmasenin Isa le.

Lɔmukalu 8:17

Komi Ala den ne mɔ le, mɔ kɛtɔ balayi sɔlɔnna iwo a dennu. Kamasɔlɔn Ala yi balayi min ladalola Masa Tɔɔmasenin yɛ, mɔ fɛ kɛtɔ kɛla wo sɔlɔnko la. Kɛɛ fɔ mɔ fɛ yi kɛ aa tɔlɔyalu la bene, jani m'i magbiliyali sɔlɔn a fɛ.

Filipikalu 1:28

Ài kà diɲa ài juulu y'ài masiyan ko foi lɔ. Wo le kɛtɔ kɛla ài juulu halakiko tɔɔmase le, ani àiya kisiko tɔɔmase ka bɔ Ala fɛ.

1 Timote 5:8

Ni mɔɔ min m'i lɔja a balamɔɔlu lasonko ma, ani a jɛlɛkanu demaya bɛlɛbɛlɛ le, wo vɛ kɛla, wo tii ma v'i ban limaniya lɔ, ado mɔɔ suu wo kɛwonyanin vɛ ka timin limaniyabali la.

Jude 1:4

Kamasɔlɔn mɔɔ dɔlu vɛ don ài tɛma doon nɔ, minu ya kolatɔn sɛvɛnin ka ta waate jaan ma. Samakan bɛlɛbɛlɛ ka bɛn mɔ Tii Ala ya nɛɛma ma, Alaɲasiyanɲɛbali wolu yi wo kɔlɔ le majɛlɛmana k'a kɛ malobaliyako dailu le, ani k'ai ban Masa Tɔɔmasenin Isa lɔ, min kelenpesa yi mɔ Kuntii le, ani mɔ Tii.

Ko Lankɛnɛmayanin 1:6

A do vɛ mɔ kɛ aa masaya dongolu le, ani salakalaseba minu yi baalela a Fa Ala yɛ. Magbiliyali ni seetiiya y'a ta le le waate bɛ ani habadan! Amiina!

Ko Lankɛnɛmayanin 1:9

Ǹe ài badenma Yohana min y'ài lankan ne àiya jangatalu lɔ, ani àiya masaya, ani àiya sawali Masa Tɔɔmasenin ya kafonɲɔɔya lɔ, ǹ tɛɛ kaso la Patimɔsi kɔɔtɛmaduu lɔ ka bɛn Ala kumakan ne ma, ani Isa ya seleyakan.

Ko Lankɛnɛmayanin 2:13

« ‹Ǹ k'a lɔn ko i siinin tɛɛminja, Soitana ya masayasiifen yi woja le. Wo bɛ n'a kɛ, i bolo kɛnin ǹ tɔɔ la kpekpe. Hali ai na ǹa sele lanande Andipasi faala waate min nɔ ài fɛlɔ min taanin kɛla Soitana makɛya le, i m'i ban limaniyala m̀ ma.

Ko Lankɛnɛmayanin 20:4

Wo kɔ, ǹ ka masayasiifen dɔlu ye. Mɔɔ minu siinin tɛɛ wolu kɔkan, kititɛɛko see tɛɛ vɛ di wolu ma. Ado mɔɔ minu kun tɛɛ vɛ tɛɛ a la ka bɛn Isa ya seleyakan ni Ala kumakan ma, ǹ ka wolu niilu ye je fana. Wolu tɛɛ ma diɲa soofali ni a sawula batoko ma, kumatɛ k'a tɔɔmase sɔlɔn ai ten na, niwotɛ ai bolo ma. Mɔɔ wolu ka seikɔ niimaya lɔ, ai do ka masaya kɛ Masa Tɔɔmasenin fɛ sanji waa kelen kɔlɔ.

Ko Lankɛnɛmayanin 20:6

Duwawuden ni mɔɔ sɛnɛyanin ne wolu le minu fɛ yi fulenilu lawuliko kunfɔlɔ la. Saya filana tɛnala see sɔlɔnna ai ma butu, ai do kɛtɔ kɛla Ala ni Masa Tɔɔmasenin ya salakalasebalu le le, ka masaya kɛ a fɛ sanji waa kelen kɔlɔ.

Ko Lankɛnɛmayanin 3:10

Komi i vɛ ǹ kumakan labato ka bɛn sawali ma, wo ma, ǹ kɛtɔ i matangala jangata waate ma, min natɔ dunuɲa muumɛ ma dunuɲamɔɔlu lɔsumanko lɔ.

Ko Lankɛnɛmayanin 3:21

Ni mɔɔ min ka see sɔlɔn, ǹ kɛtɔ wo tii lasiila ǹ dafɛ ǹa masayasiifen nɔ, iwo ǹ na see sɔlɔnna teme ka ǹ sii ǹ Fa dafɛ aa masayasiifen nɔ.

Ko Lankɛnɛmayanin 3:8

« ‹Ǹ k'i kɛkolu lɔn. A ye, m̀'ɛ da lakanin bila i yɛ, mɔɔ foi tɛ se min datuunna. Ǹ k'a lɔn ne ko i fanga walanin tɛ, kɛɛ i do v'i bolo kɛ ǹ kumakan na, i m'i ban ǹ tɔɔ lɔ.

Ko Lankɛnɛmayanin 5:10

I vɛ ai kɛ iya masaya dongolu le, ani salakalaseba minu yi baalela mɔ Tii Ala yɛ. Ai do kɛtɔ masaya kɛla duukolo kɔkan.»