2 Timote 1:8 - Ala Ya Salatikan Kula Kitabu

⁸ Wo le y'a ma, i kà maloya ka bɛn mɔ Tii ya seleya diko ma, niwotɛ ǹa ko ma, hali ǹ'i kaso le la yi ne ka bɛn aa ko ma. Kɛɛ fɔ i fɛ yi kɛ ǹa tɔlɔyalu la ka bɛn Samakan Kein ya ko ma, Ala fanga sabu la,

2 Timote 1:8 ပူးပေါင်းရင်းမြစ်များ

Malɛkɛ 8:38

Wo le kɛtɔ a kɛla, ni mɔɔ min vɛ maloyala ǹe ni ǹ kumakannu le bi lanandeyabalilu ni Alalɔnbalilu ɲakɔlɔ, wo vɛ kɛla, Mɔɔnivin Tanin yi maloyale wo tii le, a vɛ nala lon min na a Fa aa magbiliyali lɔ, lɔhɔlɔma mɛlɛkalu v'a fɛ.»

Luka 9:26

Wo le kɛtɔ a kɛla, ni mɔɔ min vɛ maloyala ǹe ni ǹ kumakannu le, Mɔɔnivin Tanin yi maloyale wo tii le, a vɛ nala lon min na aa magbiliyali lɔ, ani a Fa aa magbiliyali, ani lɔhɔlɔma mɛlɛkalu ya magbiliyali.

Yohana 15:27

Àilu gbu kɛtɔ m̀ masele le, kamasɔlɔn ài vɛ to ǹ fɛ ka ta a damina ma.»

Yohana 19:35

Mɔɔ min na ko minu kɛnin yena a ɲa la, wo tii le na seleya min dila fɔsa àilu fana yi limaniya. A do ya seleyakan yi tuɲa le le. A k'a lɔn ne ko a yi tuɲa le fɔla.

Kɛkolu 5:41

Wo kɛ, keladennu ka bɔ kititɛɛjama ɲakɔlɔ sawa le, kamasɔlɔn ai lafeyako ka bɛn Isa tɔɔ ma, ailu ni wo le kaannin.

Lɔmukalu 1:16

Ǹ tɛ maloyala Samakan Kein ya ko lɔ, kamasɔlɔn Ala ya seetiiya le wo le min yi nala kisiko le Isa malimaniyamɔɔlu bɛ yɛ, ka damina Jahudiyalu ma ani siboloma gbɛlɛ mɔɔlu fana.

Lɔmukalu 16:25

Tanuli yi Ala yɛ, a see yi min yɛ k'ài lasawati limaniya lɔ iwo ǹ na kawanili kɛla teme ǹa Samakan Kein nɔ ka bɛn Masa Tɔɔmasenin Isa ma. Ala ya gbonoko le wo le, a na min doonna waate timinninu kɔlɔ,

Lɔmukalu 8:36

A sɛvɛnin tan ne kitabu kɔnɔ, ko: «Ka bɛn iya ko ma, mɔ labilanin saya yɛ tele o tele. Ai yi mɔ yena iwo saa minu bilanin ai kannatɛɛko kanma.»

Lɔmukalu 9:33

iwo a sɛvɛnin kitabu kɔnɔ teme, ko: «Ài y'a ye, m̀'ɛ sen tuu kawakulun dɔ bila Ziyɔn so kɔnɔ, min kɛtɔ kɛla sabu le ka mɔɔlu laben. Kɛɛ do, ni mɔɔ mɔɔ ka limaniya a ma, wo tii tɛnala maloyala.»

1 Kolɛntikalu 1:6

Wo boloɲa ma, maa seleyakan ka bɛn Masa Tɔɔmasenin ma, wo la vɛ sawati ài tɛma.

2 Kolɛntikalu 6:7

M'i tuɲa le fɔla, ado mɔ fanga bɔnin Ala le bolo. Mɔ do yi telenmandeya tala ka kɛ iwo maa kɛlɛkɛfennu, ka mɔ juulu kɛlɛ ani ka mɔ jɛlɛ lakana wolu le.

Ɛfɛsikalu 3:1

Wo le n'a kɛla, ǹe Pɔli yi Ala dalila ài yɛ, ǹe min kɛnin Masa Tɔɔmasenin Isa ya kasoden ne àilu siboloma gbɛlɛ mɔɔlu ya ko lɔ.

Ɛfɛsikalu 3:13

Wo lɔ, ǹ'ài madiyala, ài falilɔ kà teeya ka bɛn ǹa tɔlɔyalu ma, ǹ'i minu masɔlɔnna àiya ko lɔ, kamasɔlɔn wolu le kɛtɔ kɛla magbiliyali le ài yɛ.

Ɛfɛsikalu 4:1

Ǹe min kɛnin kasoden ne mɔ Tii ya ko lɔ, ǹ'a fɔla ài yɛ k'a magbeleya, ǹ ko, Ala n'ài kilila min kanma, ài taamaɲa yi bɛn wo ma.

Ɛfɛsikalu 4:17

Ǹ'i min fɔla yi ne mɔ Tii tɔɔ lɔ k'a magbeleya, ǹ ko, ài kà kɛ taamana butu iwo Alalɔnbalilu y'a kɛla teme ai miliya fuun ne.

Filipikalu 1:7

Ado ǹ jo le a lɔ ka m̀ mili tan ka bɛn ài ma, kamasɔlɔn àiya ko gbaanyine ǹ josokun na. Kamasɔlɔn àilu le ǹ lankan ne Ala ya nɛɛma lɔ, m̀'ɛ kɛla kaso la, niwotɛ m̀'ɛ ǹ lɔla Samakan Kein kɔ kɔlɔ k'a lasawati.

Filipikalu 3:10

Min lɔɔ yi ǹ na, wo le ka Masa Tɔɔmasenin gbu lɔn, ani ka seetiiya wo lɔn min na a lawulila ka bɔ saya lɔ, ani ka ǹ kɛ a lankan ne aa tɔlɔyalu lɔ, ka ǹ kɛ iwo ale aa saya lɔ,

Filipikalu 4:13

Ǹ'i sene ko bɛ dɔ kɛla mɔ Tii sabu la min yi fanga dila m̀ ma.

Kɔlɔsikalu 1:11

M'i Ala dalila kɔtunun k'a fɔ ko a ài sɛmɛdon boloɲa suu bɛ ma ka bɛn aa fanga makawanin ma, fɔsa ài yi se ko bɛ minala ài ma sawali ni josoladiya boloma.

Kɔlɔsikalu 1:24

Wo lɔ saa, ǹ kɔnɔlɔdiyayine ka bɛn ǹa tɔlɔyalu ma àiya ko lɔ, kamasɔlɔn Masa Tɔɔmasenin ya tɔlɔya tɔ min tonin, ǹ'i wo le dafala ǹ falikolo lɔ limaniyajama yɛ, min kɛnin a falikolo le.

1 Tɛsalonikakalu 3:4

Wo le k'a kɛ, mɔ tɛɛ ài fɛlɔ waate min nɔ, mɔ tɛɛ ài lasovila kudein ko jangata kɛtɔ mɔ masɔlɔnna, ado àilu gbu k'a lɔn kolu timinnin teme.

1 Timote 2:6

min n'a jɛlɛ bɔla salaka le ka bɛn mɔɔ bɛ kunmakako ma, min seleya dinin a waate bɛlɛ lɔ.

2 Timote 1:10

Tandainɔ, nɛɛma wo la vɛ nkɛnɛmaya ka bɛn mɔ Lakisiba Masa Tɔɔmasenin Isa nako ma, min na see sɔlɔnna saya ma k'a fanga bɔ a bolo, ka niimaya banbaliko labɔ gbɛ la Samakan Kein sabu la.

2 Timote 1:12

Wo le n'a kɛla, tɔlɔya min bɛ na m̀ masɔlɔnna. Kɛɛ wo maloya tɛ ǹ na, kamasɔlɔn ǹ ka ale lɔn, ǹ limaniyanin ale min ma. Ado ǹ layine a la feu ko a na ko min kalifala ǹ na, a see y'a yɛ ka wo lakana haan fɔɔ a nalon.

2 Timote 1:16

Mɔ Tii yi hena Onesifɔli ya bonnamɔɔlu la, kamasɔlɔn a vɛ ǹ sɛmɛdon siɲa siyama le. A do ma maloya ǹa ko lɔ, hali ǹ silinin ka kɛ jɔlɔkɔ la yi ne.

2 Timote 2:3

I fɛ yi kɛ ǹa tɔlɔyalu la, iwo Masa Tɔɔmasenin Isa ya sɔdasi ɲuma.

2 Timote 2:8

I hangili yi to Masa Tɔɔmasenin Isa lɔ, Dawuda bɔzɔn, min lawulinin ka bɔ saya lɔ, iwo ǹ'i Samakan Kein kawanili kɛla teme,

2 Timote 2:9

ǹ'i tɔlɔya masɔlɔnna ka bɛn min ma haan fɔɔ ǹ silinin jɔlɔkɔ le tan iwo koyonkɛba. Kɛɛ Ala kumakan silinin tɛ feu!

2 Timote 4:17

Kɛɛ mɔ Tii gbu le n'i lɔla ǹ fɛ ka ǹ sɛmɛdon, fɔsa ǹ tɛɛ se ka aa samakan dafanin lase siboloma gbɛlɛ mɔɔ wolu bɛ ma, ai tɛɛ a mɛn. Wo ma, ǹ ka kisi ka bɔ jala da.

2 Timote 4:5

Kɛɛ ile koni, i yi kɛ mɔɔ sɔvɛ le kudein, ka tɔlɔya mina i ma, ka kɛ Samakan Kein lasenba le, ani k'i senko bɛ kɛ Ala ya baale lɔ.

1 Piyɛli 1:5

àilu minu lakananin Ala ya foniseleya lɔ ka bɛn àiya limaniya ma, fɔsa ài yi kisili sɔlɔn min la kɛtɔ nkɛnɛmayala dunuɲa laban waate.

1 Yohana 4:14

Mɔ v'a ye ka wo seleya di ko mɔ Fa ka a Denkɛ lana dunuɲa k'a kɛ dunuɲa Lakisiba le.

Jude 1:24

Tanuli ale le yɛ min yi se k'ài matanga fɔsa ài sen kana tuu, ani min yi se ài lalɔla a ɲakɔlɔ jalakibaliya ni sawa ba boloma a nɔɔlɔ lɔ.

Ko Lankɛnɛmayanin 1:2

Ado ǹ'i seleya dila ka bɛn ǹa koyenin bɛ le ma, Ala kumakan koni, ani Masa Tɔɔmasenin Isa gbu ya seleya.

Ko Lankɛnɛmayanin 1:9

Ǹe ài badenma Yohana min y'ài lankan ne àiya jangatalu lɔ, ani àiya masaya, ani àiya sawali Masa Tɔɔmasenin ya kafonɲɔɔya lɔ, ǹ tɛɛ kaso la Patimɔsi kɔɔtɛmaduu lɔ ka bɛn Ala kumakan ne ma, ani Isa ya seleyakan.

Ko Lankɛnɛmayanin 12:11

Mɔ badenmalu vɛ see sɔlɔn a ma, ka bɛn Saa Bolan jeli bɔnko ma ani aiya seleyakannu, kamasɔlɔn ai ma aiya niimaya kanu haan fɔɔ ka siyan saya ɲa.

Ko Lankɛnɛmayanin 19:10

Wo fɔ mɛlɛka bolo, ǹ ka m̀ bilin a sen kɔlɔ a batoko lɔ. Kɛɛ a do vɛɛ ǹ yɛ: «I kà wo kɛ dɛ! Bɔiden ne ǹ ne fana le iwo ile, ani i badenma minu bolo kɛnin Isa ya seleyakan na. I yi Ala le bato dein!» Kamasɔlɔn Isa ya seleyakan ne yi kelalu lɔla kelaya lasenko la.