2 Timote 1:7 - Ala Ya Salatikan Kula Kitabu

⁷ Kamasɔlɔn Ala na Nii Sɛnɛyanin min dila mɔ ma, wo tɛ mɔ kɛla jiitɔ le feu, mafɔ a yi fanga le dila mɔ ma, ani kanundeya, ani jɛlɛlɔmina.

2 Timote 1:7 ပူးပေါင်းရင်းမြစ်များ

Luka 10:19

Ài tolomalɔ, m̀'ɛ seetiiya di ài ma ka taama salu ni wanzosalu kɔkan, ani ka see sɔlɔn ài juu Soitana ni a fanga bɛ ma. Koyon foi tɛnala ài masɔlɔnna.

Luka 15:17

«A ka kɛ a jɛlɛ kalama mingɛ, a do vɛɛ: ‹Ǹ fa aa baaleden bɛ yi dɔnni ba kɛla k'i fa kpekpe. Ǹe do satɔle jan kɔɔn bolo.

Luka 24:49

Ǹ Fa na min lahedi tala ài yɛ, ǹ kɛtɔ wo lanala ài ma. Kɛɛ fɔ ài yi to Jelusalɛmu jan haan fɔɔ seetiiya wo la yi jii ài kɔkan ka bɔ haijɛnɛ.»

Luka 8:35

Mɔɔlu do vɛ taala wo kolasaaya lɔ. Ai ka se Isa fɛlɔ mingɛ, ai ka jinatɔ kɔlɔ siinin ye Isa sen kɔlɔ, faani tɛɛ a kanna, a do hangili la tɛɛ vɛ sei a ma. Wo lɔ, ai bɛ ka siyan.

Yohana 14:27

«Ǹ'i josolajii le tola ài bolo, ǹa josolajii, ǹ'i wo le donna ài bolo. Ǹ t'a dila ài ma iwo dunuɲa y'a dila teme. Ài joso kà tɔlɔ, ài do kà siyan.

Kɛkolu 1:8

Kɛɛ Nii Sɛnɛyanin vɛ jiila ài kɔkan, ài kɛtɔ fanga sɔlɔnna. Ài do kɛtɔ ǹ selelu le Jelusalɛmu ani Jude ni Samaliya koovilu lɔ, haan fɔɔ dunuɲa dan na.»

Kɛkolu 10:38

Ala ka Nazalɛtika Isa ta ka a sɔ a Nii Sɛnɛyanin sɔ, ani seetiiya. A do tɛɛ timintiminna kokeinnu kɛla, ka mɔɔlu lakɛnɛya minu bɛ tɔlɔyanin tɛɛ Soitana bolo, kamasɔlɔn Ala tɛɛ a fɛ.

Kɛkolu 20:24

Wo bɛ n'a kɛ, ǹ tɛ ǹ nunakili kulugbeleyala, a tɛ ǹ ɲana ko le. Kɛɛ min hamin yi ǹ na, wo le ǹ'i ǹa baale dafa, mɔ Tii Isa na min kalifala ǹ na. Wo le ka Samakan Kein lase ka bɛn Ala ya nɛɛma ma.

Kɛkolu 21:13

Kɛɛ Pɔli ka mɔ javi, a vɛɛ: «Mindɛ lɔ ài yi kasila tan ka ǹ joso tiɲa? Ǹ lɔbɛnyine ka taa kaso la, hali ni ǹ ka sa Jelusalɛmu ka bɛn mɔ Tii Isa tɔɔ ma.»

Kɛkolu 26:11

Ǹ ka taa Aladalibonnu la siɲa siyama lɔ, k'ai latɔn, ani k'ai lɔ kuma yon fɔla Isa ma fangamaya boloma. Mɔnɛya boloma ai kanma, ǹ tɛɛ taala jamana gbɛlɛ solu gbu la ai jangatako lɔ.

Kɛkolu 26:25

Kɛɛ Pɔli k'a javi, a vɛɛ: «Ǹ kuntiiba Fɛsitusi, fa tɛ ǹ nɔ. Ǹ'i kuma sɔvɛ minu fɔla yi ne, tuɲa le wo bɛ le.

Kɛkolu 6:8

Ala ya nɛɛma ni foniseleya ka to Etiyɛn kɔkan, a tɛɛ kawananko balu ni tɔɔmaselu kɛla mɔɔlu tɛma.

Kɛkolu 9:22

Kɛɛ a dɔ ka to lala Sawuli fanga kɔkan haan fɔɔ ka Damase Jahudiyalu kɔnɔlɔfili, kamasɔlɔn a k'a lagbɛ ai yɛ ko Isa le Masa Tɔɔmasenin ne.

Lɔmukalu 5:5

Jeisii wo tɛnala maloya lasena mɔ ma, kamasɔlɔn mɔ josola vɛ fa Ala ya kanundeya la Nii Sɛnɛyanin sabu la, a na min dila mɔ ma.

Lɔmukalu 8:15

Ài na Nii min sɔlɔnna, wo tɛ ài bilala jɔnya lɔ k'ài kɛ siyanbatɔ le kɔtunun. Mafɔ, mɔ na Nii min sɔlɔnna, wo vɛ mɔ kɛ Ala den ne le. Ado ka bɛn Nii min ma, m'i sene a fɔla Ala ma, mɔ vɛɛ: «Mɔ Fa! Mɔ Fa!»

1 Kolɛntikalu 2:4

Ǹ tɛɛ kumala ài fɛ ani ka kawanili kɛ waate min nɔ, ǹ tɛɛ tɛ ǹ da lɔdiyala iwo hangilima. Mafɔ, Nii Sɛnɛyanin ka aa foniseleya le jiya,

Galatiyakalu 5:22

Kɛɛ Nii Sɛnɛyanin y'a den minu kɛla mɔɔ josokun nɔ, wolu le ne: kanundeya, josoladiya, josolajii, sawali, henandeya, ɲumaya, lanandeya,

Kɔlɔsikalu 1:8

Ale le na mɔ lalɔnnila àiya kanundeya la, Nii Sɛnɛyanin na min donna ài josokun nɔ.

Hebululu 2:15

ani ka mɔɔlu lafɛlɛ minu tɛɛ vɛ aiya dunuɲalɔtɛɛ bɛ kɛ jɔnya lɔ ka bɛn saya ɲasiyanɲɛ ma.

1 Piyɛli 1:22

Komi ài vɛ ài jɛlɛ lasɛnɛya ka bɛn tuɲa labatoko ma, fɔsa ài yi se i ɲɔɔ kanula badenmaya ni josolɔgbɛya boloma, wo le y'a ma, ài y'ài ɲɔɔ kanu kosɛvɛ ài josokun bɛ le.

1 Yohana 4:18

Siyan tɛ kanundeya lɔ, kanundeya dafanin do yi siyan banna feu, kamasɔlɔn siyan jusiinin kolatɔn ne kɔkan. Wo le y'a ma, ni mɔɔ min ka siyan, wo vɛ kɛla, kanundeya dafanin tɛ wo tii josokun nɔ bene.