2 Timote 1:3 - Ala Ya Salatikan Kula Kitabu

³ M̀'ɛ kɛla Ala dalila waate o waate, ǹ hangili yi tola i lɔ su ni tele. Ado ka bɛn iya ko ma, ǹ'i balika bɔla Ala yɛ, ǹ'i baale kɛla min yɛ jososɛnɛyanin boloma iwo m̀ bemanu tɛɛ a kɛla teme.

2 Timote 1:3 ပူးပေါင်းရင်းမြစ်များ

Luka 2:37

Wo kɔ, a ka to kɛsamosoya lɔ haan fɔɔ a sanji bisein ni naani (84). A tɛɛ tɛ a mabɔla lɔhɔlɔmabonba la, fɔ ka to Ala batola su ni tele, a vɛ sundonna ka Ala dali.

Kɛkolu 22:3

«Jahudiya le ǹ ne, min sɔlɔnnin Talese so kɔnɔ, Silisiya koovi lɔ, kɛɛ m̀ buɲanin Jelusalɛmu jan ne. Ǹ tɛɛ kalanmɔɔ Gamaliyɛli le bolo. Ale le na ǹ kalanna kobɛn mɔ bemanu ya seliya la. Ǹe do tɛsilinin tɛɛ Ala ya ko la kosɛvɛ, iwo àilu gbu tɛsilinin a la teme bi.

Kɛkolu 23:1

Wo kɛ, Pɔli k'i ɲa lɔ kititɛɛjama lɔ k'a fɔ ai yɛ, a vɛɛ: «M̀ badenmalu, m̀'ɛ ǹa dunuɲalɔtɛɛ kɛ ǹ joso sɛnɛyanin vɛ Ala ɲakɔlɔ haan fɔɔ ka na sii bi la.»

Kɛkolu 24:14

Kɛɛ ǹ'i ǹ lɔla min na i ɲana, wo le min ne: Ǹ'i mɔ bemanu Tii Ala batola ka bɛn Isa ya siya le ma. Mɔɔ minu do yi wo jatela diina kula le le. Kɛɛ minu sɛvɛnin Kela Musa ya Taulati ni kela dɔgbɛlɛlu ya kitabulu kɔnɔ, ǹ limaniyayine wo bɛ ma.

Kɛkolu 24:16

Wo ma, ǹ'i ǹ senko le la kudein fɔsa ǹ joso sɛnɛyanin yi to Ala ni mɔɔlu yɛ.

Kɛkolu 26:4

«Jahudiyalu bɛ k'a lɔn ǹ tɛɛ ǹa dunuɲalɔtɛɛ kɛla teme ǹ fɛso ni Jelusalɛmu, ka ta ǹ denniya waate ma.

Kɛkolu 27:23

Kamasɔlɔn ǹ'i Ala min ta le, ani ǹ'i baale kɛla min yɛ, wo ya mɛlɛka dɔ k'i lɔ ǹ dafɛ kunun su lɔ.

Lɔmukalu 9:1

Ǹ'i tuɲa le fɔla yi ne, ǹe do tɛ faɲa fɔla, kamasɔlɔn Masa Tɔɔmasenin ta le ǹ ne. Ado Nii Sɛnɛyanin gbu le yi seleya dila ǹ josokun nɔ ko

2 Kolɛntikalu 1:12

Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ.

Galatiyakalu 1:14

Ado ǹ tɛɛ vɛ timin ǹ kaɲa siyama la Jahudiya diina lɔ, kamasɔlɔn ǹ tɛsilinin tɛɛ m̀ bemanu ya laanalu lakanako la kosɛvɛ.

Ɛfɛsikalu 1:16

ǹ'i balika bɔla àiya ko lɔ kudein, m̀'ɛ kɛla Ala dalila ài yɛ.

1 Tɛsalonikakalu 3:10

Su ni tele, m'i Ala dalila kosɛvɛ fɔsa ài m'i ɲɔɔ ye ɲa ni ɲa ka ko dɔlu dafa, ài dɛsɛnin minu la àiya limaniya lɔ.

1 Timote 1:19

i bolo kɛnin vɛ limaniya la, k'i joso sɛnɛyanin to. A dɔlu v'i ban wo ma k'aiya limaniya tiɲa tɛtɛ,

1 Timote 1:5

Maa jamali kun ne kanundeya le min yi bɔla josolɔgbɛnin nɔ, ani jososɛnɛyanin, ani limaniya bɛlɛbɛlɛ.

1 Timote 5:5

Kɛsamoso min kelenpesa tonin, wo jei siinin Ala le la. A do yi Ala madiyala ka Ala dali su ni tele.

2 Timote 1:5

Ǹ hangili toyine iya limaniya bɛlɛbɛlɛ lɔ, min ɲɔɔzii tɛɛ i mama Loyise ni i ba Yunise bolo kunfɔlɔ le, ado ǹ layine a la ko limaniya kelen wo le yi ile fana bolo hali bi.

2 Timote 3:15

Ka ta iya denniya waate ma, i vɛ lɔhɔlɔma kitabulu lɔn, minu yi se ka hangilimaya di i ma kisiko lɔ ka bɛn limaniya ma Masa Tɔɔmasenin Isa ma.

Hebululu 13:8

Masa Tɔɔmasenin Isa tɛɛ min ne kunun, a yi wo le le bi, a do totɔ ten ne habadan.