2 Timote 1:13 - Ala Ya Salatikan Kula Kitabu

¹³ Ǹa misali ta ka bila kuma sɔvɛlu kɔ, i na minu mɛnna ǹ da, ka kɛ taamana limaniya ni kanundeya boloma Masa Tɔɔmasenin Isa ya kafonɲɔɔya lɔ.

2 Timote 1:13 ပူးပေါင်းရင်းမြစ်များ

Lɔmukalu 2:20

A do y'i kɔnɔ ko i vɛ lɔnni ni tuɲa dafanin sɔlɔn Nabi Musa ya seliya fɛ. Wo ma, kolɔnbalilu makoloba le i le, ani dennilu ya kalanmɔɔ.

Lɔmukalu 6:17

M'i balika bɔla Ala yɛ, kamasɔlɔn àilu minu tɛɛ julumbu ya jɔn ne kɔlɔman ne, ài vɛ kalan min latelen ài josokun bɛ la, min dinin ai ma.

Filipikalu 1:27

Kɛɛ fɔ ài taamaɲa yi bɛn Masa Tɔɔmasenin ya Samakan Kein ma. Wo vɛ kɛla, ǹ ka na ài fɛlɔ o, m̀ ma na ài fɛlɔ o, ǹ kɛtɔ a mɛnna ko ài lɔnin kili miliya kelen nɔ, ka sɛɛ kɛ i ɲɔɔ fɛ ka bɛn Samakan Kein ma limaniya lɔ.

Filipikalu 4:9

Ài na minu kalanna ǹ fɛ, ani ài na minu sɔlɔnna ǹ fɛ, ani ài na ǹ yena minu kɛla, ài y'ài lɔja ka wolu bɛ kɛ. Ado Ala min yi josolajii dila, wo kɛtɔ tola ài fɛ.

Kɔlɔsikalu 1:4

Kamasɔlɔn mɔ v'a mɛn ko ài limaniyanin Masa Tɔɔmasenin Isa ma teme ani àiya kanundeya, ài yi min jiyala mumininnu bɛ la.

1 Tɛsalonikakalu 5:21

Ài do yi ko bɛ lakɔlɔsi k'ài bolo kɛ a ɲuma la.

1 Timote 1:10

ani kanukɛbalu, ani kɛ́ minu yi lala i ɲɔɔ fɛ, ani jɔn felebalu, ani faɲafɔbalu, ani faɲafɔ selelu, ani ko minu bɛ yi nala sɔsɔyali le kalan bɛlɛ kanma.

1 Timote 1:14

Mɔ Tii na ǹ sɔla aa nɛɛma sɔ bɛlɛbɛlɛ kɛ, ka limaniya ni kanundeya di m̀ ma minu yi sɔlɔnna Masa Tɔɔmasenin Isa ya kafonɲɔɔya lɔ.

1 Timote 6:3

Ni mɔɔ mɔɔ ka na kalan gbɛlɛ le, min ni mɔ Tii Masa Tɔɔmasenin Isa ya kuma sɔvɛlu tɛ kelen ne, niwotɛ min bɛnnin tɛ Alaɲasiyanɲɛ ma,

2 Timote 1:1

Ǹe Pɔli le yi lɛtɛlɛ min sɛvɛla, ǹe min kɛnin Masa Tɔɔmasenin Isa ya keladen ne ka bɛn Ala sawo ma, ani ka bɛn niimaya lahedi ma, niimaya min yi sɔlɔnna Masa Tɔɔmasenin Isa ya kafonɲɔɔya lɔ.

2 Timote 1:14

Kalan ɲuma minu kalifanin i la, i yi wolu lakana Nii Sɛnɛyanin sabu la, min sawatinin mɔ josokun nɔ.

2 Timote 2:2

I na kuma minu mɛnna ǹ da sele siyama ɲakɔlɔ, i yi wolu kalifa mɔɔ sɔvɛlu la, minu yi se ka dɔlu fana kalan.

2 Timote 3:14

Ile koni, fɔ i i bolo kɛ tuɲa la, i na min kalanna ka limaniya a ma, kamasɔlɔn i k'a lɔn i na kalan wo sɔlɔnna mɔɔ minu la.

2 Timote 4:3

Kamasɔlɔn waate dɔ sentɔ, mɔɔlu tɛnala diɲala k'ai tolomalɔ kalan sɔvɛ ma. Kɛɛ ai kɛtɔ bilala ai jɛlɛkanu niikanukolu le kɔ, ka kalanmɔɔ siyama ɲinin ai jɛlɛ yɛ minu kɛtɔ ai tolo ladiyanankumalu fɔla ai yɛ.

Tite 1:9

A a bolo kɛ lanaya kuma la kpekpe iwo a kalannin a la teme, fɔsa a yi se mɔɔlu sɛmɛdonna kalan bɛlɛ la teme, ani ka mɔɔlu jobaliya minu y'a sɔsɔla.

Tite 2:1

Ile koni, i yi mɔɔlu kalan ka bɛn kalan sɔvɛ ma.

Tite 2:8

ka kuma sɔvɛlu fɔ, mɔɔ tɛ se min sɔsɔla, fɔsa mɔ juulu yi maloya, ai kana kuma yon suu suu sɔlɔn k'a fɔ mɔ ma.

Hebululu 10:23

Ài m'i mɔ bolo kɛnin to mɔ jeisii la kpekpe, mɔ lɔnin min na, kamasɔlɔn min na lahedi tala mɔ yɛ, wo yi lanande le le.

Hebululu 3:6

Kɛɛ Masa Tɔɔmasenin ka kɛ lanande le iwo denkɛ min siinin Ala ya bon kunna. Mɔ do kɛnin aa bon ne le, ni mɔ bolo ka to maa lanaya la kpekpe, ani maa ɲalɔkɛnɛya jeisii la.

Hebululu 4:14

Komi salakalase kuntiiba yi mɔ bolo min vɛ jɛlɛ haan fɔɔ sangbolo dingilalu lɔ, min kɛnin Ala Denkɛ Isa le, wo lɔ, ài m'i mɔ bolo kɛ maa limaniya la kpekpe, mɔ lɔnin min na.

Jude 1:3

Ǹ diyananmɔɔlu, hali a lɔɔ tɛɛ ǹ na bubale ǹ'i min sɛvɛ ài ma ka bɛn mɔ dɛɛn ma kisiko kelen na, kɛɛ m̀'ɛ a ye fɔ ǹ'a sɛvɛ ka bɛn ài sɛmɛdonko ma kɛlɛ ma limaniya makalanko lɔ, Ala na min dila mumininnu ma siɲa kelen ne haan fɔɔ habadan.

Ko Lankɛnɛmayanin 2:25

Kɛɛ min y'ài bolo, fɔ ài y'ài bolo kɛ wo la kpekpe haan fɔɔ m̀'ɛ nala lon min na.

Ko Lankɛnɛmayanin 3:11

Ǹ natɔ jona. Wo ma, min y'i bolo, i i bolo to wo la fɔsa mɔɔ suu suu kana iya jala mina i la.

Ko Lankɛnɛmayanin 3:3

Wo le y'a ma, i na ko minu kalanna ani k'ai mɛn, i i hangili to wolu lɔ. I i bolo kɛ ko wolu la k'i dajoo mafalin. Ni i do ma kunun, ǹ kɛtɔ balala i lɔ iwo son, ado i tɛnala a lɔnna ǹ natɔ i kanma waate min.