2 Timote 1:12 - Ala Ya Salatikan Kula Kitabu

¹² Wo le n'a kɛla, tɔlɔya min bɛ na m̀ masɔlɔnna. Kɛɛ wo maloya tɛ ǹ na, kamasɔlɔn ǹ ka ale lɔn, ǹ limaniyanin ale min ma. Ado ǹ layine a la feu ko a na ko min kalifala ǹ na, a see y'a yɛ ka wo lakana haan fɔɔ a nalon.

2 Timote 1:12 ပူးပေါင်းရင်းမြစ်များ

Matiyu 12:21

Ado sibolomalu bɛ kɛtɔ ai jei siila a tɔɔ le la.»

Matiyu 24:36

«Ko minu kɛtɔ lon min na ani waate min nɔ, mɔɔ suu suu ma wo lɔn, hali mɛlɛkalu gbu minu yi haijɛnɛ. Hali Denkɛ gbu m'a lɔn, mafɔ mɔ Fa Ala kelenpesa.

Matiyu 7:22

Kititɛɛlon, mɔɔ siyama kɛtɔ a fɔla ǹ yɛ, ko: ‹Kuntii, Kuntii, ǹu ma kelaya kɛ i tɔɔ le lɔ? Ǹu ma jinalu gbɛn k'ai bɔ mɔɔlu lɔ i tɔɔ le lɔ, ani ka kawananko siyama kɛ?›

Luka 10:12

Ǹ'a fɔ ài yɛ, lɔbalon, Sɔdɔmu mɔɔ yonnu ya kiti kɛtɔ nɔyala ka timin so wo mɔɔlu ta la.»

Luka 23:46

Isa do k'a kan labɔ bakɛ, a vɛɛ: «Ǹ Fa, ǹ'i ǹ nii laseila i ma yi ne.» Wo fɔ a bolo, a ka sa.

Yohana 17:15

Ǹ t'i madalila ai labɔko lɔ dunuɲa, mafɔ i y'ai matanga Soitana le ma.

Yohana 6:44

Mɔɔ suu suu tɛ se nala m̀ ma, ni ǹ Fa min na ǹ kelayala, ni ale ma wo tii masama k'a lana m̀ ma. Ǹe do kɛtɔ wo tii lawulila ka bɔ saya lɔ dunuɲa laban lon.

Kɛkolu 13:46

Wo kɛ, Pɔli ni Baanabasi k'ai javi josolagbeleya boloma, ai vɛɛ: «Ala kumakan la tɛɛ ka kan ka se àilu Jahudiyalu le ma kunfɔlɔ le. Komi ài v'i ban a lɔ, ani ka jate ko niimaya banbali bɛnnin tɛ ài ma, wo le n'a mɔ ɲa tiliminna siboloma gbɛlɛlu la.

Kɛkolu 13:50

Kɛɛ Jahudiyalu ka kɛ́ tɔɔlamalu lɔsun so kɔnɔ, ani Alaɲasiyanɲɛ mosolu minu dalayanin. Wo lɔ, ai ka Pɔli ni Baanabasi jangata ka ban k'ai gbɛn aiya koovi lɔ.

Kɛkolu 21:13

Kɛɛ Pɔli ka mɔ javi, a vɛɛ: «Mindɛ lɔ ài yi kasila tan ka ǹ joso tiɲa? Ǹ lɔbɛnyine ka taa kaso la, hali ni ǹ ka sa Jelusalɛmu ka bɛn mɔ Tii Isa tɔɔ ma.»

Kɛkolu 7:59

Ai tɛɛ Etiyɛn mabonna kawakulunnu la waate min nɔ, a ka madaili kɛ, a vɛɛ: «Ǹ Tii Isa, i bolo sii ǹ nii kɔlɔ!»

Kɛkolu 9:16

A do kɛtɔ tɔlɔya minu masɔlɔnna ǹa ko lɔ, ǹe gbu le kɛtɔ wo jiyala a la.»

Lɔmukalu 1:16

Ǹ tɛ maloyala Samakan Kein ya ko lɔ, kamasɔlɔn Ala ya seetiiya le wo le min yi nala kisiko le Isa malimaniyamɔɔlu bɛ yɛ, ka damina Jahudiyalu ma ani siboloma gbɛlɛ mɔɔlu fana.

Lɔmukalu 9:33

iwo a sɛvɛnin kitabu kɔnɔ teme, ko: «Ài y'a ye, m̀'ɛ sen tuu kawakulun dɔ bila Ziyɔn so kɔnɔ, min kɛtɔ kɛla sabu le ka mɔɔlu laben. Kɛɛ do, ni mɔɔ mɔɔ ka limaniya a ma, wo tii tɛnala maloyala.»

1 Kolɛntikalu 1:8

A do kɛtɔ a kɛla, ài bamanin totɔ haan fɔɔ a laban na, fɔsa ài yi kɛ jalakibali le mɔ Tii Masa Tɔɔmasenin Isa ya lon na.

1 Kolɛntikalu 3:13

mɔɔ kelenkelenna bɛ bolonɔ kɛtɔ bɔla gbɛ la. A jiyatɔle kititɛɛlon, kamasɔlɔn kolu lankɛnɛmayatɔle taa bolo, ado taa kɛtɔ mɔɔ kelenkelenna bɛ bolonɔ lɔsumana.

Filipikalu 1:20

Ǹ jii y'a ma le bubale ko foi tɛnala kɛla ǹa maloyako le, mafɔ m̀ wakalinin totɔ feu tandainɔ ani waate bɛ, fɔsa ǹ'i Masa Tɔɔmasenin buɲa ǹ falikolo bɛ le, ǹa niimaya lɔ, niwotɛ ǹa saya lɔ.

Filipikalu 3:10

Min lɔɔ yi ǹ na, wo le ka Masa Tɔɔmasenin gbu lɔn, ani ka seetiiya wo lɔn min na a lawulila ka bɔ saya lɔ, ani ka ǹ kɛ a lankan ne aa tɔlɔyalu lɔ, ka ǹ kɛ iwo ale aa saya lɔ,

Filipikalu 3:21

Ale le kɛtɔ aa seetiiya labaalela, ka mɔ falikolo fangandan jɛlɛma, ka kɛ ale gbu falikolo nɔɔlɔnin suu le, ka bɛn wo seetiiya ma, a yi min labaalela ka fen bɛ kolo a yɛ.

Filipikalu 3:8

Tuɲa le, ǹ'i ko bɛ jatela bɔnɔ le le, kamasɔlɔn ka ǹ Tii Masa Tɔɔmasenin Isa lɔn, wo kulugbeleyanin vɛ ko bɛ le. Ale ya ko lɔ, m̀'ɛ bɔnɔ ko bɛ la ka wo bɛ jate iwo ɲama, fɔsa ǹ'i Masa Tɔɔmasenin sɔlɔn,

1 Tɛsalonikakalu 2:16

kamasɔlɔn ài y'ai lɔjala ka mɔ dansii fɔsa mɔ kana kisiko lase siboloma gbɛlɛ mɔɔlu ma. Wo boloɲa ma, ai y'a dɔ le lala aiya julumbulu kɔkan kudein haan fɔɔ a da yi fa. Kɛɛ a laban nɔ, Ala ya mɔnɛya vɛ ben ai kɔkan.

1 Tɛsalonikakalu 5:4

Kɛɛ m̀ badenmalu, ài tɛ divi lɔ k'a fɔ ko wo lon kɛtɔ balala ài lɔ iwo son.

1 Timote 6:20

Ile Timote, ko minu kalifanin i la, i yi wolu ladalo kobɛn. I i jɛlɛ matanga kuma fuunnu ma minu ni Ala ya siya bɛnnin tɛ i ɲɔɔ ma, ani sɔsɔyali kolon, mɔɔ dɔlu y'a fɔla min ma filibandeya boloma ko lɔnni.

2 Timote 1:14

Kalan ɲuma minu kalifanin i la, i yi wolu lakana Nii Sɛnɛyanin sabu la, min sawatinin mɔ josokun nɔ.

2 Timote 1:16

Mɔ Tii yi hena Onesifɔli ya bonnamɔɔlu la, kamasɔlɔn a vɛ ǹ sɛmɛdon siɲa siyama le. A do ma maloya ǹa ko lɔ, hali ǹ silinin ka kɛ jɔlɔkɔ la yi ne.

2 Timote 1:18

Mɔ Tii yi hena a la kiyamalon. Ile gbu k'a lɔn ne feu a na ko minu bɛ kɛla ǹ yɛ Ɛfɛsi so kɔnɔ.

2 Timote 1:8

Wo le y'a ma, i kà maloya ka bɛn mɔ Tii ya seleya diko ma, niwotɛ ǹa ko ma, hali ǹ'i kaso le la yi ne ka bɛn aa ko ma. Kɛɛ fɔ i fɛ yi kɛ ǹa tɔlɔyalu la ka bɛn Samakan Kein ya ko ma, Ala fanga sabu la,

2 Timote 2:9

ǹ'i tɔlɔya masɔlɔnna ka bɛn min ma haan fɔɔ ǹ silinin jɔlɔkɔ le tan iwo koyonkɛba. Kɛɛ Ala kumakan silinin tɛ feu!

2 Timote 4:8

Wo ma yi ne, telenmandeya jala ladalonin ǹ yɛ, min ditɔ m̀ ma lɔbalon mɔ Tii bolo, min kɛnin kititɛɛba telennin ne. Wo do tɛnala dila ǹe kelen ma, mafɔ mɔɔ minu bɛ jei siinin a nalon na kanundeya boloma.

Tite 3:8

Kuma min yi tuɲa le le. Ǹ'a fɛ i yi ko minu magbeleya fɔsa Ala malimaniyamɔɔlu y'ai gbaladon koɲumakɛko ma, minu keinyanin, ani nafa yi minu la mɔɔ bɛ yɛ.

Hebululu 12:2

mɔ ɲa lɔnin vɛ Isa lɔ, maa limaniya jusiiba ni a dafaba yi min ne. Ka bɛn sawako wo ma min latɛɛnin tɛɛ a ma, a k'a gbaanko manɔ kɔlɔman ma, ka jɔ maloyako wo ma, a do siinin butu Ala ya masayasiifen bolokini fannɔ.

Hebululu 2:18

Komi ale gbu ka tɔlɔya aa manɛɛli waate, wo lɔ, a yi sene mɔɔlu madɛmɛnna minu bilanin manɛɛli lɔ.

Hebululu 7:25

Wo le y'a ma, a yi sene mɔɔlu lakisila feu, minu yi timinna ale fɛ k'i madon Ala la, kamasɔlɔn a a nii la kudein k'ai masolonali mina Ala ma.

1 Piyɛli 1:5

àilu minu lakananin Ala ya foniseleya lɔ ka bɛn àiya limaniya ma, fɔsa ài yi kisili sɔlɔn min la kɛtɔ nkɛnɛmayala dunuɲa laban waate.

1 Piyɛli 4:16

Kɛɛ ni ài dɔ ka tɔlɔya masɔlɔn kamasɔlɔn Masa Tɔɔmasenin kɔbiladen ne a le, wo tii kà maloya wo lɔ, mafɔ ka Ala tanu ka bɛn tɔɔ wo ma.

1 Piyɛli 4:19

Wo le y'a ma, mɔɔ minu yi tɔlɔya masɔlɔnna ka bɛn Ala sawonanko ma, wolu y'ai nii kalifa Dannimasa lanande la ka to koɲuma kɛla.

Jude 1:24

Tanuli ale le yɛ min yi se k'ài matanga fɔsa ài sen kana tuu, ani min yi se ài lalɔla a ɲakɔlɔ jalakibaliya ni sawa ba boloma a nɔɔlɔ lɔ.