2 Timote 1:10 - Ala Ya Salatikan Kula Kitabu

¹⁰ Tandainɔ, nɛɛma wo la vɛ nkɛnɛmaya ka bɛn mɔ Lakisiba Masa Tɔɔmasenin Isa nako ma, min na see sɔlɔnna saya ma k'a fanga bɔ a bolo, ka niimaya banbaliko labɔ gbɛ la Samakan Kein sabu la.

2 Timote 1:10 ပူးပေါင်းရင်းမြစ်များ

Luka 11:36

Ni kɛnɛya ka kɛ mɔɔ fali fan bɛ lɔ, divi ma talan a fan suu suu lɔ, wo vɛ kɛla, kɛnɛya yi kɛle a falikolo fan bɛ lɔ gbesekele, iwo fitina kɛnɛya yi kɛla teme ài ma.»

Luka 13:7

Wo lɔ, a vɛɛ aa baaleden yɛ: ‹A ye, a vɛ kɛ san sawa le, ǹ'i nala kɔlɔman min den ɲininya lɔ a la. Haan bi, m̀ ma foi ye a la. A tɛɛ, i y'a bɔ je. A nafa foi tɛ a la duu kan jan.›

Luka 2:11

Bi koni, Masakɛ Dawuda ya so la, Lakisilikɛba vɛ sɔlɔn ài yɛ, min taanin kɛla mɔ Tii Masa Tɔɔmasenin ne.

Yohana 1:9

Kɛnɛya bɛlɛbɛlɛ min yi kɛnɛya dila bɛ ma, wo tɛɛ nala dunuɲa.

Yohana 14:6

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Yohana 20:31

Kɛɛ ko minu sɛvɛnin fɔsa ài yi limaniya k'a fɔ ko Isa le Masa Tɔɔmasenin ne ani Ala Denkɛ. Ài do vɛ limaniyala a ma, ài kɛtɔ niimaya sɔlɔnna a tɔɔ fɛ.

Yohana 4:42

Ai k'a fɔ moso yɛ, ai vɛɛ: «Tandainɔ yi ne, mɔ ma limaniya ka bɛn i kumakan ma, kɛɛ ǹu gbu v'a kumakan mɛn yi ne, ado mɔ v'a lɔn feu ko ale le dunuɲa bɛ Lakisiba le.»

Yohana 5:40

Ài do tɛ diɲala ka na m̀ ma fɔsa ài yi niimaya sɔlɔn.

Kɛkolu 13:23

Ala vɛ Lakisilikɛba lana Bani Isilankalu ma ka bɔ Dawuda bɔzɔn nɔ, min taanin kɛla Isa le, iwo a na lahedi tala teme.

Kɛkolu 5:31

Ala n'a kɔlɔtala k'a lasii a bolokini fannɔ, k'a kɛ Ɲamɔɔ ni Lakisilikɛba le, fɔsa Bani Isilankalu y'a ɲa sɔlɔn k'ai dajoo mafalin aiya julumbulu lɔkotoko lɔ.

Lɔmukalu 16:26

kɛɛ a vɛ bɔ gbɛ la yi ne kelalu ya kitabulu fɛ. Ado ka bɛn Habadan Ala ya jamali ma, gbonoko min vɛ lɔn siboloma bɛ bolo, fɔsa ai yi kolo a yɛ limaniya boloma.

Lɔmukalu 2:7

Wo ma, mɔɔ minu sawalinin aiya koɲumakɛko ma fɔsa ai yi magbiliyali ni buɲali ni habadan niimaya ɲinin ai jɛlɛ yɛ, Ala kɛtɔ niimaya banbali dila wolu le ma.

Lɔmukalu 3:31

Jalasa wo kɔlɔ le ko Nabi Musa ya seliya vɛ kɛ kofuun ne ka bɛn limaniya min ma? Wo tɛ dɛ! Mafɔ, m'i seliya wo lasawatila.

Lɔmukalu 6:6

Mɔ do k'a lɔn ko mɔ dajoo kɔlɔ gbaanyine kɔlɔman ma Isa fɛ, fɔsa julumbu min tɛɛ mɔ dajoo kɔlɔ lɔ, wo fanga yi ban ani mɔ kana to julumbu ya jɔnya lɔ butu.

1 Kolɛntikalu 15:26

A juu laban min kɛtɔ halakila, wo le saya le.

1 Kolɛntikalu 4:5

Wo le y'a ma, ài kà ài lateleja ka mɔɔ ya kiti tɛɛ, ni a waate bɛlɛ ma se ba. Ài y'a to ten haan fɔɔ mɔ Tii yi na. Ko ko doonnin divi lɔ, ale le kɛtɔ wolu lankɛnɛmayala ka mɔɔ bɛ kɔnɔlɔkolu labɔ gbɛ la. Wo vɛ kɛla, mɔɔ kelenkelenna bɛ kɛtɔ matanuli sɔlɔnna Ala bolo.

2 Kolɛntikalu 5:4

Kamasɔlɔn damanda m'i dunuɲa faani tooda min kɔlɔ, m'i wunɛla doni ba le kɔlɔ. A tɛ k'a fɔ saya lɔɔ le yi mɔ la, kɛɛ m'i haijɛnɛ fali kula sɔlɔnko le lɔ, fɔsa niimaya yi see sɔlɔn fen sata ma.

Galatiyakalu 5:4

Àilu minu yi telenmandeya ɲininna ka bɛn seliya latelenko ma, ài vɛ falan Masa Tɔɔmasenin na k'ài fo Ala ya nɛɛma la.

Ɛfɛsikalu 1:18

Ala yi ài hangili laka, fɔsa a n'ài kilila jeisii min ya ko lɔ, ài yi wo lɔn, ani ka balayi wala jate lɔn, a yi minu ladalo mumininnu yɛ.

Ɛfɛsikalu 1:9

ka mɔ lalɔnni aa kojatesii doonnin na, a tɛɛ vɛ min latɛɛ ka bɛn Masa Tɔɔmasenin ma kɔlɔkɔlɔ le.

2 Tɛsalonikakalu 2:8

Wo vɛ kɛla, seliya tiɲaba la kɛtɔ nkɛnɛmayala. Kɛɛ mɔ Tii Isa kɛtɔ wo tii faala a dafɔɲɛ le, k'a halaki a nako makawanin nɔɔlɔ fɛ.

2 Timote 1:1

Ǹe Pɔli le yi lɛtɛlɛ min sɛvɛla, ǹe min kɛnin Masa Tɔɔmasenin Isa ya keladen ne ka bɛn Ala sawo ma, ani ka bɛn niimaya lahedi ma, niimaya min yi sɔlɔnna Masa Tɔɔmasenin Isa ya kafonɲɔɔya lɔ.

2 Timote 1:8

Wo le y'a ma, i kà maloya ka bɛn mɔ Tii ya seleya diko ma, niwotɛ ǹa ko ma, hali ǹ'i kaso le la yi ne ka bɛn aa ko ma. Kɛɛ fɔ i fɛ yi kɛ ǹa tɔlɔyalu la ka bɛn Samakan Kein ya ko ma, Ala fanga sabu la,

2 Timote 4:1

Ka bɛn Masa Tɔɔmasenin lankɛnɛmayako ni aa masaya ma, ǹ'i jamalila Ala ɲakɔlɔ, ani Masa Tɔɔmasenin Isa min kɛtɔ niimalu ni fulenilu bɛ ya kiti tɛɛla, ǹ ko:

2 Timote 4:8

Wo ma yi ne, telenmandeya jala ladalonin ǹ yɛ, min ditɔ m̀ ma lɔbalon mɔ Tii bolo, min kɛnin kititɛɛba telennin ne. Wo do tɛnala dila ǹe kelen ma, mafɔ mɔɔ minu bɛ jei siinin a nalon na kanundeya boloma.

Tite 2:11

Kamasɔlɔn Ala ya nɛɛma la vɛ nkɛnɛmaya, min yi nala kisiko le adamaden bɛ yɛ.

Tite 2:13

ka mɔ to mɔ jeisii hɛlɛlon makɔnɔna, mɔ Tii Ala makawanin ya magbiliyali lankɛnɛmayatɔ lon min na, min yi mɔ Lakisiba Masa Tɔɔmasenin Isa le.

Tite 3:4

Kɛɛ mɔ Lakisiba Ala ya ɲumaya ni aa kanundeya ka bɔ gbɛ la waate min nɔ,

Hebululu 10:32

Ài y'ài hangili to lon timinninu lɔ, ài bɔ kɔ divi lɔ, ài na sɛɛ gbɛlɛn ni tɔlɔya manɔla waate min nɔ.

2 Piyɛli 1:1

Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.

2 Piyɛli 1:11

Wo boloɲa ma, siya yi dile ài ma feu ài donko lɔ mɔ Tii ni mɔ Lakisiba Masa Tɔɔmasenin Isa ya habadan masaya lɔ.

2 Piyɛli 1:3

Aa foniseleya vɛ wo bɛ di mɔ ma, mɔ mako yi minu la niimayakɛko ni Ala ya siya lataamanko lɔ, ka bɛn a lɔnko ma mɔ bolo, ale min na mɔ kilila a jɛlɛkanu ya magbiliyali ni aa ɲumaya fɛ.

2 Piyɛli 2:20

Ado ni mɔɔ minu k'ai sen bɔ dunuɲa kokɔsɔninnu lɔ ka bɛn mɔ Tii ni mɔ Lakisiba Masa Tɔɔmasenin Isa lɔnko ma, ni ko wolu k'ai mina ka see sɔlɔn ai ma kɔtunun, wo vɛ kɛla, mɔɔ wolu laban kɛwonyatɔle ka timin a kunfɔlɔ ta la.

2 Piyɛli 3:18

Kɛɛ ài yi to taala ɲafɛ mɔ Tii ni mɔ Lakisiba Masa Tɔɔmasenin Isa ya nɛɛma ni aa lɔnni lɔ. Magbiliyali a yɛ tandainɔ ani waate bɛ. Amiina.

2 Piyɛli 3:2

ani ài kana ɲina kelayakumalu lɔ minu fɔnin lɔhɔlɔma kelalu bolo kɔlɔkɔlɔ le, ani mɔ Tii ni mɔ Lakisiba ya jamali min fɔnin ài yɛ keladennu bolo.

1 Yohana 1:2

Niimaya wo la ka nkɛnɛmaya, mɔ do na a yena ka kɛ a sele le, ado m'i niimaya banbali wo ya ko lasena ài ma min tɛɛ mɔ Fa fɛlɔ, a do la na nkɛnɛmayala mɔ yɛ.

1 Yohana 4:14

Mɔ v'a ye ka wo seleya di ko mɔ Fa ka a Denkɛ lana dunuɲa k'a kɛ dunuɲa Lakisiba le.

Ko Lankɛnɛmayanin 18:1

Ko wolu timinnin kɔ, ǹ ka mɛlɛka dɔgbɛlɛ jiitɔla ye ka bɔ sangbolo lɔ, seetiiya ba tɛɛ min bolo, ado duukolo fan bɛ ma ka kɛ kala a nɔɔlɔ bolo.

Ko Lankɛnɛmayanin 2:7

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, ǹ kɛtɔ niimaya kɔlɔmanden dila wo tii ma, a a dɔn, niimaya kɔlɔman min yi Ala ya kunnadiyaso la.›

Ko Lankɛnɛmayanin 20:14

Wo kɔ, Saya ni Laikila la ka fili taa diɲa ba lɔ. Taa diɲa ba wo le saya filana le.

Ko Lankɛnɛmayanin 22:14

Duwawuden ne mɔɔ wolu le minu yi aiya pipɔ kola k'a gbɛ, fɔsa see yi di ai ma niimaya kɔlɔmanden dɔnko lɔ, ani ka don so kɔnɔ a dondalu fɛ.

Ko Lankɛnɛmayanin 22:17

Nii Sɛnɛyanin ni kɔɲɛmoso vɛɛ: «Na!» Mɔɔ min vɛ kuma minu mɛnna, wo tii y'a fɔ, a vɛɛ: «Na!» Ni minkɛlɔɔ ka kɛ mɔɔ min na, wo tii yi na. Ni mɔɔ min ka kɛ niimaya ji fɛ, wo tii y'a dɔ min, a tɛ sanna.