2 Timote 1:1 - Ala Ya Salatikan Kula Kitabu

¹ Ǹe Pɔli le yi lɛtɛlɛ min sɛvɛla, ǹe min kɛnin Masa Tɔɔmasenin Isa ya keladen ne ka bɛn Ala sawo ma, ani ka bɛn niimaya lahedi ma, niimaya min yi sɔlɔnna Masa Tɔɔmasenin Isa ya kafonɲɔɔya lɔ.

2 Timote 1:1 ပူးပေါင်းရင်းမြစ်များ

Yohana 10:28

Ǹ'i niimaya banbali dila ai ma, ai do tɛnala halakila tuun, ado mɔɔ foi tɛnala sena ai jasola m̀ bolo.

Yohana 17:3

Niimaya banbali kɔlɔ le ko, ai yi ile Ala bɛlɛbɛlɛ kelenpesa lɔn, ani ǹe Masa Tɔɔmasenin Isa min kelayanin i bolo.

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

Yohana 6:40

Kamasɔlɔn ǹ Fa sawo le min ne, ko mɔɔ minu bɛ ɲa lɔnin a Denkɛ lɔ ka limaniya a ma, wolu bɛ yi niimaya banbali sɔlɔn, ǹe do kɛtɔ ai lawulila ka bɔ saya lɔ dunuɲa laban lon.»

Yohana 6:54

Ni mɔɔ min do ka ǹ falikolo dɔn ani ka ǹ jeli min, niimaya banbali yi wo tii le yɛ, ani ǹ kɛtɔ a lawulila ka bɔ saya lɔ dunuɲa laban lon.

Lɔmukalu 1:1

Ǹe Pɔli, Masa Tɔɔmasenin Isa ya jɔn ne yi lɛtɛlɛ min sɛvɛla, ǹe min kilinin ka ǹ kɛ keladen ne, ani ka m̀ bila ǹ ta fan Ala ya Samakan Kein yɛ.

Lɔmukalu 5:21

Julumbu na fanga sɔlɔnna ka bɛn saya le ma. Wo boloɲa kelen ma, Ala ya nɛɛma yi fanga sɔlɔnna ka bɛn telenmandeya le ma, min yi nala niimaya banbali le mɔ Tii Masa Tɔɔmasenin Isa sabu la.

Lɔmukalu 6:23

Kamasɔlɔn julumbu sala le saya le, kɛɛ Ala ya sɔli yi niimaya banbali le le mɔ Tii Masa Tɔɔmasenin Isa ya kafonɲɔɔya lɔ.

1 Kolɛntikalu 1:1

Ǹe Pɔli, min kilinin ka kɛ Masa Tɔɔmasenin Isa ya keladen ne ka bɛn Ala sawo ma, ani mɔ badenma Sositɛnɛ, ǹu mɔɔ fila le yi lɛtɛlɛ min sɛvɛla.

2 Kolɛntikalu 1:1

6 Ǹe Pɔli min kɛnin Masa Tɔɔmasenin Isa ya keladen ne ka bɛn Ala sawo ma, ani mɔ badenma Timote, m'i lɛtɛlɛ min sɛvɛla k'a lataa Ala ya limaniyajama ma Kolɛnti so kɔnɔ, ani muminin minu bɛ yi Akayi koovi bɛ lakafonnin nɔ.

2 Kolɛntikalu 1:20

Kamasɔlɔn Ala na lahedi suu suu tala, wo bɛ ma yi fala Isa le sabu la. Wo le y'a kɛla, m'a fɔla «amiina» ka bɛn ale le ma, Ala magbiliyako lɔ.

Galatiyakalu 3:26

Kamasɔlɔn ài bɛ yi Ala den ne le ka bɛn limaniya ma Masa Tɔɔmasenin Isa ya kafonɲɔɔya lɔ.

Galatiyakalu 3:28

Wotɛbɔli tɛ Jahudiya ni siboloma gbɛlɛ mɔɔlu wotɛ, niwotɛ jɔn ni hɔlɔlu, niwotɛ kɛ́ ni mosolu, kamasɔlɔn ài bɛ yi kelen ne le Masa Tɔɔmasenin Isa ya kafonɲɔɔya lɔ.

Ɛfɛsikalu 3:6

Wo gbonoko le min ne: Ka bɛn Samakan Kein ma, Ala yi balayi minu ladalola aa mɔɔlu yɛ, Jahudiyalu ni siboloma gbɛlɛ mɔɔlu kɛtɔ wolu sɔlɔnna kelen ne, k'ai kɛ falikolo kelen ɲɔɔma le, ani k'ai dɛn lahedi la Masa Tɔɔmasenin Isa ya kafonɲɔɔya lɔ.

1 Timote 6:19

Wo boloɲa ma, ai kɛtɔ nafolo ladalola ai jɛlɛ yɛ, ai yi se k'ai bolomala min ma sinin, fɔsa ai bolo yi kɛ niimaya bɛlɛbɛlɛ la.

2 Timote 1:10

Tandainɔ, nɛɛma wo la vɛ nkɛnɛmaya ka bɛn mɔ Lakisiba Masa Tɔɔmasenin Isa nako ma, min na see sɔlɔnna saya ma k'a fanga bɔ a bolo, ka niimaya banbaliko labɔ gbɛ la Samakan Kein sabu la.

2 Timote 1:13

Ǹa misali ta ka bila kuma sɔvɛlu kɔ, i na minu mɛnna ǹ da, ka kɛ taamana limaniya ni kanundeya boloma Masa Tɔɔmasenin Isa ya kafonɲɔɔya lɔ.

2 Timote 1:9

min na mɔ lakisila, ka mɔ kili ka mɔ kɛ aa mɔɔ sɛnɛyaninnu le. Wo do ma kɛ ka bɛn mɔ kɛkolu ma, mafɔ a jɛlɛkanu ya kolatɛɛnin ma, ani aa nɛɛma min dinin mɔ ma Masa Tɔɔmasenin Isa ya kafonɲɔɔya lɔ, jani dunuɲa tɛɛ dan.

2 Timote 2:1

Ile ǹ den koni, i i lɔgbeleya Masa Tɔɔmasenin Isa ya nɛɛma lɔ.

2 Timote 2:10

Wo lɔ, ǹ'i ko bɛ le minala m̀ ma ka bɛn Ala ya mɔɔ taninnu ya ko ma, fɔsa ailu fana yi kisi Masa Tɔɔmasenin Isa sabu la ka habadan magbiliyali sɔlɔn.

2 Timote 2:3

I fɛ yi kɛ ǹa tɔlɔyalu la, iwo Masa Tɔɔmasenin Isa ya sɔdasi ɲuma.

2 Timote 3:15

Ka ta iya denniya waate ma, i vɛ lɔhɔlɔma kitabulu lɔn, minu yi se ka hangilimaya di i ma kisiko lɔ ka bɛn limaniya ma Masa Tɔɔmasenin Isa ma.

Tite 1:2

fɔsa niimaya banbali jeisii yi kɛ ai bolo, tuɲande Ala na min lahedi tala jani dunuɲa tɛɛ dan.

Tite 1:4

Ǹ'i min sɛvɛla ile Tite le ma, ǹ denkɛ bɛlɛbɛlɛ ka bɛn mɔ dɛɛn ma limaniya kelen na. Mɔ Fa Ala ni mɔ Lakisiba Masa Tɔɔmasenin Isa ya nɛɛma yi kɛ i yɛ, k'i josolajii.

Hebululu 9:15

Wo le y'a ma, Isa le mɔɔwotɛlɔbɛnba le salatikan kula lɔ, fɔsa mɔɔ minu kilinin Ala bolo, wolu yi habadan balayi sɔlɔn min lahedi tanin. Kamasɔlɔn saya le kɛnin mɔɔlu kunmakako lɔ k'ai bɔ aiya hakɛlu lɔ, ai na minu tala salatikan kunfɔlɔ waate lɔ.

1 Yohana 2:25

Masa Tɔɔmasenin na lahedi min tala mɔ yɛ, wo le min ne: niimaya banbali.