2 Piyɛli 3:7 - Ala Ya Salatikan Kula Kitabu

⁷ Kɛɛ m'i sangbolo ni duukolo minu yena yi ne, wolu ladalonin Ala kumakan kelen wo le sabu la, fɔsa ai yi ɲɛnin taa bolo. Ai do ladalotɔle haan fɔɔ kititɛɛlon yi se, Alaɲasiyanɲɛbalilu kɛtɔ halakila lon min na.

2 Piyɛli 3:7 ပူးပေါင်းရင်းမြစ်များ

Matiyu 10:15

Ǹ'i tuɲa fɔ ài yɛ, kititɛɛlon, Sɔdɔmu ni Gɔmɔli so yonnu ya kiti kɛtɔ nɔyala ka timin so wo mɔɔlu ta la.»

Matiyu 11:22

Wo le y'a ma, ǹ'a fɔla ài yɛ, kititɛɛlon, Tilika ni Sidɔnkalu ya kiti kɛtɔ nɔyala ka timin ài ta la.

Matiyu 11:24

Ǹ'a fɔ ài yɛ, kititɛɛlon, Sɔdɔmu mɔɔ yonnu ya kiti kɛtɔ nɔyala ka timin ài ta la.»

Matiyu 12:36

«Kɛɛ ǹ'a fɔ ài yɛ, mɔɔlu yi kuma kolon suu suu fɔla, ai kɛtɔ wo bɛ dandɛɛli kɛla kititɛɛlon.

Matiyu 24:35

Sangbolo ni duukolo tununtɔle, kɛɛ ǹ kumakannu tɛnala tununna tuun!»

Matiyu 25:41

«Wo kɔ, a kɛtɔ a fɔla a bolonunmalɔ talu yɛ, a vɛɛ: ‹Àilu daantɔlu, ài yi bɔ ǹ ɲakɔlɔ ka taa taa banbali lɔ, min lɔbɛnnin Soitana ni aa mɛlɛkalu yɛ.

Malɛkɛ 6:11

Ni mɔɔlu k'i ban ài lɔminala tɛɛ o tɛɛ lɔ ani k'i ban ai tolomalɔla ài la, wo vɛ kɛla, ài yi bɔ je ka je gbangban bɔ ài sen ma, ka wo kɛ ai ban tɔɔmase le.»

Yohana 12:48

Ni mɔɔ min k'i ban ǹ nɔ, a do m'a bolo sii ǹ kumakan kɔlɔ, ko yi je min kɛtɔ a kitila, wo le ǹ kumakan ne, ǹ na min fɔla. Wo gbugbu le kɛtɔ a kitila dunuɲa laban lon.

Lɔmukalu 2:5

Kɛɛ ka bɛn iya josokunja ni i dajoo mafalinbaliya ma, i y'a dɔ le lala iya kolatɔn kɔkan kudein ka bɛn Ala ya mɔnɛya lonba ma, aa kiti telenninu la kɛtɔ nkɛnɛmayala waate min nɔ.

1 Kolɛntikalu 3:13

mɔɔ kelenkelenna bɛ bolonɔ kɛtɔ bɔla gbɛ la. A jiyatɔle kititɛɛlon, kamasɔlɔn kolu lankɛnɛmayatɔle taa bolo, ado taa kɛtɔ mɔɔ kelenkelenna bɛ bolonɔ lɔsumana.

Filipikalu 1:28

Ài kà diɲa ài juulu y'ài masiyan ko foi lɔ. Wo le kɛtɔ kɛla ài juulu halakiko tɔɔmase le, ani àiya kisiko tɔɔmase ka bɔ Ala fɛ.

2 Tɛsalonikakalu 2:3

Ài kà diɲa mɔɔ foi y'ài manɛɛ boloɲa suu suu ma, kamasɔlɔn wo lon tɛnala sena haan fɔɔ mɔɔ siyama vɛ mulutula Ala kanma bene, ani seliya tiɲaba la vɛ nkɛnɛmayala, min kɛtɔ halakila Ala bolo.

1 Timote 6:9

Kɛɛ a lɔɔ yi mɔɔ minu la ka nafolotiiya kɛ, wolu ma yi nɛɛla ka ben nata kolon suu bɛ le ma, minu yi mɔɔlu minala iwo sɔɔ ka tiɲali ni halaki lana ai ma.

Hebululu 12:29

Kamasɔlɔn mɔ Tii Ala kɛyine iwo taa min yi fen bɛ halakila ka ban!

2 Piyɛli 2:9

Wo le y'a ma, mɔ Tii ka a ɲasiyanɲɛbalu lakisiɲa lɔn k'ai bɔ aiya tɔlɔyalu lɔ, a do ka telenbalilu ladaloɲa lɔn kolatɔn kanma haan fɔɔ kititɛɛlon yi se.

2 Piyɛli 3:10

Wo bɛ n'a kɛ, mɔ Tii nalon kɛtɔ balala mɔɔlu lɔ iwo son. Wo lon na, sangbolo ni a kɔnɔlɔfen bɛ kɛtɔ tununna mangan ba le. Sangbolo kɔnɔlɔfen bɛ kɛtɔ jelenna taa bolo, ani dunuɲa ni a kɔnɔlɔkolu bɛ la kɛtɔ nkɛnɛmayala.

2 Piyɛli 3:12

ài vɛ Ala ya lon makɔnɔna, k'ài lɔja fɔsa lon wo yi na jona, sangbolo kɛtɔ halakila taa bolo lon min na, ani a kɔnɔlɔfen bɛ lajelentɔ taa wuyen bolo.

1 Yohana 4:17

Kanundeya dafanin mɔ tɛma boloɲa wo le ma, fɔsa lanaya yi kɛ mɔ josokun nɔ kititɛɛlon, kamasɔlɔn m'i niimaya min kɛla dunuɲa, wo kɛyine iwo Masa Tɔɔmasenin ta yi teme.

Jude 1:7

Wo boloɲa kelen ma, Sɔdɔmukalu ni Gɔmɔlikalu ni ai laminin solu k'ai fɛ bila kanukɛko la, ani niikanukolu minu bɛnnin tɛ adamadenya ma. Wo le k'a kɛ, Ala k'ai latɔn habadan taa le k'ai kɛ misali le bɛ yɛ.

Ko Lankɛnɛmayanin 17:11

Soofali min tɛɛ a nii la kɔlɔman ne, kɛɛ a tɛ a nii la butu, wo taanin kɛla masakɛ seinna le le. A do fɛ yi masakɛ wolowulan wolu la, ale fana yi taa kan a halakiya lɔ.

Ko Lankɛnɛmayanin 17:8

I na soofali min yena, wo tɛɛ a nii la kɔlɔman ne, kɛɛ a tɛ a nii la butu, a do yi jɛlɛ bolo le ma ka bɔ diɲa gboon lɔjaannin nɔ, ka taa a halakiya lɔ. Dunuɲamɔɔ minu tɔɔ ma sɛvɛ niimaya kitabu kɔnɔ ka ta dunuɲa dan waate ma, wolu kɛtɔ soofali yena ka kawakoya aa ko lɔ, kamasɔlɔn a tɛɛ a nii la kɔlɔman ne, a do tɛ a nii la butu, kɛɛ a kɛtɔ nala kɔtunun.

Ko Lankɛnɛmayanin 20:11

Wo kɔ, ǹ ka masayasiifen gbɛ makawanin dɔ ye, ani min siinin tɛɛ a kɔkan. Sangbolo ni duukolo bɛ ka bɔli ka bɔ a ɲakɔlɔ, ai do ma ye butu.

Ko Lankɛnɛmayanin 21:1

Wo timinnin kɔ, ǹ ka sangbolo kula ye, ani duukolo kula. Kamasɔlɔn sangbolo kunfɔlɔ ni duukolo kunfɔlɔ tɛɛ vɛ tunun, ado kɔɔji tɛɛ tɛ je butu.