2 Piyɛli 3:17 - Ala Ya Salatikan Kula Kitabu

¹⁷ Àilu ǹ diyananmɔɔlu koni, komi ài la vɛ sovi, wo lɔ, ài y'ài jando ài jɛlɛ lɔ fɔsa ài la kana fili seliya sɔsɔbalu bolo k'ài bɔ ài lɔya bamanin nɔ.

2 Piyɛli 3:17 ပူးပေါင်းရင်းမြစ်များ

Matiyu 16:11

A kɛnin di vɛ ài m'a ɲaye ba ko ǹ kan tɛɛ tɛ bulu ma? Kɛɛ fɔ ài y'ài jando ài jɛlɛ lɔ ka bɛn Falisilu ni Sadusilu ya bululafununsɛɛ ma.»

Matiyu 16:6

Wo ma, Isa vɛɛ ai yɛ: «Ài y'ài jando ài jɛlɛ lɔ ka bɛn Falisilu ni Sadusilu ya bululafununsɛɛ ma.»

Matiyu 7:15

«Ài y'ài jando ài jɛlɛ lɔ faɲafɔ kelalu ya ko lɔ. Ai y'ai jɛlɛ kɛla iwo saalu ka na ài ma, k'a talan soofali le ai le.

Yohana 16:4

Kɛɛ ǹ na ko min bɛ fɔla ài yɛ, fɔsa waate wo vɛ sena, ài hangili yi bila a lɔ ko ǹ ka wo le fɔ ài yɛ. «Ǹ tɛɛ ma ko minu fɔ ài yɛ a damina lɔ, kamasɔlɔn ǹ tɛɛ ài fɛ.

Kɛkolu 2:42

Limaniyamɔɔlu k'ai sɛmɛdon kalan ma keladennu fɛ, ani ka ladɛn kɛ i ɲɔɔ fɛ iwo badenmalu, ani ka kɛ bulu lɔtalale i ɲɔɔ wotɛ, ani ka Ala dali i ɲɔɔ fɛ.

Lɔmukalu 16:18

Mɔɔ suu wolu tɛ baalela mɔ Tii Masa Tɔɔmasenin yɛ, mafɔ ai kɔnɔgbolo. Ai do yi kuma madiyanin ne fɔla ka mɔɔlu matɔɔ fuun fɔsa ai yi koɲayebalilu manɛɛ.

1 Kolɛntikalu 10:12

Wo lɔ, ni a yi mɔɔ min kɔnɔ ko a lɔyine kili, wo tii y'alama, a kan'i ben.

1 Kolɛntikalu 15:58

Wo le y'a ma, ǹ diyanan badenmalu, ài y'ài lɔgbeleya. Foi kà ài laseikɔ. Ài y'ài sɛmɛdon mɔ Tii ya baale ma waate bɛ, kamasɔlɔn ài k'a lɔn ne ko ài yi baale min kɛla mɔ Tii ya kafonɲɔɔya lɔ, wo tɛnala kɛla kofuun ne.

2 Kolɛntikalu 11:3

Wo bɛ n'a kɛ, sa na jateeya min suu kɛla Mama Hawa la k'a manɛɛ, ǹ'i siyanna àilu gbu hangili kana ɲaami boloɲa gbɛlɛ ma k'ài kɔdon àiya kanundeya bɛlɛbɛlɛ la Masa Tɔɔmasenin yɛ.

Galatiyakalu 5:4

Àilu minu yi telenmandeya ɲininna ka bɛn seliya latelenko ma, ài vɛ falan Masa Tɔɔmasenin na k'ài fo Ala ya nɛɛma la.

Ɛfɛsikalu 4:14

Wo ma, mɔ tɛnala kɛla dennilu le butu, kɔɔ kilinkilin yi minu lamaamaala, ani fɔɲɛ yi minu lafilinfilinna ka bɛn mɔɔ jateeyaninnu ya lafilikolu ma ani aiya faɲafɔ kalan kaijakaijalu.

Filipikalu 3:2

Ài y'ài jando ài jɛlɛ lɔ kalanmɔɔ yon wolu kanma, minu faiyanin iwo wulunilu. Ai do yi kɛnɛkɛko kɛla diyanigbeyako le le, ka daafɔɔ bila mɔɔlu falikolo ma fuun.

Kɔlɔsikalu 2:5

Hali m̀ ma kɛ ài tɛma yi ne, ǹ hangili y'ài kɔ, ado ǹ sawayine kamasɔlɔn m̀'ɛ a ye ko ài bɛnyine a lɔ k'ài limaniyanin to Masa Tɔɔmasenin ma kosɛvɛ.

Kɔlɔsikalu 2:8

Ài y'ài jando ài jɛlɛ lɔ alako mɔɔ suu suu kana ài kun mina a jɛlɛkanu ya hangilimaya le, k'ài lafili faɲafɔkolu le, minu jusiinin adamadennu ya laanalu kɔkan, ani dunuɲa fangatii yenbalilu, minu tɛ Masa Tɔɔmasenin ta le feu.

2 Timote 4:15

Ile gbu i jando i jɛlɛ lɔ aa ko lɔ, kamasɔlɔn a n'i wulila mɔ kumakannu kanma kojuuya.

Hebululu 3:14

Kamasɔlɔn mɔ vɛ kɛ Masa Tɔɔmasenin lankan ne, ni mɔ bolo ka to maa lanaya kunfɔlɔ la kpekpe haan fɔɔ a laban nɔ.

1 Piyɛli 5:9

Ài y'ài lɔ Soitana ɲa kili limaniya lɔ, kamasɔlɔn ài v'a lɔn ko ài badenma minu jɛzɛnnin dunuɲa fan bɛ lɔ, wolu yi tɔlɔya wo suu bɛ dɔ le masɔlɔnna fana.

2 Piyɛli 2:7

Kɛɛ a ka telenmande Luti lakisi, min nii tɔlɔyanin tɛɛ bubale ka bɛn koyonkɛbalu ya malobaliyakolu ma.

2 Piyɛli 3:1

Ǹ diyananmɔɔlu, ǹa lɛtɛlɛ filana le min ne, ǹ'i min lataala ài ma. Lɛtɛlɛ fila wolu lɔ, m̀'ɛ ǹ lɔja k'ài hangili bila ko minu lɔ, alako ài miliya lagbɛnin yi to,

Ko Lankɛnɛmayanin 2:5

Wo ma, i bennin dingila min nɔ, i hangili yi to woja lɔ. I dajoo mafalin ka kɛ i kɛko kunfɔlɔlu kɛla. Ni i do m'i dajoo mafalin, ǹ kɛtɔ nala i ma k'iya fitinasiifen bɔ a nɔ lɔ.