2 Piyɛli 3:16 - Ala Ya Salatikan Kula Kitabu

¹⁶ A do yi kumala wo boloɲa le ma aa lɛtɛlɛlu bɛ lɔ, a vɛ kɛla sɛvɛli kɛla ka bɛn ko suu minu ma. Ko dɔlu yi je aa lɛtɛlɛlu lɔ minu ɲayenko gbeleyanin, kolɔnbalilu ni miliyafilatiilu yi minu kɔlɔ majɛlɛmana, iwo ai yi kitabu fan dɔlu kɔlɔ majɛlɛmana teme, ka halakili lase ai jɛlɛ ma.

2 Piyɛli 3:16 ပူးပေါင်းရင်းမြစ်များ

Matiyu 15:3

Isa k'ai javi, a vɛɛ: «Àilu do? Mindɛ lɔ ài yi Ala ya seliya tiɲala ka bɛn àiya laanalu ma?

Matiyu 15:6

Ko a v'a fɔla ten, a mako tɛ butu a fa buɲako la. Wo ma yi ne, àilu vɛ Ala kumakan to je ka bɛn àiya laana ma.

Matiyu 22:29

Isa k'ai javi, a vɛɛ: «Ài filinin, kamasɔlɔn ài ma kitabulu kɔlɔ ɲaye, kumatɛ Ala ya foniseleya ma.

Filipikalu 3:19

Mɔɔ wolu labantɔ halaki le ma. Aiya noomaya le ai tii le. Ai y'ai jɛlɛ matɔɔla ka bɛn ai lamaloyakolu le ma, ado ai nii lanin dunuɲakolu le kɔkan.

Hebululu 5:11

Ko siyama yi mɔ kɔnɔ ka bɛn ko min ma, kɛɛ a ɲafɔko gbeleyayine, kamasɔlɔn ài kunsumayine kolu ɲayena.

Janguba 1:8

kamasɔlɔn miliyafilatii le a le, min tɛ tola kan kelen kan a kɛkolu bɛ lɔ.

1 Piyɛli 1:1

Ǹe Piyɛli min yi Masa Tɔɔmasenin Isa ya keladen ne, ǹ'i lɛtɛlɛ min sɛvɛla Ala ya mɔɔ taninnu le ma minu siinin lonaya lɔ Pɔndu, Galatiya, Kapadɔsiya, Esiya, ani Bitiniya koovilu lɔ.

1 Piyɛli 2:8

A sɛvɛnin kɔtunun, ko: «Wo le kɛnin ai sen tuu kawakulun ne, ani kawa min y'ai labenna.» Ai sen tuunin kamasɔlɔn ai yi kolobaliya kɛla Ala kumakan na, iwo a latɛɛnin ai ma teme.

2 Piyɛli 2:1

Iwo faɲafɔ kelalu k'i wuli teme Bani Isilankalu tɛma kɔlɔkɔlɔ le, wo boloɲa kelen ma, faɲafɔ kalanmɔɔlu wulitɔ ài tɛma doon nɔ ka na kalan dɔlu le minu yi halakili lasena mɔɔlu ma, hali k'ai ban ai Tii gbu lɔ min n'ai kunmakala. Ai do kɛtɔ halakili lasena ai jɛlɛ ma jona.

2 Piyɛli 2:14

Waate bɛ, ai ɲa yi bɔla mosolu la jalonya boloma. Ai tɛ wasala julumbu tako lɔ. Ai yi sɔɔ lasiila mɔɔlu ɲa minu sawatinin tɛ limaniya lɔ. Ai josokun lafanin natabaya le le. Daantɔ le ai le.

2 Piyɛli 3:14

Wo lɔ saa, ǹ diyananmɔɔlu, ài vɛ kɛla ko wolu makɔnɔna, ài y'ài lɔja, wo y'ài talan josolajii ni sɛnɛya ni jalakibaliya lɔ.

2 Piyɛli 3:2

ani ài kana ɲina kelayakumalu lɔ minu fɔnin lɔhɔlɔma kelalu bolo kɔlɔkɔlɔ le, ani mɔ Tii ni mɔ Lakisiba ya jamali min fɔnin ài yɛ keladennu bolo.

Jude 1:4

Kamasɔlɔn mɔɔ dɔlu vɛ don ài tɛma doon nɔ, minu ya kolatɔn sɛvɛnin ka ta waate jaan ma. Samakan bɛlɛbɛlɛ ka bɛn mɔ Tii Ala ya nɛɛma ma, Alaɲasiyanɲɛbali wolu yi wo kɔlɔ le majɛlɛmana k'a kɛ malobaliyako dailu le, ani k'ai ban Masa Tɔɔmasenin Isa lɔ, min kelenpesa yi mɔ Kuntii le, ani mɔ Tii.