2 Piyɛli 3:14 - Ala Ya Salatikan Kula Kitabu

¹⁴ Wo lɔ saa, ǹ diyananmɔɔlu, ài vɛ kɛla ko wolu makɔnɔna, ài y'ài lɔja, wo y'ài talan josolajii ni sɛnɛya ni jalakibaliya lɔ.

2 Piyɛli 3:14 ပူးပေါင်းရင်းမြစ်များ

Matiyu 24:26

«Wo le y'a kɛla, ni mɔɔlu k'a fɔ ài yɛ ko Masa Tɔɔmasenin yi fuwa lɔ, ài kà taa je. Ni ai k'a fɔ ài yɛ ko a yi dingila madoonnin dɔ lɔ, ài kà la wo la.

Matiyu 25:7

Wo kɛ, singbili tan v'i wulila k'aiya fitinalu lɔbɛn.

Luka 12:43

Ni bɔiden wo ya kuntii ka na ka a talan baale la, a kɛtɔ duwawuden ne le.

Luka 2:29

«Ǹ Tii, diɲa butu ǹe iya jɔn yi sa hɛlɛ lɔ ka bɛn iya lahedi ma.

1 Kolɛntikalu 1:8

A do kɛtɔ a kɛla, ài bamanin totɔ haan fɔɔ a laban na, fɔsa ài yi kɛ jalakibali le mɔ Tii Masa Tɔɔmasenin Isa ya lon na.

1 Kolɛntikalu 15:58

Wo le y'a ma, ǹ diyanan badenmalu, ài y'ài lɔgbeleya. Foi kà ài laseikɔ. Ài y'ài sɛmɛdon mɔ Tii ya baale ma waate bɛ, kamasɔlɔn ài k'a lɔn ne ko ài yi baale min kɛla mɔ Tii ya kafonɲɔɔya lɔ, wo tɛnala kɛla kofuun ne.

Filipikalu 1:10

fɔsa ài yi se kobɛlɛ ni koyon wotɛbɔla. Wo vɛ kɛla, ài kɛtɔ mɔɔ sɛnɛyanin ni jalakibali le le Masa Tɔɔmasenin ya lon na,

Filipikalu 2:15

fɔsa ài yi kɛ mɔɔ sɛnɛyanin ni jalakibali le, ani Ala dennu, fɛɛ tɛ minu la, minu siinin bi mɔɔ filinin ni kɔnɔlɔgbolu tɛma. Ài yi kɛ dunuɲamɔɔlu tɛma iwo lolonilu yi mɛnɛnna teme divi lɔ,

Filipikalu 3:20

Kɛɛ ǹu koni, maa duulenya yi haijɛnɛ le, ado m'i Lakisilikɛba le makɔnɔna ka bɔ je, min kɛnin mɔ Tii Masa Tɔɔmasenin Isa le.

1 Tɛsalonikakalu 3:13

Mɔ Tii y'ài joso bama fɔsa ài yi kɛ mɔɔ sɛnɛyanin ni jalakibali le mɔ Fa Ala ɲakɔlɔ, mɔ Tii Isa vɛ nala lon min na aa mumininnu bɛ fɛ.

1 Tɛsalonikakalu 5:23

Ala gbu min yi josolajii dila, wo y'ài kɛ mɔɔ sɛnɛyanin ne boloɲa bɛ ma. Ala yi ài nunakili ni ài josokun ni ài falikolo bɛ matanga, fɔsa ài yi kɛ jalakibali le mɔ Tii Masa Tɔɔmasenin Isa nalon.

1 Timote 6:14

ǹ ko, i yi jamali min labato sɛnɛyali ni jalakibaliya boloma, haan fɔɔ mɔ Tii Masa Tɔɔmasenin Isa la vɛ nkɛnɛmayala

Hebululu 9:28

wo boloɲa kelen ne ma, Masa Tɔɔmasenin fana na kɛla salaka le siɲa kelen ne le dein, ka mɔɔ siyama ya julumbulu bɔ ai ma. A do natɔ a siɲa filana lɔ, kɛɛ wo tɛnala kɛla julumbu lɔkotoko le, mafɔ ka mɔɔlu lakisi minu y'a nalon makɔnɔna.

Janguba 1:27

Diina siya min sɛnɛyanin mɔ Fa Ala ɲakɔlɔ, fɛɛ pa tɛ min na, wo le k'i jando failanilu ni kɛsamosolu lɔ aiya tɔlɔya waate lɔ, ani k'i jɛlɛ matanga dunuɲa kokɔsɔnin bɛ ma.

1 Piyɛli 1:7

Ko wolu le yi kɛla sabu le k'a jiya ko limaniya bɛlɛbɛlɛ le y'ài bolo, min kulugbeleyanin sanu le, sanu min yi fen tiɲata le, ani min lɔ yi sumala taa bolo. Wo do nafa kɛtɔ kɛla matɔɔli ni magbiliyali ni buɲali le le ài yɛ Masa Tɔɔmasenin Isa lankɛnɛmaya lon.

2 Piyɛli 3:1

Ǹ diyananmɔɔlu, ǹa lɛtɛlɛ filana le min ne, ǹ'i min lataala ài ma. Lɛtɛlɛ fila wolu lɔ, m̀'ɛ ǹ lɔja k'ài hangili bila ko minu lɔ, alako ài miliya lagbɛnin yi to,

2 Piyɛli 3:16

A do yi kumala wo boloɲa le ma aa lɛtɛlɛlu bɛ lɔ, a vɛ kɛla sɛvɛli kɛla ka bɛn ko suu minu ma. Ko dɔlu yi je aa lɛtɛlɛlu lɔ minu ɲayenko gbeleyanin, kolɔnbalilu ni miliyafilatiilu yi minu kɔlɔ majɛlɛmana, iwo ai yi kitabu fan dɔlu kɔlɔ majɛlɛmana teme, ka halakili lase ai jɛlɛ ma.

1 Yohana 3:3

Ni jeisii wo ka kɛ mɔɔ min bolo, wo tii y'a jɛlɛ lasɛnɛyale iwo Isa sɛnɛyanin teme.