2 Piyɛli 3:10 - Ala Ya Salatikan Kula Kitabu

¹⁰ Wo bɛ n'a kɛ, mɔ Tii nalon kɛtɔ balala mɔɔlu lɔ iwo son. Wo lon na, sangbolo ni a kɔnɔlɔfen bɛ kɛtɔ tununna mangan ba le. Sangbolo kɔnɔlɔfen bɛ kɛtɔ jelenna taa bolo, ani dunuɲa ni a kɔnɔlɔkolu bɛ la kɛtɔ nkɛnɛmayala.

2 Piyɛli 3:10 ပူးပေါင်းရင်းမြစ်များ

Matiyu 24:35

Sangbolo ni duukolo tununtɔle, kɛɛ ǹ kumakannu tɛnala tununna tuun!»

Malɛkɛ 13:31

Sangbolo ni duukolo tununtɔle, kɛɛ ǹ kumakannu tɛnala tununna tuun!

Luka 12:39

Kɛɛ ài yi ko min ɲaye: Ni bontii tɛɛ v'a lɔnna ko son natɔ waate min nɔ, a tɛɛ tɛ diɲa son yi don aa bon na.

Lɔmukalu 8:20

Kamasɔlɔn dannifennu bɛ la ka don nafandanya kɔlɔ. Wo ma kɛ ailu gbu sawonanko le, mafɔ ale sawonanko, ale min n'ai ladonna je. Kɛɛ wo bɛ n'a kɛ, jeisii yi je bene,

1 Kolɛntikalu 1:8

A do kɛtɔ a kɛla, ài bamanin totɔ haan fɔɔ a laban na, fɔsa ài yi kɛ jalakibali le mɔ Tii Masa Tɔɔmasenin Isa ya lon na.

1 Kolɛntikalu 5:5

Wo waate, ài yi mɔɔ wo don Soitana bolo a falikolo halakiko lɔ, fɔsa tumadɔ a nii yi kisi mɔ Tii ya lon.

2 Kolɛntikalu 1:14

iwo ài vɛ mɔ ɲaye dɔni ne teme. Wo vɛ kɛla, mɔ Tii Isa nalon vɛ sena, m'i kɛle àiya ɲalɔkɛnɛya sabu le, iwo àilu fana kɛtɔ maa ɲalɔkɛnɛya sabu le teme.

1 Tɛsalonikakalu 5:2

Kamasɔlɔn àilu gbu k'a lɔn ne mɔ Tii nalon kɛtɔle iwo son yi nala teme su lɔ.

1 Tɛsalonikakalu 5:4

Kɛɛ m̀ badenmalu, ài tɛ divi lɔ k'a fɔ ko wo lon kɛtɔ balala ài lɔ iwo son.

2 Piyɛli 3:11

Komi fen wolu bɛ kɛtɔ halakila ten ne, ài ka kan ka kɛ mɔɔ suu mindɛ le wo lɔ? Fɔ ài yi kɛ taamana sɛnɛyali ni Alaɲasiyanɲɛ bolo le ma,

2 Piyɛli 3:12

ài vɛ Ala ya lon makɔnɔna, k'ài lɔja fɔsa lon wo yi na jona, sangbolo kɛtɔ halakila taa bolo lon min na, ani a kɔnɔlɔfen bɛ lajelentɔ taa wuyen bolo.

2 Piyɛli 3:7

Kɛɛ m'i sangbolo ni duukolo minu yena yi ne, wolu ladalonin Ala kumakan kelen wo le sabu la, fɔsa ai yi ɲɛnin taa bolo. Ai do ladalotɔle haan fɔɔ kititɛɛlon yi se, Alaɲasiyanɲɛbalilu kɛtɔ halakila lon min na.

Jude 1:6

Ado mɛlɛka minu ma diɲa ka to ai lɔyalu lɔ mafɔ ka bɔ ai makɛya bɛlɛbɛlɛ lɔ, wolu silinin habadan jɔlɔkɔ le le divi fin mainmain nɔ, haan fɔɔ kititɛɛ lonba yi se.

Ko Lankɛnɛmayanin 16:15

Mɔ Tii vɛɛ: «Ài y'a ye, ǹ kɛtɔ nala ka bala mɔɔlu lɔ iwo son. Ni mɔɔ min ka to a ɲana, k'a bolo kɛ aa faanilu la, fɔsa a kana taama a falimakolon ne maloya boloma, wo tii yi duwawuden ne le.»

Ko Lankɛnɛmayanin 20:11

Wo kɔ, ǹ ka masayasiifen gbɛ makawanin dɔ ye, ani min siinin tɛɛ a kɔkan. Sangbolo ni duukolo bɛ ka bɔli ka bɔ a ɲakɔlɔ, ai do ma ye butu.

Ko Lankɛnɛmayanin 21:1

Wo timinnin kɔ, ǹ ka sangbolo kula ye, ani duukolo kula. Kamasɔlɔn sangbolo kunfɔlɔ ni duukolo kunfɔlɔ tɛɛ vɛ tunun, ado kɔɔji tɛɛ tɛ je butu.

Ko Lankɛnɛmayanin 3:3

Wo le y'a ma, i na ko minu kalanna ani k'ai mɛn, i i hangili to wolu lɔ. I i bolo kɛ ko wolu la k'i dajoo mafalin. Ni i do ma kunun, ǹ kɛtɔ balala i lɔ iwo son, ado i tɛnala a lɔnna ǹ natɔ i kanma waate min.

Ko Lankɛnɛmayanin 6:14

Sangbolo ka tunun ka bɔ je iwo kafa ma yi mɔlɔmɔlɔla teme, ado tinilu ni kɔɔtɛmaduulu bɛ ka bɔ ai nɔlu lɔ.