2 Piyɛli 2:7 - Ala Ya Salatikan Kula Kitabu

⁷ Kɛɛ a ka telenmande Luti lakisi, min nii tɔlɔyanin tɛɛ bubale ka bɛn koyonkɛbalu ya malobaliyakolu ma.

2 Piyɛli 2:7 ပူးပေါင်းရင်းမြစ်များ

1 Kolɛntikalu 10:13

Lɔsumani suu suu ma ài lasɔlɔn ba bene, mafɔ min suu deinin adamadennu lasɔlɔnna. Ala do yi lanande le le. A tɛnala diɲala ài lɔ yi suma ka gban ài senko kan. Kɛɛ ni ài lɔ ka suma, Ala kɛtɔ ài bɔɲa jiyala ài la fɔsa ài yi se lɔsumani wo minala ài ma teme.

2 Piyɛli 2:18

Ai y'ai wasola kuma kundannu le, fɔsa mɔɔ minu yi kisi boloma ka bɔ mɔɔ filininnu tɛma, ai yi wolu manɛɛ ka bɛn falikolo niikanukolu ma.

2 Piyɛli 2:2

Mɔɔ siyama kɛtɔ bilala wolu fɛ aiya malobaliyakolu lɔ, ado ka bɛn wolu ma, tuɲandeya siya ma yi finne.

2 Piyɛli 3:17

Àilu ǹ diyananmɔɔlu koni, komi ài la vɛ sovi, wo lɔ, ài y'ài jando ài jɛlɛ lɔ fɔsa ài la kana fili seliya sɔsɔbalu bolo k'ài bɔ ài lɔya bamanin nɔ.

Jude 1:4

Kamasɔlɔn mɔɔ dɔlu vɛ don ài tɛma doon nɔ, minu ya kolatɔn sɛvɛnin ka ta waate jaan ma. Samakan bɛlɛbɛlɛ ka bɛn mɔ Tii Ala ya nɛɛma ma, Alaɲasiyanɲɛbali wolu yi wo kɔlɔ le majɛlɛmana k'a kɛ malobaliyako dailu le, ani k'ai ban Masa Tɔɔmasenin Isa lɔ, min kelenpesa yi mɔ Kuntii le, ani mɔ Tii.